ذبحتني الوحده
السلام عليكم كيفكم جميع بشرح موضوعي على طول وارجوا ذكر الله وقول ماشاء الله تبارك الله امراءه عصاميه ناجحه جميله جدا متزوجه وام لمجموعه اطفال وجميعهم ولله الحمد متفوقين ومثال للنجاح وزوجي مرموق ومثالي وناجحه في حياتي لدرجه ان اللي حولي في ذهول ولله الحمد مستوي المادي عالي جدا انا وزوجي ولله الحمد ولم ياتي من ورث ولا من فراغ بل من كد وتعب ومثابره الجميع حولياقل مستوى ومعيشه وانا اتميز عنهم لدرجه انهم يظربون لي الف حساب احس لاسييرت ولا رحت لحمواتي ولا لاقاربي كاني نازله من الفضاء كذا متكهربين مني يعاملوني برسميه ويجلسون معي دقايق والبقيه في المطبخ ولا الصالات مع اني متواضعه جدا جدا لدرجه ولكن احس اهتمامي بنفسي وعيالي يبعد الناس مني مدري حتى عيال حمواتي لاشافوني ولا شافوا عيالي يبحلقون فينا عيالي طيبين وراقين وعيال عمهم معليهم بس مش مثل عيالي ولا يقارنون بهم لاحد يقول متكبره ولا شايفه عيالك لا لا هذا كلام عمانهم وخواني وكل من شافهم بس مايحبون يخالطونا ولا يجونا ولهم اجتماعات خاصه فيهم وان جيت مايكلمونا ماغير يبحلقون فينا قللنا من اللبس والكشخه بس برضه في تحزب وكلام من وراء وان شافونا ماتكلموا ولا حبوهم بعد عيالي يقولون عيال عمنا في شرق ياماما وحنا في غرب مااافيه فايده حاولنا نتقرب منهم مافيه عمتي ام زوجي بتنهبل في وفي عيالي وتقدرنا ولنا مكانه خاصه عندها اهل زوجي ترا ناس بسطاء وعيشين في قريه وفيهم خير بس برضه يضربون لي الف حساب انا وعيالي ولا فيه تواصل الا بالزيارات الشهريهسلفاتي بينهم ميانه وتواصل ولهم قروب ولا دخلوني فيه ههههههه دريت بالصدفه مع اني اوجبهم وارسلهم رسايل واتصل عليهم في المناسبات والمرض وازورهم واشتري هدايا لهم وانا المبادره دايم وخذيت فتره قلت بوقف من الاتصالات والزيارات بشوف وش قدري والله ولا وحده سالت ولا اتصلت ولا قالت وين الحرمه كذا كاني مصدر قلق لهم كانهم يستحون مني ولا يبوني ادخل مجموعته هم ترا اقل من عادي لا اهتمام عيالهم عادين من ناحيه الدراسه الله يصلح لي ولهم بس احس اني اذا حضرت اثير غيرتهم على شان كذا ودهم يقطعوني علشان اتركهم وهذا اللي حصل ولا حصل الا بعد امور صارت لي مثل سكنت بيت جديد جوني 20دقيقه وبعدها شردوا تقولين فيه مشكله فنجال قهوه وهربوا جبت بنتي ماجوني الا بعد 3اسابيع ونس الحكايه شويه وهربوا بناتي جاتهم الحصبه وقال زوجي لهله ولا وحده دقت تتطمن عليهم العام مات ابوي جو وعزوني بيت هلي حتى ماهم كلهم 2بس والباقين اتصلوا فقط وبعدها ماحد سال عني ولا عن اخباري مع ان والدي مااات بحادث وتاثرت نفسيتي فيه مع انهم ساكنين في نفس الحي بالعربي انا اللي ابادر واتصل واسال وهم مطنشين وان ماسالت بالطقاق ماهميتهم لو اغيب سنين ??????????وامور اخرى واخرى تعبت من ذي المعامله