كيف نتعامل مع ذي الاشكال
بنات لو انتم موضفات ومعاكم وحده بالغرفه ترووح تجيب اشياء ياللغرفه او ضيافه او اشياء زينه وكذا وتجي تقوول هاذي الفاتووره هاتوا القطه طيب احنا ماعندنا خبر باللي راحت تجيبه واو تتفق مع وحده ويجيبووون طيب علموونا خذوا راينا مثلا راحت وجابت الراوتر حق الشبكه وطلبت 1500 لانه مفتووح لمده سنه طيب انا هنا اداوم مو جايه افتح جوالي واصور سنابات واللي بالغرفه 6 اتفقت هي ووحده وجابوووه من دون علمنا ويبون قطه هاذي اخر مره وزعلت لاني قلت انا هنا ما اخرج جوالي ابد طول وقتي اشتغل ما اني بحاجته ومفعله باقه بجوالي ب100 للواتس اذا انا برى البيت فماني بحاجه نت وقبلها راحت السيف وجابت سله ب480 حقت حلاوه ودلال قهوه وشاهي على 600 الوحده وفناجيل قهوه وشاهي طقم بألف بغيت وقتها انجلط احنا بالدووام عادي لو نتقهوووى بفناجيل ورق ايش المشكله كلها فنجال ونطلع وعندنا من اول فناجيل حلوووات ومابهن شي بس زود بطره وممكن ناخذ من المحلات العاديه او محللات التخفيضات وتهبل وتؤدي الغرض واخر مررره جلطتني وعييت ادفع قلت معليش هذا كلام فاضي ولاشاورتونا ولاشي وزعلت هي وخويتها ولايكلموني ولاهموني واناالمسؤله عنهم والمفروض اي شي على الاقل يبلغووني جابوا كرسيين زي الكنبات بالغرفه وطاوله من الصبان قيمتهم 12 الف ويبون القطه 2000 ريال وفي بنات استحوا قالو عادي خل يزيننون الغرفه عني قلت حتى جلوس مابجلس عليها ليش 2000 ريال ولا استشاروا ولاندري الاجايبتلنا الفاتووره وتقوول بالله ايش رايك مو تتهبل انتم بالله ايش رايكم بذا الهبال وتقول عني بنت فقر قلت دامها بنت عز ليش تشتغل كان جلست ببيتها وخلت غيرها الفقرانات على قوولتها يشتغلووون وهي مستغله ان اللي معانا يستحووون انا عديتها كذا مررره غير اللي كتبتلكم منها باقه ورد ب200 تهديها باسمنا لاي احد مرض ولاندري شوكلاتات قلك سويسريه مدري بلجيكيه ب400 وهاتك ياقطات بس وصلتني حدي وابي اقطع ذا السالفه الماصخه