تجمع التباشير الثالث لأمهات مواليد مايــ..5..ــو & يونيـ..6..ـو👼🍼2016

😂😂😂
ياقلبي عليكي
الحمدلله عدت الحفله على خييير
وكان يوم جميييل اللهم لك الحمد
😍

بنات انا والله العظيم بدون مبالغه
يوم حملت ببكري اتذكر سألتني عمتي حرمه كبيره بالسن
وش تتمنين
قلت اكيد ولد
قالت لاتتركين الاستغار ابد الا اذا نمتي
ابد ابد
و انا اقعد كل يوم استغفر
بالجامعه
بالمطبخ
وانا اسرب قهوة
من كثر مااستغفر صرت اوسوس هل قلت الاستغفار بطريقه زينه او سريعه
و جبت ولد سبحان الله
و يوم بغيت الولد الثاني نفس الشيء 💃💃💃
بعدين تدرون انو ولد او بنت السبب يكون من ماء الرجل مو من الحرمه ؟
يوم حملت ببنتي البكريه قلت لزوجي وش فيك هالمره اشتهيت البنات
وفهمته انه هو المسؤول
اص ولا كلمه الامر بيدك بعد الله
ولت قد فتح فمه بحرف

ارحبي ام اصيل
كيف يومك

يوم الخميس قبل العصر فكوا البالون فكته ممرضه وخروجه اسهل من تركيبه وقاست قالت مفتوح بس 2سم والعنق قاسي يعني ماجاب نتيجه تحطمت وقالت بروح ابلغ الدكتوره لانها مشغوله وتأخرت الدكتوره ماجت وانا انتظر خايفه من قرارها قالت واضح ان نتيجه البالون فشلت المفروض يطلع البالون من نفسه وبنتوجه للقيصري اكثر وقالت بكشف واشوف عاد ماشاء الله عليها اصابعها طويله وقاست قالت حلو صح مفتوح والعنق لين ممكن يفتح بزياده وكشفها كان قوي شوي كأنها سوت تحريض قالت اذا زاد بنفتح الماء ويمكن يجي طلق وتولدين طبيعي وراحت انتهى دوامها انتظر فك الماء ماشفت احد يتعذرون بالغرف والا بالاطباء المهم جاء دكتور وقال بفتح المويا اليوم انا بتابع حالتك وانتهى دوامه وهم يقولون ماحصلنا غرفه وجاء دكتورثاني وقالي نفس الكلام وينتهي دوامه ولا صلحوا لي شي واللي معي الانجليز جايين بعدي يروحون بسرعه يعني وين كلامهم وحالاتهم عاديه لدرجه وحده جايه بعدنا وزوجي يسمع الدكتوره تقولها انها بعدي لاني انا قبل اول ماتفضي غرفه انا ادخلها ثم هي واسمعها تبكي الانجليزيه ودخلوها قبلي الايام تمشي وهم معلقيني ولدي تاركينه عند واحد وبس يبكي فاقدنا وانا نفسيتي صارت زفت راح زوجي يوم الجمعه الصباح وقالهم انتم نصابين عنصريين مو معقوله تقولون حالتنا خطره وجايبينا انتظار وتسحبون فينا طلعونا على مسؤليتنا وبنروح للملحقيه نتفاهم معهم بلندن المسؤله والممرضه انهبلوا جلسوا يهدون بزوجي قالوا لا صعبه هنا امان ومجازفه ومن هالكلام طبعا الملحقيه تكلفوا على انفسهم راسلوا المستشفى وقالوا لهم حالتها مستقره وعاديه وقالوا لزوجي هدي شوي واجلسوا بالمستشفى وقدم شكوى عندهم قسم شكاوي كلمهم زوجي وثواني تجينا وحده من السمر مو انجليزيه الاصل شكلها تبع لجنه للمرضى وجلست معنا بهدوء تسأل عن اللي صاير عرفت السالفه كلها وقامت ثواني والا رئيسة القسم تقول خلاص بتفضى غرفة لك وبندخلك وادخلها ولله الحمد وتجيني دكتوره عراقيه تتكلم معي عربي وتقول بتشتغل بالحبيب بالسعوديه حبوبه مره وقالت بفتح لك المويا وقومي تحركي وامشي عشان يجيك طلق وينفتح الرحم زياده وجابت لي غاز استنشقه قبل ماتبدا تقول لانه شعور مزعج فتح الماء اسلوبها روعه ماخوفتني وبعدها فتحت الماء وقالت خلاص دغدغت راس البنوته تمزح عطتني فرصه اربع ساعات بعدها راح يبدو بطلق صناعي بالوريد بالتدريج وقالت ان شاءالله ماتحتاجينه قلت المسكن ابي ابرة ظهر قالت حلوه اخذي الغاز استنشقيه لين يفتح الرحم 4ثم اذا ماتحملتي الالم اطلبي ابره الظهر عدت اربع ساعات وانا نفس وضعي الرحم 3سم بس والعنق لين بدو بالطلق الصناعي وطولت فيه والطلق مااقدر اتحمله ياالله بالغازاستنشق قلت اكشفي ابي ابرة الظهر كشفت الممرضه قالت بين 2و3سم ماتغير هنا انهرت قلت بأعلى صوتي اثنين يوووووه واصارخ من الالم والتحطيم قالت احتمال توجهنا للقيصري اكثر طبعا كل ساعه ياخذون ضغطي ونبضي ونبض البيبي وحرارتي وتحليل سكر جدا متعب وانتي بعز الالم قالوا نعطيك ابرة الظهر الحين مو مشكله بس بتطول الولاده قلت جيبوها قالوا انتظري