زوجي و الوظيفة
السلام عليكم ورحمة الله وبركاته انا سبق وكتبت مشكلة عن اهل زوجي ,, مشكلتي اليوم زوجي زوجي طيب وكريم ومايقصر معي اذا كان معه وحنون بس مشكلته ان ابو زوجي عنده شركة مقاولات وزوجي يشتغل مع ابوه ويستلم بس 3000 وبدون تأمين صحي وبدون اي شي يعني زي ماتقولو ابوه ماخذه يستفيد من اسمه كسعودي وانا حامل و البيبي ما اشترينا له ولا شي لان الراتب مايكفي لشي يروح مابين القرض و الديون والمقاضي و اللي يبقى لنا مبلغ مرة قليل واغلبه يروح ع البنزين يعني حتى ملابس لنا مانشتري وغير على هذا كله انا ادرس عن بعد والدراسة تحتاج فلوس ومصاريف وابوه عارف هذا كله بس مايقدر وحتى الشقه مو مفروشة كامل يعطيه ابوه الراتب اسبوع وكله يطير مايصفى منه شي على ان حنا مو مبذرين وحتى المقاضي نشتري الحاجات الضرورية ومطاعم مانروح ولا كافيهات مانروح ولا نشتري من المطعم الا قليل مرة والمجمعات ما اكذب اذا قلت اني من تزوجت للحين المرات اللي ادخل فيها المجمعات معدوده يعني بالله 3000 في زمن الدنيا كلها غلا مايجيب شي الحمدلله على كل حال ,, بتقولو ليش مايكلم ابوه يزيده هو زوجي من النوع اللي تعود من صغره يستحي من ابوه لدرجة مايحط عينه في عين ابوه مدري هو حيا ولا بر والدين واللي خلاه مايطلب من ابوه لان اكثر من مرة يقول له ابي ذا المبلغ او محتاج ذا المبلغ ويرفع صوته عليه ابوه ويقول له ماعندي من وين اجيب لك ومرة اول ماتزوجنا التواير حق سيارة زوجي كانو تعبانين وواحد منهم انفجر عليه وهو يسوق فـ راح وغيرهم وقال لابوه عطني 1600 قيمة التواير هاوشه وقاله ماعندي وماعنده اي مشكلة ان يهاوشه قدام الناس يعني ذا ابو زوجي من النوع اللي يسوي حاجات زي الرياء اجتماعي بشكل مو طبيعي مع الناس ودايم يسوي ذبايح ويعزم الناس واي شي واي مبلغ يحتاجوه يعطيهم بس لما يجي دور عياله يقول لهم ماعندي ومايعطيهم شي وزوجي المسكين يقدم على وظايف من مكان لمكان وشهادته جامعية دبلوم بس محد يقبله واذا صار ودقو يروح المقابلة وبعدين مايرجعو يدقو ,, xxxxx .. بس ابي اساعد زوجي بالشي اللي اقدر عليه ان يلاقي له وظيفه Xxxxxxو محتاجة منكم xx الدعاء واذا بتقولو انتي اشتغلي انا حاليا حامل وما اقدر اشتغل تعب عليي