وش ردة الفعل المناسبه شيرو علي يا الزوجات الاولات زوجي اضنه بيتزوج

الله يشفيك ويعافيك



اول شي بقولك هل تعامله معك بهذه الطريقه من بدايه زوااجكم

وكم عيالك واعمارهم

الشغاله كم لك جايبتها ووش جنسيتها

وهل انتي تدعين ربك كل صباح ومساء ان الله يكفيك شرها ويطعمك خيرها

وهل دعيتي بهذا الدعاء واتكلتي عليه افوض امري الى الله ان الله بصير بالعباد وكذالك اليس الله بكاف عبده




ربي يفرج همك ويسعدك ويشفيك ويحفظكم جميعا من كل مكروه ياكريم

الحمدلله على سلامتك
والله يقويك يا رب
اعجبتني استقلاليتك واعتمادك على نفسك
والحفاظ على كبريائك واستغنائك عنه
أعجبت فيك جدا
وفي نفس الوقت حزنت
لابد رجل البيت هو من يتكفل بمصاريف البيت واهله
حالتكم تعارض الفطرة الإنسانية
صحيح اني أعجبت فيك وفوق كذا تمنيت اكون مثلك
بس المشكلة في حالتك المرأة ماراح تشعر بأنوثتها
وانا انسانة أحب اشعر بأنوثتي بقوة
فما تناسبني وضع المرأة تعمل وتكدح وتصرف مثل الرجل وزوجها كأنه واحد من عيالها
على كذا معناته انتي تصرفين على زوجك حتى؟ وزوجك فلوسه وين يوديها؟ ومدير مؤسسات؟ ماحس بالنقص برجولته يوم يشوف محتلة مكانه؟ وين كرامته .. وين كبرياؤه؟

وبعدين وش هالتناقض بخيل بمصاريف البيت واخر شي يطيرهم بالمهر بزواج ثاني!

الله يفرج همك ويعوضك وياجرك على صبرك
وكل عام وانتي بخير حبيبتي
ينعاد عليك وانتي سعيدة ومرتاحة

بس وش معنى جملته مافهمتها هههههههه ارخي يدس تراس شايله يدس مره؟

صدقيني ماتدرين وين الخيره فيه
اعرف وحده تقول صار احسن من اول بالتعامل والصرف ليته متزوج من زمان
فتره يستانس وبعدين يرجع لك
بالنسبه للي يقولون ليش تصبرين وتضحين ووو
استغرب بصراحه اجل وش الحل تطلق وتضيع عيالها
عشانه تزوج اجل لو مسوي شي حرام وش بتسوي
معليش يعني حنا غالبا مطلقه ومعك اطفال بتاخذ معدد وتدخل دوامه مالها اخر
الله يوفقك ويسهل امرك وماتدرين يمكن يهون