وش تسمون اللي كذا🙄

يووووه ياويلي الله يعينك يارب حسيت فيك 😩طبعا انا باقي ماعندي عيال ولا أحب حوستهم حتى بييتنا عند أهلي مقسم الشغل علينا وغير كذا الحمدلله أصغر وحده في خواتي من امي الحين بتدخل 10 سنوات يعني كبيره هم ينظفون حوستهم المهم جت مره عندي زوجة خالي ومعها 4 ثلاث بنات وولد واشقياء بمعنى الكلمه وكانوا مارين علينا لأنهم مسافرين وكنت توي حامل في الشهر الثاني العام يووووووه جلطوووني الحمام ودخلوا يحوسون في الصابون طلعتهم وقفلت بالمفتاح راحوا على المطبخ ويكبوا المويه من على البراده رحت قفلته بالمفتاح وماغير اطارد وراهم وامهم الله يستر عليهم جالسه بس تصارخ عليهم وهيه جالسه والله قلت في نفسي بسقط الحمل منهم من كثر مااطارد وراهم وتخيلي تعبانه متوحمه وانا حضرت الأكل وشلته وحضرت الأغراض وابدا ماشالت معي فنجان ولا حتى قالت تبغيني اساعدك انقهرت مره مع أنها طيبه وأخلاق بس قلت شكل مع السفر تعبانه مالها خلق بس حتى وإن انا ماعندي عيال حتى اقعد اطارد وراهم وغير كذا حامل توي 😭 والله يوم راحوا انبسطت قلت في نفسي استودعكم الله أهم شي ارتاح وماراحوا العيال إلا كسروا باب سحب في الصاله وامهم تضحك تقول عادي حتى في بيتي كسروا بابهم طيب ذا بيتك وش دخل بيتي انا😭 وحتى لمن جيت انام إلا البيت مليان نمل على أني كنست بس من فتات الأكل والأشياء 😣💔 والله من بعدهم كرهت عاد يجوني الله يستر عليهم؛ عكس حماتي ماشاء الله حارة وماتحب الغلط والله تصفق عليها إذا حاسوا ويوم جت ماراحت إلا نظفت معي المواعين وخلت بنتها تكنس وحطينا بخور الله يرزقها😍 كذا كذا اللي تبي تزور تمنع عيالها ولابلاش زيارات مو الكل يتحمل
هههههههههههه عاد انا قرقت أكثر منك من قهر وقهر بعد + فضاوه وشبعانه نوم😁

لا والله الأغلب تحافظ على بيتها ولا تحب الحوسه ولا طلعت عند الناس ماهمها😭 بعد عمتي كذا في بيتها نظيفة مرة وأي ناس يجونها عادي تخاصم الأولاد وماتخلي أحد يحوس بس لاراحت عند الناس ماتقول لهم شي حتى ماتوصيهم قبل تطلع عيب لأحد يحوس وكذا 😭قهر والله اللي كذا ولا كمان لو ولدها أو بنتها جو يبكون عندها تضرب اللي عليهم حتى لو عيالها غلطانين بسبب ذا الشي صارت لها مشاكل حتى مع أخواتها تقول ماتحمل في عيالي قالوا حتى انا مانتحمل دامك كذا تضربين حتى لو غلطان هذي عقليات صغيره الله يعافينا مما ابتلاهم حتى العيال فيهم دلع ماسخ لو مسحتي على رأس الواحد قام يبكي ويقول ماما 😅 ضربوني؛ تخيلي حتى مره بنتها غلطانه حتى على بنت الناس وقامت راحت لأمها تبكي وقامت الأم تبكي معها تقول ليش تضرب بنتي اوجعتني عليها وهيه غلطانه والبنت الحين طالعه ثالث يعني مو بزر😑أكره ذي النوعية على قولة جارتنا تقول الصغار تصالحوا والكبار تفاضحوا يعني خلي الصغار مصيرهم يتصالحون والمشكله بتبقى بين الكبار. ..

لا والله كذا صعبه ،،
بس الصراحه اللي تكون نظيفه في بيتها خلاص اولادها يتعودوا على كذا واذا راحت للناس مابيتعبوها لان عندهم اساسيات تعودوا عليها،،،

اكره النوعيه ذي اللي تشوف ولدها او بنتها يحوسو بيت الناس وهي ساكته لا وتكمل سواليفها ماعليها ههههه النوعيه ذي من الحريم المفروض محد يعزمهم