اختي بالثانوي غير عننا !! <<. مشكلة عضوة بالمنتدى
السلام عليكم
سوال دايم ببالي ليه اختي شاذه من بيننا
اقاربي والناس عندهم فوق 5 و 7 بنات وكلهم نفس الطبع
وكلهم يراعون اهلهم احنا بس ثلاث بنات
وللاسف اختي اللي بثاني ثانوي شاذه بيننا ماكانها اختنا تستعر من اهلي وامي ماتحب صديقاتها
يشوفون بيتنا دايم تنتقد بيتنا تقول يفشل ودايم ماتبي لامي ولا انا ولا اختي نطلع قدام صديقاتها تقول تفشلوني
غير كذا من النوع اللي شايفه حالها على اقاربي ودايم ترفض تروح معنا لخوال واعمام وتتمسخر عليهم وانهم لxxx ويفشلون اقسم بالله احرجتنا واحرجت امي الكل بناتهم متربيات واختي ماكانها بنتنا غير كذا تكلف على اهلي بالطلبات وتكلف على ابوي وامي بطلباتها على بالها كل شي على كيفها لدرجه صارت امي تخاف منها وتبديها علينا وتجهز لها عشاء من مطعم قبل تصحى واذا قلت ليه ماتاكل من اكلنا تقول اسكتي عنها لاتفضحنا
صارت اختي شخصيه مستفزه بس ترمي كلام جارح وتضحك باستفزاز المشكله اذا عصبنا عليها وضربنها تزيد وتزيد بحركاتها واذا سفهتها انا انقهر اقسم بالله صرت اشك انها مريضه نفسيا المشكله تسب صديقاتها عندنا واذا شافتهم او كلموها تصير زي الدجاجه او اللعبه عندهم تخاف منهم وتبديهم على نفسها وتحرج اهلي تروح تشيلهن ولا ترجعهم واذا خانقنها ليه تجيبهم تقول هم احرجوني هالايام صايره نفسيه وامي معطيتها وجهه
متخيلين يوميا تطلب من مطاعم ترفض تاكل اكل البيت وابوي شايب وفقير وامي كبيره ومريضه بالضغط والسكر
وجالسه تعطيها كل يوم فلوس عشان تطلب ومره صارخت عليها وقلت خير ان شاء الله كل يوم مطاعم معاك فلوس اطلبي ولا كلي تبن وقالت لها امي كولي معنا خبز ونواشف
تدرون وش قالت هذا اللي ناقص اكل خبز شايفيني غنمه
وربي امي تعبت وانا كم مره اتهاوش معها وقبل سنتين ضربتها جلدتها لما بغت تموت كانت بثالث متوسط اعتقد ولا نفع فيها هي الوحيده من كل عائلتنا اللي طلعت باهلي جنون المشكله حركاتها بس ببيتنا بس قدام الناس وصديقاتها زي الدجاجه وش الحل معها وامي عجزت اقنعها اقولها لاتعطينها تقول انا تعبانه مالي خلق مشاكل