اللي حياتها مرتبة تجي تساعدني يجزاها الجنة

صبحكم الله بالرضااا و السعادة
احس حياتي صارت ملخبطة بعد الوحام
نوم متلخبط وصرت ما اطلع كثير والا اشوف احد بس مقابلة اطفالي
بنتي بسم الله عليها كبيرة الحين و تبي تلعب ملت من العابها تبي ناس و اطفال تلعب معهم وما ودي تتعود عالتلفزيون
وفيه عيال وبنات سلفاتي بس نادرا اروح لهم وكذا
وبما انو نومي و وقتي مقلوب صرت احس مافي وقت ارتب بيتي ولا اهتم باطفالي و بنفسي و زوجي كمان
زوجي يرجع من الدوام يحصلني بسااابع نومة انا و اطفاله ولا غدا ولاهم يحزنون!! هو متعاون صراحة احيان يجيب من برا غدا مايقصر بس وين اللي يشاركه و يتغدى معاه!!
احس منظري غبي نايمة وهو راجع يدور اللي يستقبله!
حزت بخاطري صار يقارنني بحريم اخوانه!! يقول ماشاء الله عليهم جالسين يتقهوون مع امي وانتي لساتك نايمة!!! وانا صراحة انغببببن ودي اصير مثلهم واعدل حياتي و وقتي الملخبط!
بيتي صرت انظف تسكيته من زمااان مانظفت تنظيف عميييييق !
جبت شغالة شهرية عبال ماتوصل شغالتي لكن يووووم و رجعتها تخيلووا احس ريحتهاااا بالبيت كله عجزت اتحمل والمشكله عدت تنظيف كل شيء نظفته احس ريحتها لازقة فيه😷
ودي اريح زوجي ومااقصر عنه بشيء واجلس انا وياه جو رومنسي على ضوء شمعة و نروق و انسى الوحام لكن كيف بالله ساعدووووني مع هالاطفال و الحمل😢
مسكين ذاك اليوم جاب شمعتين ويقول لي ليش مستكثرة السهرة معي على ضوء شمعة و جلسة رومنسية و حاولت قد ماقدر و نومت العيال و لكن صحت بنتي الكبيرة و خربت ام الجو و طفينااا الشمعة وش اسوي!!
و المشكلة عيالي كلهم بالغرفة عندنا تخيلو 5 انفار بالغرفة!! ماشاء الله تبارك الله ومو هاين علي اخليهم بغرفة مع انو بنتي كبيرة قربت تكمل سنتين! و التوأم 6 شهور
كيف اعيد ترتيب حياتي و اخلي بيتي جنة 🌸