سلام....كيفكم بنات وكيف عرسانكم وعرايسكم
زي ما هو واضح من العنوان
ولدي الله يحفظه باقي له 10 ايام ويكون عمره 11 شهر...ولا صق فيني....ما اقدر اسوي شي ...والحين اجازه وفي بيت اهلي ...يخاف من الناس وبس يبغى يشوفني قدامه ...احطله العاب على الارض واتركه يلعب ولما ينشغل فيها اروح عنه اضطر امر من قدامه بس يشوفني يبدا البكا ويحبي الين عندي او يجي بالمشايه لعندي ويمسك رجلي انه شيليني...
انا ماقدرت احل مشكلتي وماعندي حل لها...بس قلت افتح موضوع لنا نصبر بعض...او حتى بس صبروني...احيانا توصل معايه اني ابكي...احس اني مخنوقه..والناس ما تبغى تشيله لانه يبكي معاهم فما فيه غيري انا 😭
شاركي في النقاش
سجلي الدخول لإضافة تعليق.
التعليقات
13- شكلي لوحدي ولدي لاصق فيني...الله المستعان
- وعليكم السلام ورحمة الله وبركاته ..
حبيبتي انا عندي طفلة عمرها 3 سنوات لصقت فيني بشكل فضيع بعد ما ولدت .. وكل شيء ماما تسويه .. واضطر اقوم واسوي لها وانا تعبانة .. انا اقول ممكن غيرانة من اخوها .. اصبر نفسي انها فترة وتعدي ان شاء الله ..
انت ولدك شكله مو متعود ع الناس .. حاولي ع الاقل تعودينه ع اهلك .. غيبي عنه فترة .. خلي اخواتك ياخذونه وروحي مثلا السوق لحالك او موعد .. خليه يتعود ع غيابك عشان ما تتعبين ..
الله يعين ويساعد .. - نفس الحكايه ولد بيكمل السنه ولااااصق فيني يخاف اذا غبت عن عينه ويبكي بكا ما اعتقد فيه حل لانها مرحله عمريه وتعدي اذا كبرو شوي يخف التعلق
- ولدي يبي يكمل ثلاث سنين ومتعلق فيني بقوه هو الثاني
متعود على اهلي وخواتي بس مايبيني حتى ادخل للحمام حتى من تعلقه فيني هو يروح ويلعب مع الاطفال ومع اخته يلعب ويخليني بس لاشافني ابروح للحمام او غرفه ثانيه يلحقني يشوف وين ابروح
كان يصيح اذا دخلت للحمام لحد ماطلع الحمدلله تغير حاليا وصار مايلحقني للحمام
لاني اطنشه ولا ارد عليه اخليه يصيبيييح لحد مايشبع
بس الحين مايبي يطلع مع ابوه يروح مع ابوه الا انا معهم
اذا يبي يطلعهم لاهلهم وانا بالبيت مايطلع يقول ماما ماما تجي ويزعل مايروح ويبي يروح
اذا بغيت اطلع للسوق لازم اتغبى عنه او خواتي يلهونه بشي عشان اهج
الحين انا زمله لاجاءوقت الروضه وش ابسوووووووي 😭😭😭 - ولدي الكبير كان نفسك بائعه المسك يبكي عند الحمام الان باقي كم شهر ويكمل 6سنين وللان متعلق فيني بس انا منفصله عن ابوه ومتزوجه شخص ثاني وولدي معاي ويلحقني وين مارحت مرات يكون اهون شوي ومرات يزيد العيار لدرجه يرتفع ضغطي واحس نفسي راح اجرم فيه من كثر ماضاغط علي وخانقني بهالطبع الكريه،تخيلي لدرجه اذا سكرت الغرفه بالمفتاح وهو برى ويصرخ ويبكي كان احد ميت عليه،فضحني وتعبني الله يصلحه ويعدل هالطبع الي فيه ويصبرني عليه واقدر ع تربيته..مع العلم ان هالتمسك الي فيه بدا من عمره سنه وشهور قبل لاننفصل انا وابوه
مواضيع مشابهة
تابعي تجارب أخرى من هذا القسم.