تجمع التباشير الثالث لأمهات مواليد مايــ..5..ــو & يونيـ..6..ـو👼🍼2016

السلام عليكم
ابغى اسال المجربات
وياليت هم اللي يجاوبون عليه بس
لاني اقرا بالنت واعرف بس حابه اسال اللي جربو شي هم جربوه مو كلام نت


كيف اجيب الطلق الطبيعي لي ؟؟؟؟؟؟
المشي ساعدكم ؟؟؟ بعد مامشيتو نزل الببيبي للحوض ؟؟ لان الدكتوره تقول مايساعد يرهق الوحده فقط !!
الجماع ؟ يعني بعد ماينتهي احس بالطلق !!
اعشاب جربتوها ؟ تمارين سويتوها ؟ وجابت الطلق !




سؤال للجميع
اسمع حريم يقولون اللي ماتعبت في الوحام تتعب في الولاده !! صحيح ؟؟ احد صادفه كذا وفعلا طلع صحيح ؟


متى اكشف ع الرحم اذا مفتوح او لا ؟؟
متى اكشف ان الحوض ضيق او لا ؟؟

ام مشاري الامير
ام التونا
انا معكم بالاسبوع 33
الله يقومنا بالسلامه يارب

👍👍👍👍👍😂😂😂
ممتاز ع قولة بنتي ، الله يوفقك ويعدي باقي الاختبارات🌹🌹

و عليكم السلام بندقية
بالنسبة للطلق والمشي ما اقدر أفيدك،لاني لا مشيت و لا جاني طلق
في الاول ،ولدت بعد اول اسبوع في التاسع ، وكبت علي الموية
في البيت كلها ، ورحت كان فاتح 1 ونص والطلق جاني بعد رحت
المستشفي،وبالنسبة لحكاية الوحم وعلاقته بالولادة كله خرطي
انا وحمي ببنتي كان مرة قوي والولادة كانت عادية يعني اكثر شي
يؤلم لما الطلق يشد ويصير كل 5 دقايق او اقل بس قبلها الم محتمل
نوعا ما ومع ذلك انا لا صارخت ولا سويت مثل بعض الحريم
الله يهديهم ويصلحهم تخلص كل قوتها في الصراخ و لما يجي
الدفع تكون خلاص مو قادرة،و سالفة الحوض ضيق ولا لا
تبان من بدري في السونار جارتي هي قصيرة شوي قالت
من الشهر الرابع خبروها بتولد قيصري لان الحوض ضيق
يعني يبان معهم من بدري.
والرحم ما تقدري تعرفيه الا اذا حصلت لك واحدة
من إشارات الولادة عشان يكشفو..
بندقية الله يسعدك لا تشيلين الهم و تفكرين باشياء
كلها بيد رب العالمين وكلها تساهيل من الله ،الولادة لها ساعة
وقت ما جت خلاص ، فلا تضيعي وقتك،افرحي بجنينك
وبنفسك وأشتري له ولك وعيشي حياتك ودلعي نفسك
لا تحرمي نفسك من اللحظات الحلوة ذي،ادعي ، استغفري
اذكري الله،أحسك شايلة الهم كثيرة وما تنامي ،وهذا بأثر علي
صحتك ونفسيتك وصحة البيبي...

اولا ياعزيزتي الطلق يجي كذا وقت الولاده مافي شي يجيبه الا اذا طلق صناعي
بالنسبه للمشي انا جربته وفعلا يسهل الولاده يعني يسرعها ماتطولين وانتي تطلقين جربته في حملي الاخير وماطولت ماشاءالله تبارك الله الولاده كلها ثلاث ساعات فـ ماادري اذا هو من المشي او لا لاني كنت امشي يوميا عشرين دقيقه والمشي اصلا رياضه حلوه يعني اذا انفعتك مراح تضرك
بالنسبه اللي وحامها قوي وولادتها سهله او العكس هذي كلها خرافات ليس لها اساس من الصحه
وكذلك الرحم ماتعرفين اذا هو فاتح او مسكر الا مع بوادر الولاده اذا مثلا نزل معك دم او انكبت المويا او حسيتي بمغص وصار متواصل الطلق
والولاده ياحبيبتي سهله باذن ربي لابد من التعب ماانكر ذلك لكن تعب محتمل واعرفي ان الله لايكلف نفسا الا وسعها ماكتب لنا الحمل والولاده الا وهو حاط فينا القوه لتحمل ذلك
وعلى فكره وبتتذكرين هالكلمه مني اول مايطلع البيبي بالسلامه وتسمعين صرخاته بعدها يجيبونه لك بهاللحظه بتنسين تعب الشهور كلها اللي راحت وتعب الطلق والولاده
الله يرزق كل محرومه هالفرحه يارب عاجلاً غير اجل 😭😭
انتي مقبله على نعمه غيييرررك كثييييييير يتمنونها احمدي ربك واستعدي لاستقبال حشاشه جوفك 😍😍
اسفه على الاطاله >>وش بعده😂