زوجي جاء قبل شوية و فاتحني في الموضوع و قال لي انو هوه مو فاهم الموضوع و يبغى يسمع مني علشان يحكم ع الموضوع قلت له دامك مو فاهم الموضوع ليش تجيني معصب و تطلع من عندي زعلان و قلت له الموضوع سوالف حريم يعني مفروض اختك ما تجي تقول لك كل شي يصير في المجلس سلامات قال طيب ممكن تقولين لي وش اللي صار بالضبط و قلت له صار كذا و كذا قال هيه الله يهديها كأنها برز وش ذا الاسلوب قلت له مدري عن اختك قال لازم احد يجلس معاها و يفهم ليش تصرفاتها كذا يعني صار عمرها 22 مدري 23 سنه و كذا تسوي وش خلت للاطفال ما ادري هوه قال كذا علشان يراضيني ولا هوه شايف ان اخته اسلوبها غلط
الرجال اللي يستحقر اخته بكلمة حركاتها بزر قدام بنت الناس هذا مو رجال على الاقل قال الله يهديه تحشر نفسها او الله يهديه موسوسه
اما تحلطم اللي قاله لك كرهني بالرجال اللي ميعرفون يقدرون خواتهم اذا تملموا مع بنت الناس هي غلطت انها تدخلت بشي لبنت الناس يمكن لو لخواتها يكون ارحم والمفروض محشرت نفسها لان اهل الزوج شعرتهم حمراء بعض حريم الازواج يدورن الزله والمشاكل
انا اشوف انك فعلاً حرة في تصرفاتك وفي كلامك واجابتك منتي طفلة يجي احد يكون وصي عليك او يلقي عليك اوامر !! كانت تقدر ببساطة تنصحك باحترام واسلوب محبب وشي راجع لك تقبل نصيحتها والاخذ فيها او العكس .. خليك عند موقفك ..