السلام عليكم
اعرض مشكلتي التي اعاني منها لوحدي دخلت ولدي وبنتي الروضه رحت معهم اول يوم وثاني يوم ولدي تاقلم بس الصباح مايبغى يقوم ويقولي تروحين معي الروضه تاعبني بالمولات اللي يسويها الصباح لدرجة ان اليوم الصباح قام يبكي حتى ارتفعت درجة حرارته وقام يستفرغ عشان مايبغى يروح حتى الباص جاء وراح وصح الاب من النوم وحل المشكله بكل سهوله واقله لاتروح اليوم ياربي ايش اسوي اما بنتي مره ميح ماتبيها خير شر الى اروح معها وحتى لو رحت لاصقه في ادخل الفصل معها وغرفة الالعاب معها ولاحظة عليها انها تفقدني وتبكي في الفصل اما عند الالعاب تنساني شوي وتندمج
معلش طولت عليكم بس ساعدوني الله يجزاكم خير الي عندها خبره اوصار لها مثلي وش سوت وصراحه اناقلت اذا مافي فايده اسحبهم من الروضه واجلسهم في البيت بس ماودي اكون سلبيه كذا
الي تحل مشكلتي لدعيلها وربي يشهد
شاركي في النقاش
سجلي الدخول لإضافة تعليق.
التعليقات
8- آآآه يا أختي نفس المشكله ..
سبحان الله عيالي توأم بنت وولد ونفس حالة عيالك ..
بالأخص بنتي من تشوف المريول تبدأ بالبكاء والصراخ لغاية أن تصل إلى الروضه وهي نفس الحال وأخوها يشوفها ويقلدها ..
بس انا اخليهم يبكون ولا كأني اشوفهم اتركهم وامشي عنهم وبعدين اتصل ألاقيهم هدءوا ..
بس كل من يقول لي إن اول الأيام صعب عليهم يتأقلمون فيبكون وبعدين بيصير شي عادي ..
فأنتي لا تيأسي ولا تستسلمي وقعدة البيت ما منها فايده ما راح يتعلمون شي ..
فصبرا جميلا والله المستعان وكان الله في عونك وعوني وعون كل من يعاني من نفس المشكلة ..
:) وبالتوفيق - انا مثلك انتظر الاجابة
ماعندي احد هذه السنة لكن اختي شايلة همها السنة الجاية ان شاء الله تدخل وهي مرة خجولة ما تفارقنا
ولدي الحمدلله لسة صغير لاحقين على الهم
بس حبيت ارد عليك وانتظر الاجابة مثلك ماعندي حل للاسف بس ادعيلي لاني اول وحدة رديت عليك - سنانوسه
الله يجزاك خير ويصلحلك عيالك ويهديهم
نوور
الله يجزاك خير ويخللك ولدك ويصلحلك ايها
يالله يابنات نبي ردود اكثر وخبرات اكيد كل وحده مرت بهاذي الضروف على النيات11 سنانوسه الله يجزاك خير ويصلحلك عيالك ويهديهم نوور الله يجزاك خير ويخللك ولدك ويصلحلك ايها يالله يابنات نبي ردود اكثر وخبرات اكيد كل وحده مرت بهاذي الضروف
حطيتي ايدك على الجرح،
ولدي عمره 3 سنين و قلت خليني اوديه الروضة بدل ما هو جالس في البيت على الاقل يتعلم حاجة. اول يوم و ثاني يوم قلبها مناحة و بكاء و صراخ و أنا اهدي فيه و الابلة و المديرة.. ما نفع . لما أقعد معاه في الفصل يسكت بس يلصق جنبي و لما اخرج شوية برا في الحوش ياخد الطرحة حقتي و العباية و برضه يبكي.
لما أرد البيت ن أقعد مع نفسي و بس ابكي .. الموقف هادا حسسني اني أم فاشلة ما أعرف اتصرف مع ابني.
قمت اليوم غيرت له الروضة و حطيته مع عيال عمه في فصل واحد و ما نفع... المديرة جزاها الله خير مرررة متعاونة و متفهمة للوضع و تقول ياما جاتهم حالات زي كدا و بعدين صاروا من المتفوقين ما شاء الله ... سألتها لغاية امتا أفضل قاعدة معاه في الفصل ؟؟ ما ينفع كدا !! احنا يوم رحنا المدرسة ما أفتكر حد عبرنا و قعد معانا ؟؟
لا تقولون ولدي مدلع بالعكس انا مرة أشد عليه و أكره الدلع و عمري ما سبته على هواه... بس من جد حاسة انه هدا الاسبوع من اتعس ايام حياتي ، سايبة البيت و بنتي الصغيرة و كل شي عشانه و ما ني عارفة لغاية امتا .
حبيبتي صاحبة الموضوع انا حاسة فيكي بشكل لا يمكن تتوقعينه و كان نفسي اساعدك و أريحك بس الله غالب.. أمس كنت ناوية أطرح الموضوع في المنتدى و أطلب مساعدة البنات اللي عمرهم ما قصروا معايا بس ارتحت اليوم لما لقيت اخت زيي ، معاناتها زي معاناتي .. معلش طولت بس من القهر اللي جوايا ..
عذرا...- دادو
الله يكون بعونك ويكون بعوني بس ابشرك اكثر الناس من كثر مائسل يقولو ماعليك اصبري كلها اسبوعين ويتعود بس لاتروحين معه روحي اذا بغيتي تطماني عليه ولا يشوفك وربي يسهلها انشاء الله
مواضيع مشابهة
تابعي تجارب أخرى من هذا القسم.