صديقتي طاحت على صور لزوجها

السلام عليكم
بنات انا في حيره مع صديقتي ومالي غيركم
السالفه ان صديقتي طاحت على صور لزوجها قبل الزواج مع بنات في وضع مشين ومن يومها وهي منهاره ولا تدري وش تسوي
هي متزوجه لها سبع سنوات وعندها اطفال منه وسعيده معاه ولا يعاملها الا بالحسنى وتحبه كثير وهو كمان ولا شافت منه خلال هالمده الي يثير شكوكها بالعكس مايطلع ابد من البيت قليل جدا وكل سفراته معها وكثير صريح معها بأمور حياته يعني ابدا ماحاولت تشك فيه بس لمن طاحت على الصور حست ان كل شي انهار بحياتها وهي متأكده انها قبل زواجهم
اللحين وش تسوي تصارحه ولو صارحته تخاف هالسالفه تسوي شرخ بحياتهم مايلتئم وتنهز صورته على طول
ولا تسكت ولاكأنها شافت شي وتقعد تاكل بنفسها وهي عارفه ان كل ماشافت وجهه تذكرت الصورخصوصا انه ماهي قادره تطيقه وعارفين طبعا ليه
بالله يابنات شيرو علينا انا ماادري وش اقولها
والله يبلغكم رمضان ويتقبل منكم صيامكم وقيامكم

91 تعليق 8,434 مشاهدة

شاركي في النقاش

سجلي الدخول لإضافة تعليق.

التعليقات

88
  1. @maykbrny_lkb_2

    والله يالغاليه
    انصحيهــا وقوليلها كانك ماشفتي شي مدامه قبل الزواج
    وكلن له ماضي بحياته لازم الواحد يغمض عينه عن اشياء
    كثيره ولا ماكان ماقعدت ولاوحده عند زوجها اهم شي الحين
    يحبها وهــي بعد خليها تعوذ من ابليس وتنسى كل شي وتحاول
    تخفي الصور نهائيا او تحرقها حتى هو لايشوفها ولا يدري عنها
  2. @hdhd_7

    الله يعينها
    هذا شي مره يقهر
    بس انا بقولك رأيي......وايش التصرف اللي بكون فيه لو كنت لاسمح الله بهالموقف
    اولا انا مستحيل اسكت لاني بآكل بنفسي لحد ما انهار و هذي شخصيتي
    عشان كذا لازم اناقشه واصارحه عشان يقولي كلام يطفي البركان اللي جواتي
    لازم اصارحه عشان ما انهار واقوله انا ما احاسبك على ماضيك الله اللي بيحاسبك
    لكن ليه محتفظ بهذي الصور الى الان اذا هو ماضي وراح لحاله
    احس اني محتاجه بهالوقت انه يقولي كلام يبرد قلبي
    وممكن بعدها اتعب ايام واخليه يلاحظ هذا التعب
    عشان يعرف قد ايش جرحني وصدمني
    وبعدين ابدعي الله انه ينسيني اللي صار
    وبحاول ارجع كويسه معاه
    لكن بفتح عيوني قد كذا لاني اخاف يكون يسوي شي من وراي
    والحذر دائما حلو
    واثقه الزايده انا اعتقد انها سذاجه
    اتمنى اكون فدتك
    والله يهدي شبابنا
    ويبرد\ على قلبها
  3. تتعوذ من ابليس الصور كانت قبل الزواج والحمدلله نزوه وعقل الرجال .. تصارحه عشان تستفسر ترتاح بس .. س اهم شي لاتكبرها .. ولا تزعل وتكبر المساله !! عندها عيال وكان طيش شباب وعقل ..
  4. @stoaa_alkmr

    وعليكم السلام ورحمه الله وبركاته ..
    اختي انا اتوقع لو تسكت وما تخبره بها الشي دامه تغير واموره ماشيه فاكيد انه تاب وندم علي سواه وهي ليست مطالبه بان تحاسبه له رب يحاسبه فالافضل انها ماتعيد ذكريات قديمه وتنبش بماضيه وتحاول انها تنسى ولو انه شي صعب جدا بس تتذكر محاسنه ولو قالت له بتنعدم الثقه او بتقل وبيكون في المستقبل حذر منها فلو ماتخبره احسن وتدعيله ...
  5. @slymh_slym

    صاحبة الموضوع
    مرره شكرا بنات يشد فيكم الظهر والله

    مايكبرني لقب& سطوع القمر
    انتم قلتو تسكت ياليت تقدر على السكوت
    النار اللي في قلبها بتظل تحرقها كل ماشافته
    خصوصا انه ماتعرف تجامل وصريحه معاه بكل شي والله انها عايشه بين امرين احلاهما مر الله يعينها ماتدري وش تسوي
    توتي هدهد
    اذا صارحته تتوقعون بيرجعون زي اول ماراح تهتز الثقه بينهم

تابعي تجارب أخرى من هذا القسم.