مقهووووورة ومدمررررررة الله ع الظالم

يا بنااااات انا تعبانة جداا جدااا جداااااا ، مدمرة ماقدر اوصفلكم شعوري و مدا دماري

عشت ببيت اهلي تعيسه وكان حلمي اتزوج واكون عائلة و انستر والله يا بنات كان كل همي العائلة و السترة و الاستقرار

كنت مستعده اعمل اي شي حتى اعيش

كنت مستعده اخدم و اشتغل و اجامل و انذل حتى اكون لي عائلة

بس يا بناات كل شي يهون وكل شي المره تصبر عليه وتقول ماشي الا شي واحد

هو اذا كان زوجها ما يعطيها حقها الشرعي لان امه تحسب في الرزنامة و تحددله الايام

يا بنات كلشي الوحدة تصبر عليه الا من زوجك ما يقدر يبوسك لان امه تزعل و تتضايق مع انو زوجها موجود وصحة عال العال و مو مقصر معاها في شي

يا بنات كلشي الوحدة ممكن تصبر عليه الا لما زوجها يضربها لان امه تضايقت منك وهي لا شايفتك ولا انتي ساكنة عندها بس بمجرد انها حست انو زوجك يحبك او يعاملك بحنية

يا بنات كلشي ممكن الوحدة تسكت عليه الا اذا زوجك قرر ما ياخذك ويسافر معك شهر عسل لان امه تبي تجي معانا و انا بكل خلق اقبل واوافق واتصير امه العروسه وانا الخدامه الي تضبطلهم الجلسة

يا بنااات صرت اتمنى زوجي يحضني مثل ما يحضنها و يبوسني مثل ما يبوسها و ينام قربي مثل ما ينام قربها

يا بناات كلشي ممكن الوحدة تعديه الا اذا زوجها وهي عروس يضربها بدون اي سبب بس لاني ما قدرت ازور امه بعد شغلي لاني انسانة من لحم ودم وابي اغير ملابسي في بيتي وارتاح من الشغل و ركضة الشغل و ارجع ابي ارتب بيتي و اطبخ و اغسل الملابس

يااا بناااات كلشي الوحدة ممكن تعديه الا اذا كان زوجها نوعه بارد و الشي الي انتم حاليا تقدرون تمسكون فيه ازواجكم انا ما اقدر لان زوجي اخر همه العلاقه و يطير فرح يوم الي يعرف اني حائض

كل هذا صار وانا عروس

غير الذل و الاهانة الي شفتهم

كل هذا و في الاخير يطلقوني وياريت بيطلقوني لا يخلوني معلقة لانهم يبون المهر و كل شي عطوني اياه

وفوق هذا كله يكلمون الناس عني و معارف اهلي و معارفي ويقولوهم كلام فضيع يحقي ويشوهون سمعتي كله لان امه تعرف انا انسانة مستقيمة في نظر العالم و الناس تعرف اخلاقي ، صارت تبي تشوهت سمعتي بعد كل هذا يعني ما كفاها

و الحين وحدة تسلم علي و الثانية تتجاهلني بسبب كلامهم والتشويه الي سووه

ااااااخ جدا مدمرة جداا الله ينتقم من كل ظالم وحسبي الله ونعم الوكيل وهذا كله نقطه في بحر الي كتبتله من الس عملوه فيني وانا لساتني عروس انا مصدومة ومو قادرة اتابع و امارس حياتي اليومية حاسة الكل ضدي حتى الي يعرفوني حق المعرفة ضدي طيب ليش ؟ حسبي الله ونعم الوكيل