سأرفع عليه دعوه خلع, هل القانون سيكون في صفي! لا أحبه أرغمت عليه,و الأن يهددني!!

السلام عليكم يا بنات أنا جديده وهذه اول مشاركه لي ..
أنا حاليا عمري ٢٥ سنه, عشت طفولتي مع الوالده خارج المملكه و للعلم هي من جنسيه عربيه وليست سعوديه, حصل طلاق بين الوالده و الوالد لما كان عمري ٨ سنوات, عندي اخويين واحد اكبر مني ب ٥ سنوات الي هو شقيقي و الثاني اكبر مني ب١٠ سنوات تقريبا و هو من زوجه ابوي الاولى الي قبل امي و امي تكون الزوجه الثانيه, والدتي غير منقبه وغير متشدده مثل الوالد, اخويياي عايشين مع بابا في السعوديه وقتها, وقبل٤ سنوات توفت والدتي الله يرحمها فما كان عندي احد و كنت اريد اكمل دراستي بس اهل ماما رفضوا يهتموا فيني و ارسلوني عند الوالد?
لما رجعت للمملكه صرت تحت رحمه شقيقي الله يهديه يارب, اخوي من زوجه ابوي تزوج و شاف حياته و زوجه ابوي ولا داريه عني و هي تكرهني بالاساس, اما ابوي ف هو كبير بالسن فأخوي مستغل هالشيء و مانعني من كل حاجه, الدراسه يقول المرأه ما تحتاج تدرس في النهايه رح تكبر و بتربي عيالها و مالها غير طاعه الله ثم زوجها, كلمت الوالد و الصدمه كانت انه يوافق اخوي بكل كلامه, كرهت عيشتي وقتها والله, لا ام ولا صديقات و لا احد, والمصيبه اني ماني متعوده كذا والله كنت امر بأوقات اكتئاب و نفسيتي صارت زفت.
بنت الجيران كانت تيجي عندي من فتره لفتره لما شقيقي ما يكون موجود و كانت تجيب معاها اللاب و تشبك من نت بيتهم عشان نتسلا و كانت هي الوحيده الي مونستني, هي كانت على علاقه مع شاب ف حسيت انه هذا الشيء ناقصني و الوحيد الي رح يخليني اقضي وقتي لأنه محرومه من كل حاجه?المهم كنت اخذ جهاز الوالد من غرفته و استغل سايق زوجه ابوي و اقوله يشتري لي رصيد و بعبيه عشان استخدم النت, فكنت وقتها بس بقضي و بكلم اي حد من شباب و بنات.. إلى ان كلمت واحد وقدر يدخل قلبي بأسلوبه و شخصيته و كنت احكي له كل حاجه تصير معاي و ما كان بيني و بينه شي يعني مافيه حب?
بعد ما كملت ٩ شهور من اقامتي ف المملكه تقدم لي ولد عمتي وهذا الانسان ابدا ما طايقته و ما بيعجبني وهو سمين كثير و مو ستايلي وعقليته نفس اخوي متشدد وووو و اصلا انا ابدا ما مقتنعه بالزواجه التقليديه, و الصدمه انه اخوي ما اهتم لرأيي ووافق بسرعه, وقال لي بعدها بأسبوع, لا تصدقوا ايش صار لي وقتها, كان بيضربني كثير و يقول انتي مو متربيه و فاسقه فقط لأني رفضت, وقال لي انه الملكه بعد شهرين, و الدخله بعد ٤ شهور, وقتها والدي كان حالته تسوء كثير, و بعد شهر و نصف توفى الله يرحمه و صرت يتيمه تحت رحمه هذا الاخ الشيطان, قرر هو ان يؤجل الزواج ل٣ شهور زياده لأني كنت منهااااره والله.
كان ولد عمتي الي المفترض اتزوجه, يجي لبيتنا بحجه انه يجلس مع شقيقي, و كان يحايل على اخوي عشان يكلمني شوي على اساس نظره شرعيه لأنه ما قد شافني الا من كنت صغيره وهو كبير اكبر مني ب١٣ سنه و تزوج مرتين و تطلق بس كان يقول لأخوي انه يحبني انا وكان يبي يخطبني لما كنت صغيره, لما قال لي اخوي جلست ابكي و اترجاه اني ما ابيه ولا ابي اتزوج كذا انا ماني متعوده, بس غصبني و رحت للمجلس علشان اقابل عريس الغفله, والله ما كنت طايقته وهو يناظرني من فوق لتحت, حملت حالي و طلعت من المكان وانا امسك نفسي, رحت غرفتي و انا ابكي بكاء شديد.
ما كان عندي غير الشاب الي كنت اراسله, بعد اسابيع اعترف لي بحبه و قال انا بجي اخطبك من اخوك و وافقت لأني اعرفه رغم انه حديثنا كان بالجوال فقط, لما راح الشاب لأخوي في الشركه قال له انه اختي مخطوبه, قال له: انا احبها و اسألها اذا هي موافقه علي ولا لا؟!? لما رجع اخوي البيت طاح فيني سب و شتم, ضربني و اخذ الجوال مني و خلاني و انا ابكي قهر, بعد اسبوع اجا الشاب مره يتقدم و هالمره في بيتنا ووصل لأخوي المواصيل انه طرده من البيت?
