شاركي في النقاش

سجلي الدخول لإضافة تعليق.

التعليقات

12
  1. صاحبة الموضوع
    نسيم الود مشكوره عزيزتي
    خميرة فورية مشكوره عزيزتي وبصراحة اسمك حلو (خميرة فوريه)من اسمك واضحه خفة دمك
    وجزاكم الله خير فرجتو همي الله يفرج همكم
  2. @am_alhl_klh_1

    انتي في بدايه حياه زوجيه وخذي مني هالنصيحه وادعي لي بان يجعلني من اهل الجنه يارب وادعي لابوي الله يرحمه

    حبيبتي يمكن انا اصغر منك لكن افهم منك بحكم اني قبلك في الزواج

    اي شي اشي انا اعمم اي شي يصير بينك وبين زوجك من مشاكل وسء فهم واللذي منه عدا الضرب الا اذا بسرعه اعتذر وشفتي الندم بوجهه وعيونه وتصرفاته
    لاتقوليه لامك ليه انا اقول لك ليه
    لان انتي وزوجك راح تتراضون وتصيرون سمن على عسل (دوم ان شاء الله )
    وامك راح تصير شايله عليه طول عمرها وهالشي الوحيد اللي راح تستفيدينه ان امك تكون شايله عليه وماخذه في خاطرها وغير كذا تتعبيها وتهميها

    اتمنى اكون صح
  3. @star1_uae

    moon1985_7
    نسيم الود مشكوره عزيزتي خميرة فورية مشكوره عزيزتي وبصراحة اسمك حلو (خميرة فوريه)من اسمك واضحه خفة دمك وجزاكم الله خير فرجتو همي الله يفرج همكم
    السلام عليكم ورحمة الله وبركاته

    الف مبروك الف مبروك :icon28: :icon28: جمعكم الله على خير ان شاءالله :)

    حبيبتي اللي قاله ريلج شي عادي معظم المتزوجات أزواجهم يحذرونهم من نقل الأشياء الخاصه عن حياتهم للناس وبالذات المقربين .. انا زوجي حتى الأشياء العاديه مايحبني أقولها حق أحد يعني وين رحنا ولا شو شرينا تخيلي... و معظم الشباب قبل الزواج يكون خايف من تدخل أهل البنت وهذا من كلام الناس والتلفزيون بث هل أفكار بس مع الإيام يصير الموضوع عادي ... بس أهم شي انك ماتشدين معه على كل شي وكل ما قال شي قولي ان شاءالله وحتى لو مب عاجبج بس مع الأيام حوريه بأسلوب حلو وهادي ودعي ربي يسخره لج ... فكرة الطلاق لاتعيدينها .. ولاتكررينها جدامه وايد تره مع الأيام بيتعود عليها وبعدين تصير سهله عنده ...

    وأمج لاتقولين لها أي شي يقوله ريلج عنها أو عن أي أحد من أهلج وبالذات أذا كانتي زعلانه الأنه بكلامج هذا أتعبينها وهي تظل متضايقه وتفكر فيج وتحاتيج و بعدين باتكره ريلج ... ,انتي وزوجك راح ترجعون سمن على عسل بس هي بتظل متضايقه وبخاطرها على زوجك ..
  4. @saaodyh_mn_klb

    هلا بعروستنا الغاليه

    شوفي حبيبتي البنات ما قصرو وانا اضيف على كلامهم حاجه وهي ان الرجل اول ايام الزواج وخاصه

    السنه الاولى يكون حساس شوي علشانها مرحله جديده ويكون عنده بعض الاوامر والاقتراحات

    الخاصه فيه لكن بعدين بيتغير وبيتنازل عن اشياء كثيره كان متمسك فيها ايام الزواج

    فأنتي لا تكبرين الموضوع واهم شيء لا ثم لا ثم لا ثم لا ثم لا تقولين لامك اي شيء من الي يصير

    بينكم الا للضروره القصوى

    والله يسعدك مع زوجك
  5. @aayon_saad




    وش رأيك؟؟

    أنه أنا اللي تهاوشت معه بداية زواجنا ، على أساس انه غرفة النوم ما يدخلها أحد ، و الأخ ما شاء الله عليه ما خلى أحد الا و سحبه يوريه غرفة النوم ، خواته و أخوانه و عماته و خالاته ، أخرتها تنرفزت عليه ، و قلت له: ما بقى الا الجيران ن وش رأيك تعزمهم بعد و توريهم غرفتنا !!!!


