احب ولد خالي وابي اتزوجه وانا بعمر صغير

فترة مراهقة وتعدي
لا تنسي لكن تناسي
كلنا مرينا بهالمواقف وحبينا ناس مشاهير بعد ونبي نتزوجهم وخربطة والحين نضحك ع انفسنا <!
اهتمي بدراستك والله يزوجك الكفؤ الصالح سواء هاللي حبيتي او غيرو

كلمي المشرفات يحذفو

شوفي يااختي أنتي ما تحبين حب صادق أنتي تحاولين تحافيظ على نفسك مالقيتي الا ولد خالك قدمك الحين الحب صار موضه أنتبهي لنفسك الله يزوجك الزوج صالح لانك ماعندك أحد تنشغلين معه اشغلي نفسك اي شي لا تفكير فيه خليه زي أخوك و الله يرزقك اللي يستاهلك ❤❤

انا نفس عمرك وكنت نفس حالك
لكن الحين صرت اكرهه لدرجه لا تطاق
لمن عرفت عيوبه كررهته لايعرف سوق القهوه حتى الفنجال ما يعرف يمسكه 😂
ويكلم بنات ويروح امريكا ويتعرف ع بنات بنفس الكورس يكونو
وينزل الصور ع الانستا 😑
من زين ع الوجهه غرته اطول من غرتي 😂💔.
اذا تبين تنسيه لا تكلميهه ابد ولا تفكري فييهه اشغلي نفسك انا اشغلت نفسي بالمسلسلات التركيه و اشتغل بالاب تصاميم ورد دورات انجليزي وكذاا المهم انك تشغلي نفسك لدرجة ما تلاقي وقت لتفكير 🌸


ان شاء الله تقدري تنسيه وبعد كم سنه تذكري هذي الايام وتضحكي انا كل ما تذكر افطس ضحك 😂💔


بالتوفيق...

ممكن تقرين كلامي للاخير لانه بإذن الله راح يفيدك
كأنك تتكلمين عني بس اختلاف زمان ومكان وشخصيات ... انا مثل جيلك اكبر منك بسنة وعارفه هذي المرحله ...
نصيحه مني لك البنات فيهم غيرة حتى لو هي اختك او صديقة قريبة منك ،
فأنتي اسكتي ولا تتكلمين بهذا الموضوع ، والله العظيم انكم لو تتهاوشون على شيء تافه راح يعايرونك فيه قدام اهلك ويقولون اسكتي ياللي تحبين فلان ويلاه عاد جاك العيد وتحملي مايجيك ..
وغير كذا راح يبتزوك لو كانوا يبون تسوين لهم شيء ويذلونك ذل بهالسالفة وتشوفين !
اوهميهم انك تكرهينه او كرهتيه ولا تتكلمي فيه نهائياً واذا جابو طاريه سوي نفسك ماتسمعين....
انا طول عمري كانو يقولون اني لفلان من قرايبي وتعلقت فيه من صغري بس ماكنت اشوفه كثير الا بالمناسبات ولما خلص دراسه واشتغل امه خطبت له بنت عمي كبيره وقريب تتخرج ، بالبداية انقهرت لكن قلت ربي معوضني خير واحسن منه .
فكرت بموضوع الزواج وقلت لو انا مكان بنت عمي بروح لعيادات وصالونات واجهز خلطات وكل يوم سوق وحوسه وقروشة واتخيل انه خلص شهر العسل شيصير يبي كل يوم غداء وعشاء وفطور ويبيني اداريه واغسل ملابسه واكوي وانظف البيت واراعيه واحتياجاته وكل هذا وانا بهالعمر ليش هالشقى ؟
اكثر من وحده من صديقاتي بهذا العمر تزوجت اشوف حاله يقطع القلب
تشتكي لنا انها حامل وزوجها يبيها تشتغل وتطبخ وطالبين خدامه وماجت الى الان ولا يساعدها الا بشيء خفيف .. لا تعذبين نفسك وانتي لسى صغيره ...
وبالنسبة لو كنتي تكلمين شباب يابنت اتركيهم لمصلحتك حتى لو كلام عادي بينكم تري بكرا محد يطل في وجهك يقولون هذي رخيصة واكثر من شخص من الشباب يقولون انه مستحيل نتزوج بنت او احد يقرب لبنت كنا نكلمها او نحكي معها حتى لو كان كلام عادي ...
وتري حرام وحتى بالقران مايجوز الخضوع بالقول (فلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا )
وانتي اكتبي بقوقل حكم الحديث مع الرجال لغير حاجه وشوفي ايش يطلع لك ....
شوفي لو احتجتي شيء قولي لي واعتبريني مثل اختك الله يوفقك