طلعت من بيتي زعلانه وتركت عيالي مع ابوهم

طيب طالما زوجك تقولين صار يحترمك ويقدرك ومايرفض للك طلب ليش تخربين على نفسك يختي كان احتسبتي الاجر في افطارهم هي بس هالشهر الفضيل ويتعدي على خير

قلتله قبل امس اهلي عزموني على الفطور ومارضي يوديني قلتله امي كلمتني بنفسها لازم اروح وطنشني

الى الان م اشوف انك غلطتي عليه مقصرتي سويتي صنفين يعني من غير الشوربه والاشياء الأساسيه بس المفروض يوم جاءك قلتي له انك تعبانه وهذه اللي قدرت عليه مو بينتي له انك متعمده

هدي اعصابك الرجال شاريك اطمني مابيطلقك ياكافي الوحده مستعده تهين نفسها وتكرف وتموت من الشقى ولا تتطلق
أساسا متوهق من غيرك كويس خليتي العيال عنده المفروض تنبسطين انك أخير صحيتي من غفلتك ووقفتيه عند حده مو تلومين البنات هنا انا ماكتبت شيء قبل بس فاكره موضوعك
ريحي عند امك كم يوم الين يهدا الوضع لاترجعين بيتك كذا البنات الي يقولون لك ارجعي ماقروا موضوعك الأول لورجعتي من راسك بتنهانين طول عمرك وبتندمين قد شعر راسك
صحتك يابنت الناس تدهورت لاصار فيك شيء محد نافعك
اذا مر اسبوع او حتى 4ايام وماجاكم ولا اتصل كلمي اخوك او عمك يتفاهم معه على حكايه الضيوف الي كل يوم عندك مسوي فيها حاتم الطائي على حساب نفسه وصحتك
انا اعرف الرجال وتفكيرهم هو الي متورط مو انتي هدي بس وغيري جو عندك دام الصغار معك لاتخافين الكبار بيدبرو نفسهم مابيخليهم ابوهم حتى جدتهم عندهم

كل الشغل فوق راسي سلفتي ان تكرمت بطبق او اثنين وعمتي خالة زوجي كانت مسافره توها البارح رجعت بيتها وعلى كذا زوجي يبغاني اكمل المشوار في الكرف حتى لو اهل الشباب موجودين يعني عيال عمتي وام زوجي على عيني وراسي اخدمها برضاي وما انتظر زوجي يقولي سوي لامي والا اعطيها لاكن غيرها يتشرطون في الاكل وكل واحد له طلب