زواج زوجي مازوال يؤلمني

سالفه قديمه ... ليه تحرقين نفسك وتفتحين صفحات مغفله ...من زمان الي صار صار انتي تحرقين نفسك وهو عايش حياته . . حتى وقت قالك بتزوج يعني خاطب ومخطط وكل شي يعني الرجال مايقول لزوجته تفاصيل زواجه مشان ماتثور وتفركش الزواج الا قرب الزواج بكم يوم مع الوقت ترضى مشان عياله . . الزبده تزوج وخلف وعاش حياته كامله مكمله وانتي حارقه نفسك على ماضيه الاسود عيشي حياتك الانسان بيعش مره وحده بالدنيا وتذكري مصيرنا القبر ... اكثري من الذكر هو النافع .لك.. وعيال زوجك مالهم ذنب ..ادا ماانتي متقبلتهم سلمي عليه واضحكي شوي مجامله ..وعن امهم الافضل لك ماتشوفيه خير شر بعد فضايحه الله يتوب ويغفر له الشيطان ضاحك عليه .. الله يصلح حالكم. ...

ياسبحان الله كنتي صابرة على خيناته في النت ومع الشغالات وتقولين صبرتي وسكتي ومشت حياتك


اللحين يوم اكتشفتي زواجه عن طريق خيانه انصدمتي
طول عمرة خاينك
الي خلاك تصبرين اول اصبري اللحين تعودتي على السكوت على الخيانه
وكل وحدة تصبر على اشياء محرمه وش تتوقع النتيجه يطلع زوجها امام الحرم مثلا
اكيد من منكر صغير الى منكر اكبر

اختي ماراح أجلس اتكلم بشيء راح وانتهى والكلام ماراح يقدم ولا يأخر شي
المهم اللي أبي تعرفينه وتكونين مقتنعه فيه
انك قد ماتقدرين تاخذين قرار يا أتحمله بزواجه الثاني وأولاده واسامح وتدعي له بالهدايه والصلاح
أو تتركينه وترتاحين
لأن جلوسك معه ودعائك عليه أكبر غلط . ماتفكرين بمستقبل عيالك لو تيتموا وماتفكرين بنفسك وش بيصير لك لو مات نعرف مسستحيل بتكونين متطمنه بتلومين نفسك
فعشان كذا تصالحي مع نفسك نعرف الخيانه صعبه والزواج الثاني يقهر بس ماراح يفيد لو تندبين حظك ..
فكري بنفسك وبمستقبل عيالك .. فكري بإيجابياته وتجاهلي سلبياته
أما بالنسبه لأولاده منها فعلا مثل ماذكرتي هم مالهم ذنب .. أحسني المعامله معهم مو ضروري تحبينهم .. اهم شي المعامله فالأول وبالأخير هم أخوان عيالك ويحملون نفس الاسم
أما بالنسبه بمواجهته برسائله القديمه أحييك على هالنقطه انك ماسويتيها لأن لو سويتيها بينقلب كل شي على راسك لان ماراح تطلعين بأي نتيجه وبتزيد المشاكل أكثر
تجاهلي كل شي ..
أهم شي فكري هو كيف يعاملك ..؟
هل مقصر معك . ومع عيالك .؟
بإيجابتك عن هالسؤالين تقدرين تحددين موقفك ..
والله يسخر لك زوجك .. ويبعده عن كل مايغضب ربي

لاتفكري بشيء خلاص زواج وتزوج ليه مدة وانتهى الموضوع المهم حقك لا تفرطي فيه مايقصرمعك بشيء ولا تخلي نفسك محتاجه شيء أولويات أوكماليات يوديك وين ما حبيتي ،يا أختي إش تفرق معك إن كانوا يتكلموا قبل الزواج أولا مو شي غريب عليك خيانه من خياناته لك بالنت ومع شغالاتك إنتهت بالزواج إلي ما يستحي وعامل نفسه متدين خلي الله يتولاهم ليش ماصورتي مكالماتهم وحفظتيها عندك إحتياط للزمن ، أما معاملتك معه لا تضغطي على نفسك عامليه ببرود هذا لا يعني ما تحترميه ليش تتصنعي وتظهري له الإهتمام وتضحكي بوجهه بالعكس بيني له أنك ما نسيتي وما زلت مجروحه عشان ما يتمادى وينسى عملته والدليل قاعد يلح عليك تقابليها لأنه متصور أنك نسيتي كل شيء كوني حازمه وتخاصمي معه ولا تكلميه لما يفتح الموضوع قولي له أنا يوم قبلت أنك تتزوج رغم أني ما كنت راضيه ما شرطت رضوه ولا ذهب ولاسفره ولا أيييي شيء لأن شرطي الوحيد كان لا اقابلها ولا تقابلني العمر كله وأنت وافقت وتزوجت وكان وعدك لي بتنفيدك هذا الشرط والمؤمن عند وعده فكون قد وعدك ، موشرط تحبيهم اطفاله اهم شي تعامليهم بما يرضي الله وكانهم اطفال غريبين وأطلبي ما تكثر زيارتهم لك إلزم عليك راحتك حبيبتي ما يهمك شيء بعدها ليش هو مافكر إلا بنفسه حتى العلاقة لا تجبري حالك إذا بمرات تكوني مو متقبلته ومو راغبه فيها لا تقولي تلعنني الملائكة لا تخافي ماراح تلعنك عنده إلي تحصنه ، رب يريح قلبك حبيبتي .

ياقلبي هذا منفذ لقاه الشيطان وراح يزن عليك إلى أن يدمرك ونصحيتي لك تسوي شيئين
إلزمي الأستغفار إذا بدأت وساوس الشيطان وتحزينه لك
و رددي حسبي الله ونعم الوكيل وراح يأخذ الله حقك منه و منها
لكن لا تدعي إن كانت دعاويك فيها تعدي صدقيني ماراح تصيبهم لكن راح تلف وترجع لك وأنت تعيشي تعيسه وهم مبسوطين لذلك عليك بحسبي الله ونعم الوكيل وابشري بالي يسرك
وزوجته لا تشوفيها ولا تتنازلي عن شرطك مهما كان وأنت باين عليك تضغطي على نفسك بزيادة ياقلبي لنفسك عليك حق حتى أولاده أطلبي منه ما يزوروك كثير خليه يشيل أولادك لبيته الثاني
الله يعينك ياقلبي ويفرج كربتك ويسخر لك زوجك ويسخرك له ويجعلكم قرة عين لبعض ويصلح حالكم وينزل السكينة والطمأنينه على قلبك ويسعدك ياغلاتي