زوجي جبرني اخدم عيال عمتي واهله

حنا عائله امي وابوي واخواني وخواتي فطورنا شوربة وفطائر وسمبوسة والحمد لله
ترا مو فقر ولا بخل بس مالها داعي كثرة الاصناف في الفطور تمر ومويه وكم لقمه الا شبعانين والحمد لله


ترا رمضان مو لازم الي في المطبخ ينطبخ بنفس اليوم


والمشكلة فعلا الازواج يختلفون مو نفس الشي يمكن زوج سلفتك يتفهم وواعي وزوجك عنيد


الحل سوي شوربة وسمبوسة وجلي فقط لاغير وقولي هذا الي اقدر عليه
والسحور يوم لي ويوم لسلفتي واذا سلفتي ماتبي تطبخ جيب من المطعم
قولي انا ادميه اتعب
واذا يبيك كل يوم تطبخين اطلبي شغاله
موضوعك يحتاج قوة منك
والبنات الي يزورون امهم ليش مايسوون السحور ويحطونه بحافظة قبل لايمشون ويروحون بيوتهم من باب البر والطبخ للام ومساعدتها
مافيها شي الوحدة اذا طبخت لامها وهي عندها من باب البر والمساعدة وبعدين تروح لبيتها
ماش الحريم مافيهم خير لامهم وابوهم يالله ركض وراء الرجال الي ياكل ولايمدح
اما الام والاب مدح ودعاوي وفرحة
الله يعين بس

والله انتي الي راضيه ع نفسك
وكيك وصواني ومدري ليش واخرتها عيالك تجوعينهم وماتوكلينهم حرام عليك اي من امومه هذي ؟ عشان تراضين الناس تهملين عيالك واطفالك .. وكمان عندك خمسه صغار
واكيد مقصره عليهم عشان تسوين هالبوفيه اليومي للعايله الكريمه
لو انا منك يوميا بس شوربه واقلي سمبوسه واحط تمر وقهوه
اقول لزوجي يجيب من الفوال وخبز وهذا فطورهم
وقتها بيحسون ع نفسهم ويتلحلون الي امه مسافره بيلحقها
والثاني بيتفطر مع زوجته مايبقى الا عمتك بس
كل يوم بينقص شخص من السفره اذا شافو هذا فطورك
اما طالما تسوين كيك وصواني كل القبيله بتجي محد يعاف الاكل المنوع
وزوجك ساكت عنك عشان تسوين لاهله هالاكل ولا بس ترجع امهاتهم ويخلص رمضان يقلب وجهه غليك
وابشرك لو تطيحين بكره او يجيك شي بيطق عليك الثانيه
وخلي طبخك ومواعينك تنفعك .. الناس تتعبد وتختم القران وتتسابق عالقيام والتراويح وانتي ياخساره بين المطبخ والمواعين
ياكلون من هنا ويروحون يتعبدون ويكسبون الاجور وتتحقق دعواتهم وانتي يمر رمضان ماتقدرين تقومين الليل من التعب
هم يربحون اكل وسفره من هنا لهنا وتجاره مع الله وانتي اربحي تعب وصحتك تنهار ومهمله عيالك ولا كسبتي رمضان بولاشي


خلك بس .. كانك منتي متحركه ومتخذه موقف تستاهلين وش نقول

والله انا احكي لك عن نفسي شهركنت اسوي غدا وعشا لابو زوجي عشان ام زوجي سوت عمليه وقعدت عندبنتها وانا مومن نفس قبيلتهم وسلفتي تصير بنت عم زوجي شالت يدها في الاخير لاتقدير ولاحترام لي والحب والاحترام لبنت عمهم .مدري وش فيهم الناس يحبون اللي يطنشهم ويقدرونهم الشكوى لله هدي السنه تعبت عمتى كنت انزلهم االعشا والغدا والله مالقيت غير قلة القيمه صح انقهر اللهلايضع لي اجر .مااقدر اشوف احد محتاج مااساعده حتى لومالقيت منهم تقدير الله المستعان .انتي ياصاحبة الموضوع كلمي ام زوجك لوهي طيبه معاك قولي لها انك مضغوطه بالعيال وسلفتك تساعدك.الله يعينك

تستاهلين ليش محملة نفسك فوق طاقتها تعلمي من سلفاتك.وان كان ع الزوج ولاهو ذاكر لك فطور ولاسحور

انتي السبب في كل هالمهزلة اللي صارت اجلسي في بيتك وقفلي بابك وقولي لزوجك بالحرف الواحد انا مو ملزومه في احد اطبخ وانفخ وعندي اطفال ويبغالهم مراعاه كل وحدة في بيتها وتطبخ لزوجها وعيالها هذولاء سلفاتك ماصار فيهم اللي صار لك ليييييش لأنهم ماأعطوا احد فرصة يتأمر عليهم ومسكت بيتها من البداية ليش اغلب نفسي واتعب نفسي في امور انا بغنى عنها