نهاية هياط السنعه

صباح الخير شخباركم بنات زوجي معلمني السواقه وماشاء الله اسوق ممتاز وصرت اعرف كل شي بسيارة من عطال وخراب ومشاكل السياره له فتره يشكي من مشكله بسيارته عاد انا نطيت ابحث في قوقل وطلع حل المشكله واجيه وقلت ها وش صار على السياره زانت قال لا باقي واقول تدري ترا مشكلتها كيت وكيت وقال والله صادقه مانتبهت لشي هذا ويروح يصلحها وانا ماقلت له اني باحثه في قوقل والبارح جاني رساله بالقروب ان الي تسوي نفسها سنعه وشاطره تخسر زوجها وانه يبي وحده دلوعه وكيوت ماتعرف شي وقالوا لي عن قصه وحده قايمه بكل شي وفي الاخير راح زوجها تزوج وحده كسوله ويمدحها يقول ماحسيت بطعم الحياه الا معك وزوجتي الاولى ماحس ان فيها انوثه وانتي دلوعه وحسيت بانوثتك ونعومتك ويعجبني انك ماتعرفين كل شي زي زوجتي الاولى كنها رجال يعني على كلامه انه ماحس انها انثى يشوفها زي الرجال او تتحداه بالرجوله على حسب كلامه المهم بعد ماقريت السالفه في القروب انجلطت واااايييي ببككي خايفه زوجي شايفني سمكري ولا مكانيكي ياربي شلون ارجع انوثتي واسوي نفسي دلوعه ماعرف شي والله ندمت على الساعه الي هايطت فيها وقلت له مشكلة سيارته خايفه يشوفني كني رجال وافهم بسيارت ياليتني منطمه بس مجرد فضفضه