تعقيب بخصوص موضوعي الاول خطيبي الممرض

اقول اتركي الرجال

يروح بنصيبه

ترا المراه الشكاكه والغيوره بزياده بتموت قهر وممكن يكون سبب في هوشاتكم

واذا استخرتي وما رتحتي اتركيه

يا حبيبتي انتي تمدحين باخلاقه و بكل شي
و وافقتي عليه من سنه و مرتاحه
ليش الحين صرتي متردده و قلقانه !
شيء طبيعي الخوف هذا ولا تحطين فبالك
و ترا مو معناتها انه ممرض يعني داق حنك مع الممرضات و الدكتورات و ضحك و سوالف
انتي تشوفين اقليات لكن الاغلبيه يخلص شغله و يمشي
يعني ماراح يقلبها صداقات و تعارف معاهم .
و الا كان خطب وحده من اللي يشتغلون معاه بالمستشفى
ليش خطبك انتي ؟ الا لأنه يبيك و ما يفكر بالبنات اللي معاه بالدوام .
طلعي هالتفكير من بالك حبيبتي و لا توسوسين واجد
ادعي ان الله ييسر امرك و يكتب لك اللي في الخيره
و يجمعكم على خير بس بدون وساوس و تفكير و تضيعين حياتك على اوهام
طيب مثلاً المدرس وظيفته كلهم رياجيل ما معه ولا بنت
هل كل مدرس مو خاين ؟
طيب حارس الامن اللي يمرون عليه البنات اشكال و الوان هل بيصير يطالع فيهم و يملون عيوونه ؟
تلاقين السكيورتي هذا عنده زوجته و مايشوف غيرها مع ان كل يوم يمرون عليه بنات احجام و الوان بكل اشكالهم ، لكن ما يلتفت لهم
و تلاقين مثلاً المدرس و هو بمكان مو مختلط لكن مع ذلك يصير مو تمام وضعه و له علاقه مع وحده غير زوجته و تصير زوجته متطمنه انه بمكان مو مختلط
ف ياحبيبتي انتي لا تحكمين عليه من دوامه و من اللي يداومون معه
دامك استخرتي
استخيري مره ثانيه عشان ترضين ضميرك و ريحي نفسك
و لا تشغلين عمرك بهالتفكير
و لو كل بنت تفكر نفسك كان مافي ممرض تتزوج و كان مافي دكتور تزوج
بس كل وحده تفكر بعقلها مو بقلبها
الكل يغار ، لكن لما تكون الغيره بمحلها حبيبتي
مو غيره بشيء مو موجود و متخوفه منه .
الله يسهل امرك يارب و يجمع مابينكم حبيبتي

لو تعرفي اطباعه وصلاته بترتاحين ... انا زوجي اثق فيه الحمدلله ودوامه ما يهز فيني شعره والحمدلله ما يشوف غيري و اغار عليه واحبه بس مو الغيره اللي تخلي بيننا مشاكل بالعكس غيره حلوه وعاديه وبعيييده عن دوامه 💆

لا والله لو يجيني ممرض ولا حتى دكتور ماوافقت خيير ان شاءالله اوافق ع واحد 12 ساعه في اليوم مع بنات خلق الله والله حتى لو انه مطوع ولحيته لركبته ورب الكعبه ليناظر انا بس اروح موعد بالمستشفى اسمع ضحكات الممرضات والممرضين والدكاتره هذا وانا نص ساعه مو نص اليوم يعني او بقعد نص اليوم وش بسمع ووش بشوف استغفر الله اتوقع يفتحون غرف الطواري دعاره الله لايبتلينا


اشتري راحه بالك زواج من واحد نص يومه خليطي مع حريم لا والف لاا يازين بيت ابوي وانتي توك صغيره لاحقه على اللي افضل منه لاتستعجلين رزقك بيجيكً

شوفي هو الهادي الله...


الممرض صحيح مكان مختلط لابد يكون فيه شي اسمه زملاء عمل...


وحتى لو كان مدرس الله الحافظ ..بعض المدرسين يعرضون على بعض تبي حرمه تبي حرمه..


واغلب الشركات مختلط...
استودعي الله كل حواسه ..لان مافيه شغل بيكون لحاله ...لابد يكون معه اصحاب ...عاظ حسب الصحبه ياخيرين او فيهم شر....


استخيري لاخر لحظه