طلعت من بيتي زعلانه وتركت عيالي مع ابوهم

حامت كبدي على ماخلصت الردود بعضهم ودي ان الوحده سكتت اقسم بالله رفعتو ضغطي اسمعي يابنت الناس انا مارديت عليك قبل لكن بقولك الحين انتي ضعيييفه شخصيه وخوافه اجل عشان نقصتي كم طبق قام غسل شراعك وين قدرك عنده واحترامك وين الكرف اللي راح كله بح ماعاد يشوفه اللي سويتيه عين الصواب ولا بيخرب بيتك ولا شي تطمني خليك هاديه وعاقله اذا كلمك وقال ارجعي ارجعي وانتي ساكته ومبوزه اذا بيطلق عشان شي تافه زي كذا فعرفي انك معاه ماله امان وبايع ازعلي على نفسك انه ماقدر تعبك وتكرفين لخوانه ومدري مين عطيه بوجهه قولي انتي زوجي ماني مسووله عن غيرك ان سويت من خاطري ولا ماني ملزومه يا خليك قويه اقسم بالله لو سكتي يدوسون عليك كلهم ويخلونك خدامتهم اساليني انا عن الاشكال هذي ماينفع معها الطيب لو هو بيطلق كان يوم فزعو عيالك وعلموه كان جاك مشتط ومنعك ورما عليك الطلاق لو طلعتي لكن هو عارف غلطته وقال لبنتك صدقيني اذا حس 1%انك متحسفه وخايفه لينفخ راسه عليك ويذلك اتخذتي قرار لا تتراجعي عنه ريحي راسك عند اهلك ولا تدخلين احد كلميه انتي وبشروطك معاد يحملك فوق طاقتك والله يسهل امرك ويردك رد جميل لزوجك ويسخره لك يارب

ياخي مافهمت وشلون جايه تاخذين راي الناس اللي هدموا بيتك؟

هي فطور و الصيام يشبع من تمره و مويه ايش هالشررهه فيهم معقوله كل هالاكل ينأكل
انتي م غلطتي وزوجك م يستاهلك
بكره خلي اخوك يجيب باقي الاولاد و اعتبري انها بدت اجازتك بعد هالكرف ...
و خلي اخوك يطول عليه و لا يعطيه وجه ليش يهينك بهالطريقه
الناس تهدي اغلى الهدياء و تعطي و تشكر و زوجك يحسب انه مستقدمك على كفالته و يضرب كمان !!! على ايش صابره !
حبيبتي لازم زي ما اخذ يعطي ما في احد يرضى بوضعك ، حطي نقط للحروف و حطي حدود لاستغلالك
ان سويتي فطور فهذا كرم منك و انتي متفضله و ان ما سويتي فعذرك معك عيب يثقلون عليك
حتى عمتك المفروض تكون شاكره و مقدره تعبك
لانك مو ملزومه تطبخين لاحد ابدا .
عيالك اولى بهالاهتمام اهملتيهم لاهم الي كفوك و لا هم الي شالوا نفسهم .
انا كتبت رأيي لو اني مكانك
فانتي لا تطبقي كلامي لو ما اقنعك و حسيتيه هو الصح
لك دعواتي في ظهر الغيب ان الله يسخره لك و يجعله رحوم عطوف و يموت فيك و لا يشوف غيرك

خلاص مافات شي ورمضان ماخلص ارجعي بيتك ومن بكره سوي بوفيه مفتوح عشان يرضى زوجك ولاعاد تكتبين موضوع تشكين من زوجك وتبغين النصيحه كان قلتي بفضفض ولا ابغى حلول انا ماقريت موضوعك الاول ولا رديت وانا ضد كرف المراءه على حساب نفسيتها وصحتها لكن دام تشوفين ان الكرف اهون من الطلاق والوصول لحل يرضي الطرفين ارجعي والله يوفقك

زوجي كلمني وقالي ارجعي بيتك زي ماطلعتي منه قلتله اذا ارجع على نفس الحال ماني راجعه وتكلمنا عن المشكله وانا اقوله اسبابي في تقليل اصناف الاكل قال انتي اصلا تطبخين لزوجك واولادك ماتطبخين لاحد ثاني كان يحاول يسحبني في الكلام عشان اقول واخوانك وشروطهم عشان يقلبها علي ويزعل زياده
انا قلتله اذا انت صادق اني اطبخ لك ولعيالي ليش ماتجلس معاي على فطور او سحور على الاقل او حتى يوم واحد تجلس معاي فيه على سفره وحده لانه من اول يوم جاء فيه مايجلس معاي على الاكل ابدا ياكل تحت مع اخوانه
وقلتله تتذكر يوم كنت مسافر وانا اقولك اني اشتقتلك وافتقدك ونفسي انك تجي واطبخلك كل اللي نفسك فيه ونفطر سوا لانه اول اسبوع كان مسافر مرابط في نجران
وكان يقول ان كلامي غير منطقي وهذا مو سبب مقنع قلتله اصلا ايش تفرق معاك طبخت ماطبخت مصيرك تفطر تحت وعمتي جت من السفر وهي وبناتها يسووي اكلات وسلفتي تسوي طبق او اثنين ما اقتنع بكلامي وقفل الخط
رجعت اتصلت عليه قلتله تعال عشان نتفاهم قال ماني جاي قلتله طيب وش الحل قال ما ادري قلتله طيب انت عارف انا ليش زعلانه وانا متاكده انك ماتعرف قال طيب ليش زعلتي قلتله تشوف لانك ماتقدر ولا تجلس معاي ولا تعطيني فرصه اشكيلك او اتكلم معاك قال شوفي لاخر مره اقولك تبغين ترجعين او لا قلتله كيف ارجع واحنا ماتفاهمنا ولا انت تحاول تسمع مني ولا عند استعداد تتكلم معاي قال مالي شغل فيك وانا عصببت وبكيت قلتله لهذي الدرجه ما اهمك لهذي الدرجه بايعني عشان اكل عشان قللت تبيعني ماتوقعتها منك وانهيت المكالمه
رجع كلمني بعدها بفتره قالي لك 10 دقاىق اذا مارجعتي بيتك بتصرف تصرف يندمك على اللي سويتيه
قلتله وش بتسوي يعني قال بعدين تشوفين
قلتله مستحيل ارجع على نفس الحال وانا قلتلك من قبل قال يعني ماينفع فيك الكلام وانا قلتله وش اسوي اذا انت ماتبغا نتفاهم رجع سالني اذا برجع او لا وقالي اخر مره لك وسكت انا حسيت اني بخسره لانه كان صارم في كلامه قلتله اذا رجعت برجع عشان عيالي لاني سمعتهم عنده ماقدرت امسك نفسي
قالي خلي اخوك يرجعك قلتله ماهو موجود قالي ارجعي مشي
قلتله ماراح ارجع لحالي قال اجل خليك عندك قلتله بكيفك انا مستحيل ارجع لحالي وكثر الله خيرك قالي بكيفك تحملي مايجيك

ما ادري ايش اللي يفكر فيه
حسبي الله ونعم الوكيل