تزيين الأطفال

يا بنات ليش الوحدة تزين ولدها الذكر وكريمات وعطور حرام عليها لا تشوف فيه شي

يعني تخلي الطفل عرضه للخطف والتحرش انا شفت لي ولد مستشور شعره عمره حوالي 8 وأبيض ودب وجميل ماشاء الله وجاي مع السواق ونزل والعمال يطالعون فيه ويعلقون بنظرات سييئة

عاد اللحين أنا ما أدري ايش ظروف أمه اللي خلتها ترسله مع السواق الله يستر عليها ولا ليش أبوه ما جاء معه أنا علي من منظر الطفل خده يلمع من الكريمات والشعر مستشور !! والملابس تلق ومرسلته الساعة 11 الليل؟ زوجي جلس في السيارة ينتظره يطلع من البقالة خاف عليه ويدعي على أمه

أنا ما أقول لا تنظفين عيالك بس لا تخلينه ملفت للنظر من التزيين خاصه اللي ولدها وسيم أو أبيض ودب


أبو زوجي كل ما مشطت شعر ولدي (شعره طويل) يخربطه ويحوس في ثيابه ويزعل مع أني ألبس ولدي ترنقات أو ثياب أكثر شيء مو بدل ويقول تراي أعرف منك بالدنيا وبنوايا بعض الرجال لا تظلمين ولدك وتندمين !

يقول اذا طلعتوا مكان عام خليه مروح ومغبر عشان ما أحد يحبه ولا ينجذب له أكيد هو يبالغ بس مجرب عياله 6 ماشاء الله وعلى قولة المثل المال السائب يعلم السرقة

32 تعليق 3,232 مشاهدة

شاركي في النقاش

سجلي الدخول لإضافة تعليق.

التعليقات

32
    • هو عادي تهتم بس ما تبالغ قوه بمثل حالة ها الولد والله اعلم عن ظروف ها الحرمه حرام نظلمها بس لازم الوحده تكون حريصه قوه على عيالها بس مو انه تخليهم بمظهر مغبر وانه الولد مروح وتستودعهم الله يوميا
  1. @hnan_almagd

    العنايه والنظافه حلوه يكبر ويتعود عليها ودامك قلتي عمره 8سنين اتوقع هو الي يهندم نفسه يمكن ماشاء الله لون بشرته كذا .بس مكياج انا اعارض .اخوي ماشاء الله عليه عمره10سنوات يمر من عندك ريحة العطر والشعر المرتب والبس الشيك والساعه بالعكس احس كذا حلو متعود على النظافه.بس مكياج انا اعارض بس عادي الاستشوار والجل والمرطبات اشوفها عادي .وعلى فكره احيانا الجمال وحده والنعومه تخلي المتحرش يتحرش حتى لوكانت ملابس الطفل وصخه .الله يحمينا ويحمي اطفالنا من كل شر....
  2. @shtat_anth2

    الاهتمام بالمظهر مو غلط الغلط انها مرسلته بالليل بلحاله مع السواق انا الحمد لله ولدي مرررره جميل وشعره طويل وأنا وابوه خصام على شعره يقول معطيه جاذبيه اكثر مو زين له بس مارتاح اذا اذا ماشفت ولدي مرتب وفعلا بعض الاحيان أخاف عليه لأن ملفت ويلفت الناس واكثر من وحده صورته حد باستأذان وحد بدون استأذان بس مستحيل يغيب عن نظري أو نظر ابوه ربي يحفظ عيالنا من شر كل ذي شر
  3. @ghrob_althkr

    متنبيهك جميل بس معليش الاهتمام بالمظهر والجمال شي حلو
    ان الله جميل يحب الجمال
    مو كل اللي بالشارع مرضى قلوب وش خلينا للغرب اذا هذا تفكير المسلمين ؟ مفروض مانعمم صح عندنا فتن وبلاوي وشذوذ لكن بالمقابل فيه ناس مؤدبة وفيها خير و ع دين الحمدلله
    لكن الغلط بقصتك ان الطفل يروح مع السواق وحده مو الغلط بالتزين
    لابد من الاهتمام والعنايه شوفي اطفال الغرب شقر وجمال ولبس شيك محد يلتفت للاطفال ليش عندنا بس ذا الموضوع لدرجة اشتهرنا بفعل ناس سفهاء صارو ( بعض ) الاجانب اللي ديارهم فساد يعيارون السعوديين بالشذوذ !!
    ماننكر فيه ناس شاذه وقذره وعيونها ع اقذر مكان بس بنفس الوقت ماتعتبر كثيره وعام
    لكن الى الله المشتكى ،


    ربنا لاتؤاخذنا بما فعله السفهاء منا ،،

تابعي تجارب أخرى من هذا القسم.