لي اربع شهور متزوجه تناقشت معاه قالي روحي اللي بيننا انتهى اي شهر مايرد علي

بنات ربي يخليكم ويحفظكم تكفون انا بحاله مايعلم فيها الا ربي لا اكل ولا اشرب بكا ودموع وصداع حاولت فيه اكلمه من بتدا رمضان حاظرني ف الجوال والثاني مايرد او يعطيني مشغول ارسل له 12 يوم اتوسل واترجاه وابكي واحاول عجزت عنه لدرجة اني ارسل تراه انا انام بمنومات ترى والله حرام اللي تسويه فيني تراني تعبانه حالتي مايعلم فيها الا ربي


بنات


هذا زوجي الثالث الاول جبت منه اطفال وكبرو عند ابوهم والحمدالله اشوفهم باستمرار وعايشين مبسوطين ولكن ابوهم متكفل فيهم
الثاني مابغتني زوجته
وطلقتني بمحاولاته
هذا احاول اني اعيش معاه رغم انه ظروفه الماديه صعبه فقيررر وعليه ديون وراضيه فيه


سبب مشاكلنا اني من رابع يوم طحت ف اوراق وشعر كاتبه بوحده قد بنته ف الثانوي يبكي على فراقها واكتشفت انه كان يساعدهم من صغرها هي واهلها وانهم محتاجين ولقيته يراسلها ويكلمها للان ولما واجهته قلت تزوجها قال لو ابيها اخذتها
انا مابغى بزران
واكتشفت مع مرور الايام انه راعي علاقات مع غيرها والكل له علاقه فيه واخرهن قبل سنه
ولكن مع كثر هواشي معاه زاد عناده لدرجه كم مره يخطي بأسمها قدامي
واذا قلت له روح لمها ليش تخطبني قال لو ابيها اخذتها
علاقتي بأهله جدا ممتازه بس قبل شهر اكتشفت انه بكلمها بالساعات وتهاوشت معاه
والصباح ارسلت للبنت وقلت لها وين اهلك عنك وتحسبت عليها وقلت لها انتي تراسلينه للمصلحه عشان فلوس وهو عارف بذا الشي
زوجي شاف الرسايل وغضب بس مابين وقال بكيفك ان شاء الله تموتون بعض
و في الليل وراني رساله منها ع الواتس كاتبه امسح رسايلي وصوري لو انا مثل بنتك
قال شوفي شكاتبه ان مابيننا شي ونفس الوقت قال انا زعلان منها ليش تعتبرني ابوها
هههه شي غريب!!
قلت له اجل وش تبغاها تعتبرك موتقول انا بس اساعدهم


المهم بعدها بشهر صار يروح كثير وينام ف مكان شغله عشان الشغل وقبل رمضان نمت لحالي ف البيت وهو ف شغله وادق عليه الظهر قلت له ليه ماحاولت تتصل فيني وتتاكد من سلامتي وتطمن علي نايمه لحالي انا مابصبر ماتحمل الوضع قال روحي بيت اهلك قلت شتقصد ماتبغاني قال روحي لبيت اهلك اللي بيننا انتهى وتراني بحطر اتصالاتك