اعمام عيالك وعماتهم .. هل ترضين يهاوشون عيالك ؟

انا لسى ماعندي عيال لكن لو الموضوع في غلط من الابن والعم او الخال او العمة او الخالة او حتى الجد والجدة كلموهم او صرخو عليهم بشي يتناسب مع الغلط وكانو يعاملون عيالهم بنفس الطريقة لو سوو نفس الغلط عادي


لان انا امي تمون على عيال خالي وهم يسمعون كلامها ويقدرونها ويحترمون وجودها وعلاقتها مع خالي وعياله ومرة خالي ممتازة ولو سوو غلط تكلمهم وكذا وصارو كبار الحين ومع ذلك يسمعون منها
وبنفس الوقت خالي نفس الشي معنا وللان لو وجهنا بشي او نصحنا او تكلم معنا فهو من باب حبنا وحب الخير لنا حنا في النهاية عيال اخته لحمه ودمه وهم وعياله بالنسبة لامي عيال اخوها وتحبهم مثلنا وتبغالهم الزين.

بالنسبه لي صراحه عادي اذا الشي مايتعدى الحدود
اذا شاغبو او أخطو الأفضل التوبيخ لجل الطفل يحس بالاخطاء الي ارتكبها وعمته زي أمه وعمها بمكان ابوها
ماضنً بيصل حد العقد بس اذا الهواش على أتفه الأسباب
عادي أتكلم وقول بأسلوب لبق بعيد عن المشاكل ولا رفع الصوت غصب الاحترام يفرض نفسه مانكر فيه ناس تدور المشاكل ادواره بس هذي الفئه غالبيه مكشوفه وصي عيالك بالبيت
تفادي للمشاكل والله يصلح لنا النيه والذريه

بوجهة نظري العم والد .. اذا شاف عيالي خطئوا بشي عادي يوجههم ..

حبيبتي اطفالك امانه بين ايديك
اذا عطتيهم قيمه امام الناس
اكيد راح يرفعونهم للسماء
اذا العكس الله يعين ..

اولا وقبل كل شي انا ماقلت اذا اخطئو ابنائي اطنش ؟؟؟؟
هذا كلام غير صحيح بتاتا"

اذا اخطئو ابنائي او عملو شي غلط يجون يكلمونا احنا نتفاهم معاهم سوء كان الام او الاب
انما اترك كل من هب ودب

يهاوش ابنائي معناة انو انا تركت لهم المجال ليعملو مابدا لهم وانا بكذا عطيتهم الضوء الاخضر وصغرت اولادي امامهم
ولاتركت لهم اي مقدر او قيمه

الهواش امام الاخرين ياقلبي مايولد الا التبلد .والامراض النفسيه ..والخلل باالشخصيه
وراح يخلي الطفل اكثر تمرد
ليش لانه استصغرانه امام الاخرين ؟؟؟؟...لايمكن نتهاون بمشاعرهم ونستخف بهم امام الاخرين ...التربيه ياعزيزتي
تحتاج منا الى مراعاه نفسيات
الاطفال بجميع مراحلهم
ونعامله الطفل على انو فرد واعي
يحسن التصرف ...