أبغ مشورتكم قبل يطق فيني عرق وأخربها

وحده جايه تحاشر بنات في غرفة نومهم مااتوقع تعرف شي اسمه احراج ابدا اتوقع لو ولدها نقل غرفة نومه في الدرج عند باب الشقه ماينهز لها رمش ولايهمها والا وحده بعلقها تترك زوجها وبيتها سنه وتنشب بغرفة بزران

الله يعينك بصراحه شئ يقهر انا اقولك الحل
فضي المقلط وانقلي غرفه الاولد فيه وانقلي البنات في غرفة اخوانهم وخلي لها الغرفه فاضيه ان بغت تاثثها والا ولدها بكيفهم اهم شي راحة عيالك
واخيرا عليك بالاستغفار مفاتح كل مشكله
الله يعينك ويفرج همك

اعرف ناس مثل وضعك واحس مافي حل غير الصبر

خاصة اذا الزوج مايعرف يتصرف

والجد والجدة للاسف ماعندهم احساس والله اعلم اذا جدة اولادك عندها مشاكل بالسر وزعلانين وهي منحاشه من البيت

اللي اعرفهم وحده صبرت وشالت ابو وأم زوجها لغاية اخر يوم في عمرهم من علاج واكل وشرب ومداره وضيافة واستقبال اعمام وعمات عيالها حتى بالاعياد تجلس عندهم 3 أيام ثم تتفرغ تعايد اهلها ولا عمرها تأففت ولا اشتكت .

والثانيه كانت كل فتره تزعل وتروح بيت اهلها بالشهور ثم ترجع ووضعها اخس من وضعك كانو عيالها ينامون معهم بغرفة النوم واهل زوجها يحسبون الملاعق والصحون والكاسات اللي تجيبها امهم اذا فقدو شي منهم يقومون الدنيا وعلى هذا الحال لغاية ماتوفوا الاجداد الله يرحمهم .

انا اقول اصبري وعيشي على قد المتوفر عندك وحاولي ترتبين امورك واتركوا جدتهم براحتها طالما وصلك انها تتضايق شيلي العيال عنها خليها لغاية ماتطفش

وعادي خلي اولادك يستقرون بمجلس الرجال ويجيبون اغراضهم واسرتهم وملابسهم يمكن يتحرك الاحساس في الناس اذا دخلو وشافوا وضعكم كذا لا تخبين وتدارين وتستحين

وبناتك حطيهم بغرفة الاولاد وخليهم يستقرون فيها ويجيبون ملابسهم واغراضهم


وانتي غلطتي من البدايه انك فضيتي للجده الغرفه وشلتي بناتك كان من البدايه خليتيها مثل الضيفه تشارك بالغرفه او تاخذ مجلس الرجال معززه مكرمه عشان ماينحاس البيت بالداخل والطالع .

واكيد بتشكي لولدها لكن الشرهه على زوجك اذا يقصر بحقكم او ينتفخ عليكم ومايعرف كيف يتصرف ويرتب اموره

واذا عنده اخوان لا يستحي يكلمهم عن ظروفه الماديه يساعدونه او يتناوبون يستقبلون امهم .

صدقيني اللي تسوينه قدام عيالك في جدتهم بيردونه لك اذا كبروا من خير او شر

احرصي مايطلع منك الا الخير والاحسان والرحمه والصبر

الانسان مهما طالت فيه السنين ماراح يعمر في هالدنيا كلنا بنموت

الله يعينك

الله يعينك. طيب. مادام زوجك عنده نية طرد بناتك من الغرفة اجل بيطردهم. عشان امه اشتكت له بس خلي بناتك بالمقلط الين الله مايفرجها عليك تركته بيت زوجها وتحشركم بشقه عشانه باسمها ماكان خليته يسجل الشقة باسمها وانصحك بعد ماتعطينه غرفتك ابداً