مواقف مع ماماتنا💕

ههههههههه ربي يسعدكم جميعاً 😂😂

ههههههههههه ضحكتوني

انا امي الله يحفظها دايما معاها بالمواقف هذي

مرة كنت انا واحد من اولاد العايلة نلعب ممكن انا 5 سنين و هو 8 سنين و كان اقرب واحد لي

عشان احنا الاثنين بس اللي علينا افكار شيطانية خصوصا هو

المهم رحنا الحديقة اللي في بيتنا فيها اشجار و عشب و كذا

و شوفه يلم الاوراق اليابسة و شوية اشيا من اوراق و كرتون و اي شي موجود

و الاخ امرني اروح اجيب علبة الكبريت و انا على نياتي و لاعبتها اني المطيعة

و اروح مثل كات وومن و ادخل البيت بما ان بيتنا طابقين واحد لجدي و جدتي و الثاني لنا

كنت ذكية ماشاء الله دخلت لطابق جدودي عشان محد ينتبه

و جبت العلبة و انا فرحانه و الاخ يشكر و يقولي انتي شاطرة و ما ادري ايش

و انا طايرة من الفرحة في احد يمدحني

و اسمع صرخة جاية من فوق و اصير ارجف

اليوم موتي لامحالة

اعرفها انا هالصرخة مرت علي من قبل

و اكلت ضرب ما اكله من قبلي احد

صرت ادعي ربي يعديها على خير

و اين المفر

مافي مفر لان امي وصلت بسرعه البرق

و تاخذني من ضفيرتي لفوق و انا ابي و اصرخ و ما في احد انقذني

رغم ان عماتي كلهم كانوا بالبيت بس ممكن خوفا من امي المعصبة

و تمسكني بذاك الشبشب البلاستيكي اللي صار صديقي الصدوق

و تضرب و تضرب و انا ابكي و اصرخ

و بعدين مسكت نفسي انا اعتبر من المجاهدين و الابطال لاني ساعدة في تفجير الثورة و محاربة العدو ههههه

مصدقة نفسي

و الله ذاك اليوم اكلت ضرب و الله ما انساه طول عمري







الموقف الثاني

هذا الموقف لخالي

لما كان صغير ممكن 12 سنة او اقل

كان بيت جدي مليان اولاد

خالاتي و خوالي 9 ما بين اولاد و بنات

و جدتي الله يرحمها لما تطبخ لازم تسوي كمية كبيرة

في يوم من الايام ....ههه المهم طلبوا الاولاد من جدتي تسوي لهم بيتزا

و هي الفرن اللي كان عندها صغير و ما يطبخ زين

فقررت تسويها و ترسلها مع خوالي للمخبزة

سوتها المسكينة و تعبت على ما خلصتها كانت مسويتها في صينية كبيرة بشكل مستطيل

يعني لازم ياخذونها اثنين من خوالي فاخذها خالي الكبير 12 سنة و الثاني 10 سنين

و نزلوا الدرج بسلام لانهم يسكنون في عمارة و في الطابق السادس بعد


و جدتي تناظرهم من الدريشة من فوق عشان تتطمن عليهم و المخبزة قريبة يعني شوي و يوصلون

المهم و هم يترنحون بمشيتهم بسبب ثقل الصينية و كانوا حاطينها على روسهم ... ما ادري كيف يفكرون هههههه

و تنقلب الصينية و تطيح في الارض

و هم من الرعب من جدتي الله يرحمها

حطو الصينية على الارض و اخذو العجينة اللي صارت كلها تراب و حجر و بالتاكيد فيها طماطم ههه

و عجنوها من جديد و بسطوها على الصينية

و لكم ان تتخيلوا الموقف و جدتي تناظرهم من فوق O_o

و لا يقول خالي انه اخذه للمخبزة و كله ثقة انه بيخبزها له

بس الخباز ما رضى و رجعوها للبيت و اكلوا احلى ضرب

و الحمد لله اللحين خوالي الاثنين عايشين و مافي اي اعاقات او تشوهات

و صاروا جدود و عندهم احفاد ههههه







موقف ثالث

ههه هذا الموقف حق اختي

كانت ممكن 14 سنة

كنا بالمطبخ و امي ماسكة وعاء و فيه باذنجان مقطع و واقفة قدام المقلاة وتقليه

و اختي تتكلم مع امي و ما ادري وش صار بس اختي قالت لها شي عصبها

و لفت الاخت ورا و خرجت من المطبخ بكل برود و كانها ماسوت شي

و ماتشوف الا باذنجانه تضرب الجدار و الثانية تلحقها و الثالثة بعد

و هي بكل غباء لفت لامي و تقول لها " ماما وش جاب الباذنجان هنا ممكن طاح لك و ما انتبهتي له "

ما ادري كيف تفكر يعني كيف الباذنجان عنده اجنحة يطير و لا ما ادري شنو

ههههه المهم ذاك اليوم ضحكت لين قلت بس

لان اختي ما فهمت وش اللي صار الا بعد مدة




هذي اهم الموقف اذا تذكرت بخبركم

يوه يااااخي اعجبتيني لااحساس ولاضمير متصفقه وعادي
مساكين خوالك لاهم اللي كلو وفوق كل ذا تصفقو
هههههههههه اما اختك عندي وحده زايه لا إله إلا الله تحسين
كذا يمشون بدون تفكير خخخخ

ههههههههه و المشكلة موقفي المحرج للحين عالق بذاكرتي
و امي تزيد علي
قبل اسابيع لما دخل ولد عمتي اللي شارك بالجريمة و اندلاع الثورة
لمحاربة العدو
دخل عشان يسلم
تقولي
تذكرين يوم انتي وفلان سويتوا كذا و تعيد لي القصة من اولها
و الكل يضحك علينا و انا شاركته بالضحك عشان ما انحرج
مسكين الولد انحرج و هو صاير خجول و على طول خرج من البيت
و من يومها للان مفقود ما جا ابد يقول وش حادني اصاحب هالخبلة في طفولتي
مسكين ماعاش طفولته بسببي

يمممة ع صديفك الصدوووق 😂😂😂😂😂😂😂😱 واضح انكم اصحاب من الصغر 😟🙅🏻 هههههههههههههههههههه وعن خوالك تخيلتهم وهم صغار يكسرو الخاااطر 😩😩 جدتك بعد عمري الله يرحمها يااااارب وعن اختك يمة من غباىها تشبه اختي بالغباء لا عاد وش جاب الباذنجانه هنا 😹😹😹😹😹😹😹😹👏👏👏