مشورتكم بنات لو كنتم بمكاني لاسمح الله وش تصلحون؟

السلام عليكم والرحمة...


صار لي موقف اليوم مع السي محروس زوجي


أمس طلبته السوق عشان أشتري لولدي الصغير غيارات السوق إلي طلبته زي الهرم وأخذت كذا غرض من ضمنها جلابية أشتريتها لي أستقبال لأني عارفة أن عيدي بيكون إستقبال ضيوف أمه الله ياخذها طبعاً نزلت السوق وحدي وأتصلت عليه وقلت له اني خلصت تعال حاسب
(((لي موضوع سابق عن سالفة غرفة بناتي من بعدها أقنعته أمه أني أتمنن عليه من بعدها الحمدلله جاه حماس يشتري لعياله وشغلات بسيطة للبيت قلت زين جاء منها خير خلته يشتري لعياله بس تعايرني كل أشوي اني اتمنن عليه بصرف النظر عن قطة وجهها علينا)))
المهم آسفة طلعت برا السالفة بس عشان أفضفض
أكمل موقفي ...وجاء ماقصر وشاف أغراضي تفصفصها قطعة قطعة لين وصل عند جلابيتي قال :هذي لمن
قلت :لي
قال :ليه ووو الدولاب مليان قلت معليش أعتبرها كسوة العيد أبغاها أستقبال قلت يمكن يتحمس ويحس أني بجمل أمه
قال:بكم ....قلت 150ريال
طبعاً سكت وكمل تصفية الأغراض وراح عند المحاسب وحاسب على أغراض العيال ورمى جلابيتي ماحاسب عليها ومشى برا السوق
طبعاً ورانا ناس وقدامنا ناس والسوق زحمة
أخذتها وأشتريتها من بعده عشان نفسي فيها
طبعاً الفلوس أعطاني أبوي الله لايحرمني منه .....آمين
ومشيت للسيارة عالصامت وحطيتها المرتبه الخلفية وهو ولا كلمة واشوي اشوي لين صلح لي مشكلة ويسبسب وأنا بصراحة ماقصرت معه عطيته حقه من الكلام
ولما وصلت البيت قابلت أمه وعلمتها بحركة ولدها قالت عادي ماسوا شيء قدري ظروفه وأصبري


بنات والله فيني رغبة أنتقم منه ومن أمه دايما تشجعه على الخطأ وإذا صار بيننا مشكلة تنبسط مره ويبين عليها الفرحة
أتعبني الموضوع مابي أمشيه له رحت قلت له بعدين زهقت وأنغثيت من أهلك قال بكل بساطة روحي بيت أهلك ولا أقعدي وأنتي ساكتة
على فكرة سبق وصلح معي نفس الحركة نزلت أنا وأمه السوق وحاسب على مشترياتها ومشى معها للسيارة وألحقه يحاسب مشترياتي قال مالي دخل حتى الأغراض كانت لعياله وركبت معه السيارة واكلمه ليش كذا وليش تخليني أروح وأتعب ووو
وهي ماغير تقولي الحمدلله تهاوشين عشان ملابس وخير أن شاء ووو وتنكت مع ولدها ويضحكون وأنا أحترقت


حسبي الله عليها وعلى ولدها