بعد شهر امتلكت من ولد عمتي يعني صرت زوجته بس والله ماني راضيه انا مغصووبه, كنت مغصوبه اجابله لما يجي لبيتنا وكان يقول لي كلام والله استحي اقوله, كان يقول ابي تمتعيني كل يوم, ابيك تكوننين مثل ال?. استغفر الله, وكان سبب طلاقه بحسب قوله انه شهوته كبيره وهو ما كان يلاقيه في البنات الي تزوجهم و كان دايما يفكر فيني, وانا اموت ألف موته قدامه, كان يدري اني ما ابيه بس بعده مستمر لدرجه مره صرخت في وجهه قلت خلااص ما ابيك لا عاد تيجي طلقني?
بعد شهر و نصف من الملكه تقريبا تزوجنا و الفرح اش اقولكم والله كنت ابكي بكاء لدرجه الحضور كانوا مستغربين ومو من كثرهم, قبل لا يدخل علي ولد عمتي اخوي قال لي اذا سمعته يشتكي والله لا اذبحك, كنت ادعي الله ياخذهم و يفكهم مني, دمر حيااااتي والله, اول ما دخل علي ولد عمتي الي هو زوجي قال لي يللا نصلي, وصلينا, بعدها قال انتي تعرفين انا شو ابي صح?وانا منزله راسي و دمعتي على خدي والله كنت خايفه و جا حط ايده على كتفي وقال لي والله انا احبك و شاريك?جا وباس راسي و خدي وقال لي روحي سوي طلعي العشاء في المطبخ انا جايبه من المطعم?رحت وحطيت له الاكل ع الطاوله وهو راخ اخذ دش و غير ثيابه و قعد علشان ياكل قمت انا ابي اروح الغرفه ماني قادره اتحمله, خزني بنظراته وقال تعالي اقعدي جنبي, قلت له م ابي طلقني.
دخلت الغرفه وانا ابكي بعد ربع ساعه ما حسيت بحالي الا وهو يفتح الباب و يشدني من ايدي و يبدأ يقبلني و انا احاول ادفه و ابعده عني مني قادره, حسيته حيوان بينقض علي, بعد ما شافني ابكي و اترجاه انه يوقف, توقف وطلع من الغرفه معصب, قمت قفلت الباب وانا خايفه لا يروح يعلم اخوي? اليوم الثاني و ما قرب مني ولا كلمني و استمر ٤ ايام, يروح عند ربعه ومايجي الا نص الليل عشان ينام?بعد اسبوع تقريبا وفي الليل دخل علي وانا في سابع نومتي هجم علي وقمت مخترعه وانا ابكي و اصارخ, لا كان يبالي لدموعي ولا لحالتي, هجم علي وصار الي صار? طلع من الغرفه وانا فراشي كله دم وانا ما رمت احمل نفسي للحمام, حسيت بكل انواع الذل و الاحتقار, كرهته اكثر واكثر.
يومين ما كلمنا بعض و بعدين جا لي يعتذر و يقول ماعد يعيدها الا اذا طاوعته لأنه يشتهيني و يبيني بالحلال و ذكرني بأن المرأه الي تأبى عن زوجها تلعنها الملائكه وانه هو جنتي و ناري بي كيف و انا مغصوبه!!!
بعد اسبوع صليت استخاره و قررت اني اعطيه حقه بس الله يشهد قد ايش اكرهه اكثر واكثر, للعلم هو انسان يصلي و ملتزم وملتحي, طيب و رومانسي جدا و الشي الي ما نتفق عليه هو النقاب لأني ما اريد اتنقب ولاني مقتنعه بس هو يرغمني عليه?. و انا قلبي ما مقتنع فيه و انا كرهته اكثر خصوصا الي سواه فيني, صرت اخليه يجيني ولو ما كنت ابي, كان غصب عني وكل ما اتذكر ابكي و اتألم وهو ما كان يبالي كان يتمتع و يمشي, كان يجيني في اليوم اكثر من مره وانا بعدها احس بألام شديده لأنه نفسيتي تكون زفت لأنه ما متقبلته?حاولت اكلمه اكثر من مره وكان يطنش الى ان تعبت على هالحال و امتنعت عنه و جاني بالقوه, صرت اذا امتنعه عنه يغتصبني و كأنه مافيه صبر.
بعد ٥ شهور على زواجنا حملت وما كنت ابي منه والله شكثر تمنيت اني ما احمل بس صار, وفي حملي كان يجيني بس اقل بحجه اني حامل و يخاف على الطفل بس والله قلبي ما حن عليه ولو شويه, كل يوم اتحسب عليه و اكرهه, لدرجه قلت له تزوج علي قال ما ابي غيرك?
بشهري ال٥ جاتني رساله غريبه لما قريتها عرفت انها من الشاب الي كنت اكلمه و حبيته كان يقول ان اكثر من مره امه تدور له زوجه بس هو ما يبي غيري? قلبي تقطع لما قريت الرساله, انا احبه وواثقه فيه و ابيه, بس الطفل الي في بطني وش ذنبه..
الحين يا بنات انا في الشهر ال٨ من حملي, و ناويه ارفع على زوجي قضيه خلع و بعد اريد من اخوي تعهد انه ما يقربني و لا يناقشني بالموضوع? وطبعا الشاب بيساعدني و مستعد يربي ابني ع انه ابنه بس المصيبه انه زوجي هددني انه بيحرمني من ابني اذا طلبت الطلاق!! انصحووني قولوا لي وش السوات؟!!!!