عروس مهملة

انا اعتقد انه متأثر بطليقته وما قدر ينساها وزوجوه عشان ينساها مو تقولين انه يناديكي باسمها يعني لسا يحبها

والحب مو شي اساسي بالزواج قبله لازم مودة ورحمة وهالشي مفقود بينكم

الله يهدي سرك ويصلح حال

اذا ناداك باسمها مو معناه انه يحبها اكثر منك او يقارن لكن فترة علاقتهم مو قصيرة وهي اول وحدة قاسمها محفور معالعشرة بتفرغ الذاكرة من اخر حرف مما عاشوه انت اصبري لان الرجل لما يتزوج يعيش فترة يبغا يبعد ويتحرر اقرئي سبعة اسرار سحرية لسعادة زوجية ابدية حق ناعمة الهاشمي وموضوع الخلفة فيه نظ

حتى لو كان يحبها مصيره ينساها


مقولة ومالحب الا للحبيب الأولي هذي مقولة
خاطئة


الحب كيفما كان مع الفراق لابد يزول وينطفئ


وخير مثال أبوي الله يطول في عمره
كان مطلق قبل يتزوج أمي


والله يهديه ابوي مادري وش فيه في اول سنة زواج يطلع صورة طليقته ويوريها لأمي ويحكيها عنها وكيف يحبها هههههههههه الله يصلحه مادري كيف كان يفكر ما اتخيل احد كذا على نياته لهالدرجة


وأمي تحكيني هالكلام منقهرة تطلع حرتها مانسيت مع ان عشرات السنين عدت وكان عمرها 16 وابوي الحين يعشقها وطاير فيها مع ان أمي لاهي الرومنسية ولا الحنونة بس سبحان الله أدمنها ومايكلمها ويناديها الا بحبيبتي وروحي وعمري وحياتي ويخاف عليها من النسمه واذا مرضت او تعبت الله يحفظها من كل شر اشوف الدموع بعيونه ما شاء الله عليهم ربي يحفظهم ولا يغير عليهم ..


بس انا مازعلني في زوجك واثار استغرابي الا انه ياخذ منك فلوس وانتي توك عروس وكمان معطيك طناش ! بصراحة عيب عليه شوي يستحي على دمه ويعاملك بالطيب على الاقل تقديرا لجميلك ..


وترى اذا استمريتي تسمحين له ياخذ من مرتبك لا تستغربين اذا بكرة لقيتي نفسك تصرفين على البيت بداله


فخذي موقف من بدري وحليها قبل يستحلها الاخ وتصيرين مجرد صرافة عنده لا زوجة

الله يصلحه ويسخره لك..