زوجي يورطني في السوق

ياخي زوجك مايحب هالاماكن هو يشوف كلها منكرات فخلاص يختي ريحيه مب لازم تسحبينه معاك كل روحه
ومنتي بيبي ماتعرفين تتسوقين لحالك
انتي حرمه ام عيال روحي مع اختك ولا اخوك ولا صديقتك
ماشاءالله عليك كثير يتمنون هالزوج لا وبعد يقولك روحي لحالك وتزعلين تبينه يجي
يختي السوق كله مكان حريم والحريم بالسوق وبالمحل كثر النمل اصلا استغرب من الي يكون المحل حريم وتجي وحده الا وتدخل زوجها المحل يزاحم بين الحريم اكيد يتضايق وحنا نتضايق
خذي اختك او صاحبتك بس وروقي

ماشاءالله تبارك الرحمن
الله يسخره لك

بالعكس ماشاء الله تبارك الله هذا عز الطلب حبي يدك وجه وقفا اولا لان زوجك مايحب الاسواق ولا يطالع فالحريم وثانيا انه سامح لك تروحين مع اهلك وثالثا انه كريم ومايقصر احمدي الله على هالنعمه وش تبين فيه تسحبينه وراك فالاسواق اصلا وين المتعه فالموضوع دايما اذا رحت مول لازم اشوف الرجال مع زوجته معصب ومكشر ويهاوشها اخلصي ويالله مشينا او تكون وحده وزوجها ماسكه فيده خايفه لايطير وعينها عاالحريم تخاف يخطفون توم كروز حقها وارحم الحرمه اقول الله يعينها والله مافيه احلى من انك تروحين مع اختك او اي وحده او حتى لحالك تتمشين وتتسوقين وتروقين بدون ازعاج انا قبل كم سنه كان زوجي يروح معي والله مايمدينا نلف محلين الا تهاوشنا وطلعنا واجلس ابكي فالسياره من القهر لكن من بعد ماجربت التسوق لحالي او مع خواتي قمة المتعه والروقان محد يقولي بسرعه ولا احد يعصب ويهاوش قدام الناس

حلوه تستغربين اذا ماوداني زوجي من بيوديني جدتي؟
في ازواج مايرضى يرمي زوجته ويروح
مادمر المولات الا الحريم اللي بدون محارم ياساتر لو معى كل وحده محرم كان الكل ارتاح

اول شي لاتحطين بذمتك ان الحريم اللي بدون محارم هم دمار المولات الحرمه اللي فيها بلا حتى لوها بحضن زوجها بتسوي بلاها واعتقد صاحبة الموضوع كاتبه ان زوجها راضي تروح بدونه فلا تتفلسفين على روسنا