الصفائح الدمويه ناقصه شوي لازم ناخذ تحليل لها سريع لو زادت حلو احس الدنيا تدور فيني بس اصرخ يارب يارب الدكتوره احسها ايدت الابره عشان لو حولوني للقيصري اخذت الابره وانا بطلق مؤلم اذا انتهت الطلقه تحاول تدخلها والطلق يزيد ومعي ممرضه باكستانيه تقولي ارجوك لاتتحركين ركزي هي ماتأيدها وماسكتني هي وزوجي واخذت الابره وبثواني رجلي اليمنى ضرب فيها شي زي الكهرب الم فضيع بثواني وانا اصرخ على بالي فشلت قالت لا كذا معناته تمام وطلعت ابرتهم ماتخدر كامل اقدر احرك رجولي بس ماارفعها ومنطقة الحوض احسها ثقيله نص تخدير وقالت انتم تتحكمون فيها تزيدون وتنقصون تضغطون الزر كل عشر او سبع او خمس دقايق وانا صابره ادعي ادعي بالفرج احس مصيري مجهول قالوا نامي ارتاحي والطلق مع المخدر شغالين فجأه بديت ارجف جتني رعشه عجزت اثبت على السرير رجف قوي واسناني تضرب ببعضها مع انه الالم محتمل قالوا هاذي من اعراض ابرة الظهر عادي جدا جابوا محلول وركبوه واشوا بدت تخف بعدها قالوا مايصلح تطولين طلق لانه يمسكون منطقه العانه قالوا لسى مانزلت البنوته شكلك ماراح تولدي طبيعي نحولها قيصري هنا انهرت قلت بعد التعب قيصري اذا مافيه خطوره اصبر شوي قالوا لا بس اذا حسيتي بالم زي السكين بمكان العمليه بلغينا فورا وانا اتألم واحس بالطلق الصناعي يقوى طبعا هم مايحبون يكثرون كشف قالت الدكتوره خلاص مستحيل نطول بالطلق عندك الى الساعه 7اذا ماولدتي قيصري (طبعا الدكتوره العراقيه فتحت المويا وراحت جت دكتوره هنديه) الكلام هذا الساعه 4 الفجر يعني لي 12ساعه مركبين طلق جت ممرضه ريحتها عطر يصك الراس يجيب المرض وقفت عندي تطالع بالجهاز وتسجل وراحت بعدها فجأه اختبصوا وتجمعوا عندي وركبوا محاليل وانا ماادري وش السالفه قالوا الحراره مرتفعه معناته صار لك عدوى لازم نسيطر عليها خلال ساعه وقلت لزوجي اقرأ علي وانا ادعي يارب يارب ويمسحني بمويا تجمعوا الدكتورات احس نظراتهم لي نظرات رحمه وبنفس الوقت خايفين بعد ساعه الحمدلله نزلت واستقر كل شي طبيعي وبديت احس ان الراس ينزل فيه شي يدف تحت قلت للدكتوره قالت ممتاز خلاص قربتي بس ماراح افحصك الا 7 كأنها تقول بتولدين قبل الفحص حمدت ربي الساعه 7 فحصت قالت عشره وانا اطير من الوناسه قلت خلاص ارفعوا رجولي لها اكثر من ساعه تدف البنت قالت الدكتوره لا خليها تدف براحتها البنوته انتي ارتاحي ساعه وبعدها تدفين وانا اقول ياعالم خلصوني المهم بعد الساعه رفعوا رجولي وقالوا دفي خلاص قريبه وانا مافيني حيل صح خففت ابرة الظهر بس بطني متقطع احس الم فضيع من الطلق مااقدر اتنفس عشان ادفع هم لما شافوا حالتي استقرت صارت الممرضه فقط عندي والباقي اختفوا وهي تقول عشان ماعندنا قص للمنطقه دفي قلت وش ذا قصوا وطلعوها هي نازله مره تشوف شعرها بس عجزت ادف قالت نشفطها لك الحقي نفسك قبل مايصير لك نزيف او مشكله وتدخلي عمليات واحاول والله يابنات مافيني حيل حاولت اخذ هوا وادف ماضبطت ابد صرت اكتم النفس واعصر نفسي وطلعت برحمه من ربي ولا انا مو ذاك الدفع سبحانك ربي مااعظمك بعدها قالت بخيط اللي تمزق وكنت احس بالم الخياطه متوسط نوعا ما وبعدها ماعاد اقدر افتح عيوني اشوف بنتي مع ابوها واقوله اذن بإذنها لاتنسى وبعدها نمت ماادري عنهم من التعب والارهاق ولدتها الساعه تسعه ونص تقريبا ونزفت كثير وانا ماادري وش السالفه نمت على طول وتركوني لين صحيت تقريبا ساعتين وخلوني اجلس يومين عشان المضاد اخذه بالوريد ومتابعين حرارتي وابرة الظهر اتعبتني اليوم ظهري واخر راسي الم واحس بالم بعضلات بطني مااقدر امشي عدل كأني قيصري اتوقع من الطلق الحمدلله على اليسر بعد العسر
من وجهة نظري الولاده سواء طبيعي او قيصري تسهيلها وتيسيرها من ربي حتى لو اخذتي مسكنات الدنيا كلها شفت حريم تبارك الرحمن مااخذوا غير ساعتين عليكم بالدعاء ثم الدعاء من قلب صادق والله ييسر لكم ويفرج عليكم

على فكره عمتي هذي عندها سبع عيال ورا بعض ماشاءالله