اول لقاء تعارف بعد الملكة..!! مواقف مضحكة ومحرجة..

ياااااااالطيف موقفك محرج ههههههه

الله يسعدكم مواقفكم حلوه وتضحك
اما بالنسبه لي ما شفته زين بالشوفه وما عرفت شكله لاني ابد ما طالعت فيه وليله الملكة قال بيسافر ثاني يوم والليله الثانيه ع المغرب سويت قهوه وحلا وجالسين انا واهلي وشويه الا وهو داخل علينا قمت اخذت الصحن ودخلت المطبخ وانا ارجف ورتبت الصينيه والقهوه ورجعت وجلست الا ابوي الله يرحمه يقول كيف نشرب القهوه بدون فناجيل عاد حسيت اني مت رجعت المطبخ وحلفت ما عاد ارجع للمجلس وسمر شويه وراح

هههههه جا مستعجل مامداك تسوي الحلا

هههه انا قالو عريسك جا روحي افتحي الباب فتحته ماشافني دخل ع طول المجلسسس كنت فتحت الباب وجيت وراه وهو مطالع مين فتح له الباب راح وتركني

يوم الملكة عدى تمام تقريبا نفس الروتين ذهب وعصير والخ


سوى زيارة في اليوم الثاني متعذر ماشاف العروس زين وابتدت المقابلات وزيارة ثانيه وثالثه وفي الرابعه ابتدى مسك الايدي واافشيلتاه


كنت من نوع يديني ورجليني من تحت علطول معرقين ويزيد اوقات الضغط والاحراج


المهم الاخو ذيك الزيارة كل لحظه والثانيه يمسح يديني بثوبه ويرجع يمسك وعلى هالحال كل زياره ويسأل دون مراعاه الحين انتي كذا علطول والا من زود الحياء؟ 😳


الى يومنا هذا وهو يعلق على اثار رجليني المطبوعه على السيراميك في حال مشيت حافيه هههههههههههههه 😂😂😭😭😭 يقول لا تلبسين شبشب عشان اقتفي اثرك واعرف وينك فيه بدون احتاج انادي