بلاش نفسيات ولا عاد تضربون عيالكم عقدتوهم .

السلام عليكم ورحمة الله .
بنات قررأت أكثر من موضوع يشتكون فيها من تصرفات أطفالهم السيئه فبعض الردود رفعو ضغطي ماعندهم غيير الخيزرانه واضربيها لين تعض الارض بغيت أرد على صاحبة الموضوع وغيرت رأيي قلت أنزل موضوع وأشوف ردودكم الحلوه وعلى فكره الموضوع للنقاش والسوالف مو للهواش وأتقبل النقد بصدر رحب على شرط الرد باحترام وذوق
موضوعي هو انه بصراحه أستغرب من الي يضربون والي تقول الخيزرانه واذا كبرت بنتها أو ولدها وصارت ماتسمع كلامها وتمردت عليها قالت ماقصرت معكم ماقصرتي بالضرب والله والضرب على أي شي يعتبر اهانه للطفل وكسر لنفسه وتحطيم لشخصيته ترى الطفل ماينسى أبدا أنا ماأقول لاتربون عيالكم لا التربيه واجبه بس فيه طرق ثانيه غير الضرب تعزز شخصيتهم وتقويها الحين ليه نشوف أطفال ماشاء الله ذكي ويسولف ومايخاف من الناس ومع ذالك مؤدب ياكل بأدب ويتصرف بأدب وأي شي يبغاه يقول لأمه واذا قالت لا خلاص جلس عاقل وفيه أطفال العكس بسم الله علينا يكسر ويخرب وامه ماغير وراه أنواع التكفيخ ولا يفيد فيه يبكي ويمسح دموعه ويرجع يكسر ويخرب ليش لأن طريقة تربية كل واحد منهم مختلفه الأول ماانضرب أو ينضرب على خفيف وبموقف يستحق الضرب والثاني مسكين من كثر ماينضرب صار عادي عنده تعود عليه فنصيييييييحه اتبعو طرق تربيه حديثه ولاتطلعون لنا أجيال متخلفه وهمجيه .

105 تعليق 13,004 مشاهدة

شاركي في النقاش

سجلي الدخول لإضافة تعليق.

التعليقات

101
  1. اهلينا زمان انضربو من اهاليهم وماشاء الله عنهم فتحو بيوت وربو اجيال اش زينها وهم لايعرفون يقرون ويكتبون ولايعرفون اساليب التربيه الحديثه هههههههه
    والاسلام امر بضرب لعشر لو الضرب يحطم ماامر فيه رسول الله صل الله عليه وسلم
    والله ماخرب الجيل دحينه وطلع لناعيال وبنات اللهم لاشماته الا الدلع والاساليب الي تقولو عنها وجهة نظر
  2. @karayl0

    بتجيك الي تقول انضربنا ولا صار لنا شي😈
    انا عيالي مااضربهم بس ابوهم الله يهديه
    لاني ماتربيت ع ضرب ولا احد ضربنا عكسه هو عمتي الله يهديها عصبيه وهو صار نفسها
  3. @shab4_1

    والله رأيي في مواقف يستحق فيها الطفل الضرب لكن مو مبرح
    ومتى نوصل للمرحلة هذي مو من أول غلط لا اذا الطفل عاند بزيادة ولا وقف من الخطأ ..هذا بالنسبة لي..
    بس اني أشوف موقف خطأ ويكرره ويعاند..وأقوله لا ياحبيبي هذا خطأ واتركه لا..
    انا مع الضرب في حالة الشقاوة لكن مو مع الضرب المبرح..
    انا أقول لكل أم تضرب بشكل مستمر وقوي..اول شي تعوذي من الشيطان ثاني شي ابدأي بأذنه افرصيه ..هذي المنطقة ماتآذي الطفل كثير الا تريحه ويمكن يهدأ وفي نفس الوقت بيعتبره عقاب...اما ضرب عالوجه والراس وقرص في جسمه بشكل يترك أكثر..أقول هنا نفس كلام الأخت ..انه بيتعود عالضرب ويستمر في شقاوته...
    وشكرا صاحبة الموضوع ..
  4. @karayl0

    مشتاقه لشوفة أبوها
    اهلينا زمان انضربو من اهاليهم وماشاء الله عنهم فتحو بيوت وربو اجيال اش زينها وهم لايعرفون يقرون ويكتبون ولايعرفون اساليب التربيه الحديثه هههههههه والاسلام امر بضرب لعشر لو الضرب يحطم ماامر فيه رسول الله صل الله عليه وسلم والله ماخرب الجيل…
    مو المشكله في فتح البيوت المشكله كيف طلعوا جيل مع احترامي بس شوفي كيف العرب متأخرين وغير الارهاب
    وشوفي الغرب الي مايضربوا كيف طلع جيلهم انساني ويحب الحياه
    وجهه نظرك احترمها بس حبيت ارد 🙈
  5. أنا صاحبة الرد الا كتبت فيه ضربتها لين عضت الأرض
    والله يا اختي اتبعت معها كل اسلوب حلو
    وهي عمرها خمس سنوات وتفهههم
    وكل ما جلسنا فصخت كل ملابسها وهي مو صغيرة
    بالله هاذي كيف يأدبونها؟؟
    عجزت منها بالحب ووعدتها بهدايا واذا سمعت الكلام كم يوم وجبت الهدية لها ترجع تفصخ ملابسها
    ما فاد فيها الا الضرب
    من لما ضربتها خافت تفصخ ملابسها والآن لها قريب السنة تعودت خلاص تلبس ملابسها ونست الضرب
    الضرب مو دائما سيئ أحيانا يكون حل
    وأهالينا ضربونا لين قلنا آمين والله اني كنت أخاف وارتدعت عن أمور كثيرة
    وهذاني اليوم مافيني الا العافية
    جامعية واجتماعية وعندي صديقات ولا أثر فيني ضربهم
    الا أدبني عن الغلط

تابعي تجارب أخرى من هذا القسم.