السلام عليكم ورحمة الله وبركاته الشهر مبارك عليكم اول مرهاكتب في قسم الحياه قلت اشوف مشورتكم انا حامل وعندي قبلها ولدين الحمدالله والحين قالولي بنت اهل زوجي عادي معي الي يضايقني فيهم ع كيفهم اذ بغو ينادوني ينادون واذ مابغو طنشو حاطين حرتهم بولدهم يشوفوني اصور شي يروح ع طول يطلبون من ولدهم فلوس همهم هالفلوس حملت بكري وجبت ولد وسميته ع ابوه عطاني اول ماطلعت من المستشفى الفين وجوني اول يوم بشوكلاته وقهو وحلى وورد طبعا المغروض السمي يتممله ابوه طنش لاتمم لولدي ولاحتى زوجي تممله المهم بعد ها بسنه حملت بثاني والحمدالله جبت ولد وجيت بسميه ع ابوي وعيا قال لاتسمين ومدري ايش خلي اخوك يسمي اول وسميته اسم بالي المهم يوم ولدت ماجوني الا ثالث يوم قلت لزوجي ليه يعني حاقريني وش معنا بلكبير من اول يوم جو وجابو وحطو الصراحه انقهرت يومين مادقو ولاجوًمتعودين لازم اول يوم مزو حتى زوجت اخوي اول ماتولد نروحلها اول يوم نتحمدلها ونشوف ولدنا المهم زوجي اتوقع كلمهم وجو ثالث يوم الام والابو وبنتهم متزوجه وقاطين في شوكلاته كلهم المهم سكت الحين حامل وان شاالله الي بطني بنت للحين مادور ان الي بطني بنت الا ان كان ولدهم قالهم مدري اسم امه شين بصراحه مره ولاابي اسمي عليها قال الا بسميها ع امي قلت بكيفك بس ترا انت واهلك بتنادونها اسم وانا بناديها باسم طبعا وش خلاني اعانده اول كنت عادي بس كذا مره يغلط علي ولدهم واكلمهم اشتكي منه يطنشوني اخر مره وانا حامل في شهرين تهاوشنا ومد يده علي ودفني وكلمت ابوه ابيه يشوفلنا حل يعني هاذي اول مره يمد يده علي ولاابيه يكرره وماعمره مد يده بي شاف ابوي توفى الله يرحمه قال بس ماعندها احد فما خبيت ادخل اخواني كلمت ابوه وعلمته بسالفه وقلتله ابيك تجي الحين تشوفلنا حل قال طيب ولاعاد رد علي طنشني ولاحتى كلم ولده انا متاكده علم زوجته وقالت لاتدخل فيهم لان ام زوجي مسيطره ع زوجها ويسمع كلمتها المهم بعدها حلفت قلت والله مااسمي عليها قال زوجي اختاري ياالاسمً ياورقتك قلت عادي ورقتي انا تحملت منك اشياء مافيه وحده تتحملها والحين عشان اسم بتطلقني طلق سكت وبعد يومين قالو وش تبين تسمين قلت له ع اسمين بس لحد الان ماقررت ودي اسوي توزيعات باسم قبل اولد ومحتاره الحين وش محيرني بعد العيد بروح لهله وبقولهم بنت وش اقول اذ قالو بتسمينها فلانه يعني اسم امهم وش ارد عليهم طبعا زوجي الكبير واخته مسميه ع امها خلاص يكفي
وامه من قبل لااحمل مره بجمعه مع خواتها قالو عقبال ماتجي سميتك قالت ان شاءالله معن انا ماودي يسمون علي بس ولدي حالف وهو ماحلف 😂😂😂عطوني رايكم وش اقولهم اذ قال وش بتسمين ولالاقالو يزينها بتجي فلانه 😡 وغير كذا بستشيركم بكم اسم
ريما
غنى
حور
شاركي في النقاش
سجلي الدخول لإضافة تعليق.
التعليقات
81- مااعرف المشكله بعض الرجال مايناخذ بكلامه يتفق معك بشي واذا راح لاهله غير كل شي عموما شوفي الافضل لك ورايي لاتعلمينهم ووقت الولاده وبالزياره قولي بسميها كذا ... وتكونين متفقه مع زوجك ع الاسم من قبل وخليه يعجل باجراءت تسجيلها اما اذا حسيتي انه بيعلمهم ويخرب الاتفاق فقولي خلاص يابو فلان ابشر باللي يرضيك نسميها باسم امك ونناديها به وبالاحوال نسجلها بالاسم الفلاني /اللي انتي تبغينه/ وبس بكذا تحافظين ع بيتك واعصابك وزوجك يكون نفخ ريشه قدام امه وماخسرتي شي لانها بالنهايه بتدخل المدرسه وبيضطرون يسمونها بالاسم اللي اخترتيه
- مو لازم تقولين لهم انك حامل ببنت
قولي مو باين
وبالنسبه لزياراتهم وتصرفاتهم يختي لكل عايله اطباعها ونصيحه لاتنتقدين اهل زوجك ابد ابد مهما كان لان ولدهم مستحيل يشوف انه هم على غلط
والتمايم مفروض من زوجك يتمم مو من الجد عشان السمي
انتي ريحي بالك لاتقولين ليش ماجوني وليش ماسووو وليش وليش لان كذا قلب زوجك بيمتلي وترا اغلب الرجال مايخبون عن اهاليهم شي احيانا بحسن نيه يتكلم وهالشي غلط عكسنا احنا نكون حريصين مايظهر من اهلنا الغلط قدامه
وبنتك اتفقي مع زوجك انتي تسمينها بدون ماتجيبين سيرة عمتك واسمها
لو هو جابها قولي تظلم الصغيره باسم كبير
هذي بنتك حبيبتك بتفرح يوم تكبر وتعرف ان ابوها حرص على اسمها باحلى اسم لجيها مو تجلس حزينه بهالاسم
خذيه من الباب الاستعطاف وان مانفع فيه اصري على رايك وهالشي من حقك
بس بدووووون سيرة اهله ولانقدهم ترا الرجال ماينسووون كلمه تقولينها والله قلوبهم تجمع سنين وان بغى الفكه جابها كلها حقت هالسنين وحطها دفعه وحده وقال انتي فيك وفيك
ريحي راسك من اهله وعيشي لبيتك وزوجك واكسبيه ان كسبتيه مايخالفك الراي مع الايام
والله يسخره لك - مو لازم تعلمينهم بانها بنت اسكتي واذا ولدتي قولي سميتها كذا وخلاص
وزوجك حاولي تقنعينه ان اخته سمت على امه وخلاص وماتبين بنتك تتعقد في المدرسه وتدفع ثمن هالاسم واصري عليه كثر الدق يفك اللحام
واحلى اسم صراحه غنى وحور بس غنى اجدد - حاااسه بيك
انا جبت توأم هو وامه سماهم وولد هم سموه بعد وحاولت مثلك بس طنش كلامي و الاب يسمي اصلا يعني حتى لو سويتي توزيعات يسجلها تحت بكيفه
انتي حاولي بالاقناع لو تقدرين وان شاء الله يوافق والإسامي كلها حلو بس ريما احلاهم الله يبارك لك فيها - غنى احلى
والله يقومك بالسلامه..
مواضيع مشابهة
تابعي تجارب أخرى من هذا القسم.