اللي عندها أطفال تدخل..

صغار مره
شغلي لهم المسجل قرآن على طول عشان يهدون شوي
وانتي اصبري كمان
زي اعمار أولادي
اذا انتي مغيرة لهم البامبرز وأكلو خليهم يبكون ماراح يضرهم
انا مره سمعت دكتور نفسي يقول هالكلام يبكي ساعه ساعتين بعدين يسكت
الله يعينك وياجرك عليهم

حبيبتي معليش كلهم كدا يتعبو الله يحفظهم ويصلحهم
دحين الكبيرة سنتين يعني ابدأي استخدمي معاها الnaughty chair كرسي العقاب او درجة العقاب
ومرة لا تقولي صغيرة وتحزني عليها وتتهاوني حتكبر وتصير شيطانة وكريهة وتجيبلك الهرج امس قريت موضوع البنت 7 سنين ويقولو صغيرة حرام مدري كيف كدا وهيا مفروض تتآمر بالصلاة في دا السن !!!


المهم
ازا مثلا قولتيلها لا تقفلي الباب وما سمعت على طول خديها وحطيها في الكرسي دا او ع الدرج وقوليلها اقعدي هنا انتي معاقبة وازا قامت رجعيها


كل ما تقوم رجعيها ان شاء الله تقوم 10 مرات لا تستسلمي رجعيها لغاية ما هي تتعب وخليها دقيقتين لانو عمرها سنتين على كل سنة دقيقة


بعد ما تخلص الدقيقتين روحي عندها وانزلي لمستواها وطالعي في عيونها وخليكي جادة وقوليلها انتي تعرفي ليه انتي هنا
وفهميها غلطها عشين عملتي كزا وكزا بعدها خليها تعتذرلك لو ما رضيت امشي وسيبيها كمان دقيقتين وارجعي لها قوليلها ها عرفتي غلطك دحين وحتعتذري !
لا تخليها تروح لما تعتذر


حتسمعيها تبكي وحتصرخ وترفس وتحسي قلبك يتقطع عليها نفسك تشيليها خلاص وتضعفي بس لا امسكي نفسك حتى لو حالي روحي ابكي في الحمام لا تخلي الطفل يعرف انو يقدر يتحكم فيكي ويلعب باعصابك


الحمام خليها طول اليوم بدون حفاضة وكل ساعتين لتلاتة ساعات وديها الحمام الله يكرمك ورشي لها موية واقعدو شوية اتحكو حتحفزيها انها تعمل وكل شوية اساليها في شي !


لما تنام وتدخل في النوم لبسيها حفوضة وحاولي قد ماتقدري تصحي كل كم ساعة توديها الحمام


هوا صعب صح لكن مو مستحيل ماما تقولي انتي وأختك من سنة وستة شهور خلاص علمتكم حمام حتتعبي شوية لكن التربية كلها كدا مو سهلة


النوم كمان نوميهم بسررهم وخليكي جنبهم لغاية ما ينامو روحي وازا صحيت وحدة وبكيت لو ايش لا تشيليها معليش خلي الجيران تنزعج شوي بس طبطبي عليها بسريرها وخليكي جنبهم وخلي الباب شوية مفتوح والنور كمان حيتعودو


الصغيرة طبعا ما تقدري تتفاهمي معاها مرة بس ابدأي معاها من بدري في موضوع النوم وازا بكيت مثلا تبغى شي تتدلع عليكي لا تستجيبيي خليها تبكي شوية وتسكت


موضوع اللعب جيبي لهم المحبس الكبير وحطي في ألعابهم ولو كنت تفتحي لهم التلفزيون حطيه قدامهم وروحي حتى ازا بكيو طنشي


انتي عارفة انهم بيبكو دلع يعني مو جوعانين ولا في شي يوجههم خلاص


والله يخليهم ويحميهم وتفرحي فيهم يارب

وتذكري كلام الرسول صلى الله عليه وسلم من عال جاريتين حتى تكبرا كن له وجاء من النار

ياقلبي لا تتعبين نفسك وتعلميها الحمام خليها ع البامبرز لغاية ما تكبر اختها شوي وخليهم يتعلمو مع بعض لانهم راح يحسو بالغيره ويتنافسو وانتي الكسبانه اما الازعاج لابد لانهم ورا بعض وعمر صغير اذا دخلتي المطبخ نيمي الصغيره والكبيره خليها عندك واشغليها باي شي وسولفي معاها وانتي تشتغلي حاولي ما تحطيهم في السرير الا وهم خلاااااص هلكانين عشان ينامو على طول ولازم تطولي بالك وتأكدي انها فتره وبتعدي ان شالله وبتصير كلها ذكريات

والله عندي معلومات كثيره وروعه عن الاطفال
عاد انا اعشق القراءه واشتري كتب لاجانب عن التربيه وطبعا مترجمه،،، بس مايسعفني الوقت لاكتبها


المهم فيها عقل الطفل مايتعامل مع كلمة لا واذا قلتيها بالجمله العقل يحذفها
مثلا لا تلعبي في هنا تلاقيها طوالي تلعب في نفس المكان
لا تشربي في هالكوب تلاقيها تشرب فيه ليش لان عقلهم يحذف كلمة لا تصير الجمله عندهم (( اشربي في هالكوب )) ولا حظي هذا الشي فيهم
لكذاك الاوامر لا استخدمي النفي فيها أأمريها بالشي اللي تبغينه
مثلا بدال لا تاكلي بيدك اليسار ع طول قولي كلي بيدك اليمين ،،، وهكذا بصراحه تعبت وانا اتعامل بهالطريقه مع اولادي لاني لقيت اننا متعودين ع اوامر النفي نركز على الشي اللي مانبغاه يصير
وننسى الشي الاساسي ،،
لي عوده