شاركي في النقاش

سجلي الدخول لإضافة تعليق.

التعليقات

2,022

  1. @am_asyl_alhgazyh

    صاحبة الموضوع
    ^Ro0oZ^
    السعر المنافس فيه كل شيء زي الهرم اعتقد وفيه فرعين بجده انا اروح الي ف كيلو 4 وجنبه مهجه وشبرا وتوب تن ، لانهم قريبين من بيت اهلي اروحله مشي .. واخذت منه الصندوق ب 48 ومخدة الرضاعه وفلنتين داخليه وكوفله ولبس لنونو وبجامه وصحن اكل يجي بم…
    تسلمي روز على الافاده
    ربي يسعدك 💋❤

  2. @am_asyl_alhgazyh

    صاحبة الموضوع
    مها74
    الله يسهل أنا الان في الثامن ثقل ووجع أسفل الظهر حتى العصعوص فيه وجع ويصير معي هبوط في الضغط ماقدر أسوي الغداء لازم اجلس وانا في المطبخ بسأل سؤال محرج شوي العلاقة الزوجية مع هذة التعب نبعد عنها أفضل صح كلامي ؟ اشوف اراأكم يا كروشات بن…
    ايوا ابعدي عن العلاقه اذا حاسه بتعب
    ،
    وتتهني بالمهاد جميل ماشاء الله

  3. @soso_saronh

    مساء الخير ، كيفكم كروشات
    مها
    ما شاء الله حلو المدس يتهنى نونوك فيه
    و يا رب يآجرنا على التعب 😪 ..






    صايره احسب بالأيام متى ادخل التاسع مع اني في اول اسبوع من الثامن و عشان كذا اشوف الايام تزززحف زحف


    وزود على كذا يابنات بنتي مسببه لي قلق ماتخليني انام مثل الناس 💔
    لدرجة كل من شافني قال لي شكلك ماتنامين كثير
    و كله منفسه ومالي خلق
    لها شهرين او اكثر ماتبيني انام في غرفتي بس تبكي تبيني انام معهم في غرفتهم
    اجلس عندهم في الغرفه لين ينامون وبعدين اطلع
    وكل شوي تقوم تبكي تقول تعالي
    طنشتها وخليتها تبكي وكل شوي طالعه بشيء
    بطني يعورني او رجلي او راسي
    لانها عارفه انهم اذا تعب احد منهم نمت عندهم ههههه
    عشان كذا
    واذا نمت معهم يكون نومي متقطع مره
    شوي تطلب دورة المياه وشوي تطلب اكل واعطيها نفس الي طلبت ولا تاكله بس تبيني اقابلها
    واخليها تبكي لكن بسم الله عليها ماتستسلم اضطر اروح لها وانام عشان مايطير مني ومنها النوم 💔
    وطول اليوم نومها هي متقطع ناادر ماتنام نوم متواصل عشان كذا مااقدر انام معها في وقت نومها
    وارحمها اوقات اقول يمكن تسوي كذا عشان النونو الي ببطني !


    طولت عليكم حبيت افضفض والي عندها حل تعلمني ايش اسوي معها ..

  4. @am_asyl_alhgazyh

    صاحبة الموضوع
    بخصوص المشد الي حطيتيه ياجنان الورد
    بحطها ببالي بس بشتريها بعد الولاده
    لان اذا ولدت قيصري مارح اشتريها
    واذا ولدت طبيعي اوصي اخويا او زوجي يشتريها
    ،
    والله يكتب لي الولاده الطبيعيه والي فيها الخير يارب !
    ،
    عندي سؤال ⁉
    مين عندها ولاده قيصريه قبل كدا
    اقصد قيصريه وحده !!؟
    انا افتكر جود999 نفس وضعي بكريتها قيصري

  5. @am_asyl_alhgazyh

    صاحبة الموضوع
    ابشركم 😀😃
    الحمدلله غسلت ملابس نونتي واخيرا
    غسلتها بالصباح ( بمسحوق الغسيل من بيجون )
    وان شاء الله بكرا اكويها ❤
    انطباعي عن مسحوق الغسيل من بيجون ريحتها حلوه
    بس خفيفه مرا لكن الوزير ريحتها اقوى
    وكمان بيجون مافيها رغوه عكس الوزير
    عشان كدا مو تتحمسي وتكتري من بيجون وتخلصي العلبه 😅
    وصراحه كـ اول تجربه مع المسحوق حبيتو 👍
    ،
    ،
    عندي ملاحظه
    قرات ان صابون الوزير ماينفع بالغساله الاتوماتيك
    لان الصابون يلزق بالملابس وتعدمها
    الافضل تجيبي قارورة مويه فاضيه وحطي ملعقه صابون
    وزير وصبي مويه دافيه وخضيها مزبوط واستخدميها بثاني يوم
    لان رح تعدم الملابس لو ماذابت
    ،
    انا جربت صابون الوزير باايام بكري بس ايامها كانت غسالتي
    عاديه وكمان عندي مويه حاره وبارده ف كنت افتح الحار
    واحط صابون وزير واخلي الغساله تلف وتلف لين تطلع الرغوه
    واحس الصابون ذاب بعدين احط الملابس

تابعي تجارب أخرى من هذا القسم.