    بقولك شعوري يمكن يكون نفس شعور زوجك ، انا لما أشوفه سحب أحد و مدخله الغرفة أحس بالقهر ليش يسوي كذا لانه غرفة النوم فيها أسرار و خصوصية المفروض انها ما تطلع من بابه ، و لما أحد غير الزوجين يدخل أحس انه أشترك معهم في هذه الخصوصية و الاسرار ، و انا وش عرفني أنه ما يتخيل وش نسوي في الغرفة و يجلس يخمن بعد ، و بعدين انا مهوب في كل مرة بخبي أغراضي الخاصة ....

    و زوجك أبدا ما يكره أمك لانه ما قال لك أمك و بس قال حتى أمه يعني هو بعد يكره أمه ، أنا بصراحة أحترم رأيه و أهنيك فيه ماشاء الله معطي قيمة لخصوصيتكم حتى لو كان في غرفة النوم...

    و بقولك حاجة جدي الله يرحمه كان شيخ معروف و لما جيت أسلم عليه و انا عروس مسكني على جنب و قال: شوفي يا بنتي نصيحة مني لا تدخلين أي حرمة غرفتك مهما كان ... و كنت مستحية ذاك الوقت فما سألت ليه؟؟؟ فأنا أنقل لك نصيحته...

    و حكاية تعلقك بأمك و انه يغار من الحاجة هاذي ، فهو شيء طبيعي لانه الوقت هاذي يحس انه أمتلك فيبغاك له كلك ، فأنتي سوي زيي ، أنا جدا متعلقه في أبوي و كنت قبل أنرفزه بدون ما أقصد اذا تكلمنا في أبوي كنت أقول: كله و لا أبوي هذا فوق ما أحد يقرب منه ، و أحبه حب ما أحد يوصل له ، فيقول حتى أنا ؟؟؟ و انا أرد عليه بسذاجة حتى انت أسمح لي ... فكان مرة يغار و يتضايق..

    بس بعدين كبرت شوي و صرت أعقل و أفهم فلما كان يفتح سيرة عن أبوي كان يسألني من تحبين أكثر ، فكنت أقول له حبي لأبوي غير و حبي لك غير و انا ما أحاول أبدا أحط بينكم أي مقارنة لانه كل واحد مختلف عن الثاني ، و انت أكيد متفهم حبي لأبوي كيف ، بحبك لأبوك ، و من الايام عاشرت أبوي و عرفته و اتوقع طيبته و حنانه خلاك انت تحبه ،، قال أكيد ... و من بعدها أبدا ما صار يسألني بالعكس أحس انه صار يحب أبوي كثير و أحيانا يدافع عنه في أكثر حوارتنا...

    فأنت ما عليك الا ان تحببيه في أمك ، و تحاولي انك ما تظهري تعلقك فيها قدامه ، و لا تنسي انك تحاول تطيبي خاطر أمك لانه أحس انها زعلت من كلام زوجك و ممكن تشيل عليه حتى لو نسيتي انتي هي ما راح تنسى و ممكن يتعبك الشيء هي بعدين ، يعني حاول تصلحين الموقف و تحسنين صورة زوجك قدامها مهوب من أولها كذا...

    و بعدين مهوب كل حاجة تصير أو يقولها زوجك تنقليها لأمك ، خلاص انتي أستقليت عنها و صارت لك حياتك الخاصة الا انتي المسئوؤلة الاولى و الاخيرة عنها ، و هذا اللي ينتظره منك زوجك فكون عند حسن ظنه ...


    و الله يوفقكم و يسخركم لبعض و يبعد عنكم كل شر....

تابعي تجارب أخرى من هذا القسم.