الموضوع الاساسي
https://www.hawaaworld.com/showthread.php?t=453508...
اول شيء انا مو متزوجه اخته ولا انا ملزومه فيها لا هي ولا اهله متزوج ولدهم ومن شروطي بيت مستقل شرعي يعني لو رضيت انها تعيش معي ثلاث سنوات فهذا كرم مني
واللي تقول اكسبي فيها اجر بالعكس ممكن اكسب سيئه مو اجر الله يقول ولا ترموا بيديكم في التهلكه وانا اعرف اني ماعندي طاقه لتحمل ضغط من اخواته او امه واني اقبل نعيش مع بعض معناها ان اضر نفسي
والله سبحانه وصانا بالوالدين والزوج
ماذكر اهل الزوج ولا اخواته واللي عندها دليل ع العكس تقوله لنا
ايام زمان كانت الحياه صعبه والكل يعشون مع بعض لكن من فيكم امها ماعانت وتعبت نفسين من اهله امي سببوا لها اكتيئاب ليه نعيش حياة اجدادنا الزمن تغيرر
ثانياً انا قلت ببداية موضوعي ما احلل اللي تغلط عليه بعضهم تقول حقوده حسوده مزهريه هي الداخله وانتي الطالعه ...حقي باخذه منك يوم الحساب زوجي مقدر وضعي وسألني وقال هي بتزعل اذا ماراحت لانها تبي تدرس وممنوع تدرس بالسعوديه لانها موعيده بالجامعه ولازم الدراسه برا
ثالثاً امي الله يطول بعمرها وهي كبيره في العمر وحكيمه قالت لا تروحون مع بعض ترى بتحصل مشاكل انتي في غنى عنها
< والتفكير تعبني
ماودي اخلي زوجي وحده اخاف يتعود ع البعد
ربعاً انا بكالوريوس بس مافكر اكمل ماستر برا ابداً باخذها في السعوديه اذا ابي اسهل مو منكثر الوظايف معهد انجليزي باخذ اكيد
خامساً عندي بنتين وحامل الحين يعنى بصير لود مرا عليه ثلاث اطفال ودراسه احتاج شيء بسيط مثل معهد ساعتين ثلاث ولا اقدر اجلس بالسعوديه وابوهم بعيد عن بناته تعرفون احتياجات الاطفال واهلي عاد مو ملزومين فيهم سنين يعني انا اولى من اخته
سادساً زوجي على عيني وراسي خدمته اهتم فيه واجهز له غداه ونتغداء سوا لكن اخته وش دخلني فيها اكون لها شغاله لو شهر شهرين اوكيه بس سنين تجي من جامعتها وتفك ملابسها وتاكل وتنام سلامات اما غرفتها اكيد مابلمسها هذا اللي ناقص
ع فكره بنت خالتي تطلقة بسبب اخت زوجها سكنت معها وتحلف انه حتى بامبرز ولدها ماتشيله اذا غيرت له تقول تهاوشت معها و سالفه طويله وصلت لطلاقها
هو الافضل تسكن بشقه جنبنا ولكن اذا سكنت معي راح اعمل نظام هي يوم وانا يوم بالنظافه والطبخ يدها بيدي مدامها ساكنه عندي واذا ماعجبني الوضع باخذ بناتي ورجع بلادي وخليهم يشبعون بالغربه>
الموضوع مغلق