✨🍼التجمع الـ ( 15 ) لأمهات مواليد مايـ..5..ـو & يونيـ..6..ـو🍼✨2016

الله يعطيك العافيه بس كيف قماشه اذا قاسي ماينفع ويضايق جربت واحد شبيه له قبل اتعبني ورميته ورجعت للشماغ

* اخر نقطة اللي هي الاهتمام بالأكل وقت الدورة عودتهم زي آكلي وقت الدورة ماعدا الأعشاب ممنوع اخاف تأثر عليهم مستقبلاً بس المشروبات الباردة والايسكريم والغازيات والخرابيط زي الاندومي والشبسات ممنوعة ولازم حليب حار وبيض قبل المدرسة اخاف تتأخر عليهم الفسحة ويجوعون >> طبعاً فيه نقطة قلتها لهم وارعبتهم وانا استفدت منها😅 قلت لهم ترا اللي تخربط بأكلها وتآكل من الممنوعات هذي والا تمشي حافية ع السيراميك والا تاخذ شور وتطلع في الهواء بدون ماتغطي راسها يجيها خوا ~ قالوا وش يعني قلت يعني يطّلع منك هواء غصب عنك ، ومثلت لهم انك ممكن فجأة وانتي جالسة بين صديقاتك او في الفصل وتوقفك المعلمة والا تجلسك فجأة وبدون سابق إنذار يطّلع منك صوت قوي بدون ماتحسين ولاتقدرين تتحكمين فيه زي ... خافوا وصاروا حريصات يخافون من الفشلة وكل شوي يسألوني عادي نأكل هذا وعادي نشرب هذا خخخخخخ المهم جابت فايدة وصارت الدورة عندهم حاجة مهمة فهمتهم انها كم يوم تهتمين وترتاحين باقي الشهر حتى البنات الحريصات واللي يهتمون يُبين في اجسامهم ووجيههم وصحتهم وأعطيهم مثال ع خالاتهم وعماتهم و الصبايا الحلوين والامهات الحلوات اقول تراهم كذا نظامهم مع بناتهم عشان كذا شوفوهم ماشاءالله يوم كبروا يفتحون النفس والحمدلله الامور ماشية كويس فيه طبعاً تجاوزات واخطاء بسيطة بس بالتفاهم والنقاش وشوية حزم نقدر نوصل للي نبغاه ~~ الله يصلح لنا ولكم النية والذرية والله لايضيع لنا تعب أتمنى ماثقلت عليكم احاول ابسط الكلام بس ماعرف اختصر 😁 استرسل دائماً وأحب التفاصيل

الف سلامه عليك الله يتمم لك ماتبقى ويهون عليك

حتى انا ان شاء الله ببداء اليومين هذي

طيب بنات الي ولدوا بكرهم قيصري ايش السبب
يعني لو مثلا عشان الجنين نبضه ضعف او مثلا كان مقعدي او نازل برجوله او المويه قلت ان شاء الله
احتمالية الطبيعي اكثر من الي زي حالتي انا عشان البيبي ما نزل الحوض والبكريه لازم ينزل قبل موعد
الولاده وقالت حتى لو اعطتني طلق صناعي ما راح ينفع لان الرحم قاسي وقافل والطفل لسه بعيد يعني ما فيه بوادر ولاده طبيعي

صحيح كلامك في محله وامك ماشاءالله رائعة وانا مع كذا ان البنت تعرف من أمها ،، والبنت الصغيرة فعلاً غلط نفتح معها هالمواضيع بهالسن ابداً مانعلمها ولانشغلها بشغلات لسا بدري عليها بس لو سمعت او لطشت معلومة من هنا والا هناك وسألتك جاوبي عليها بشكل مبسسسسط جداً عشان لاتروح تسال احد ثاني وتدخل بدوامة