تابع قصة طليقي ووفاة زوجي الثاني

توي قرأت الموضوع الاول هذا الرابط


https://www.hawaaworld.com/showthread.php?t=454304...


مدري احسه لعاب وماتغير فيه شي ابو طبيع مايغير طبعه متسرع ونفسيه ولا فيه ذره من الندم او رغبه جديه في الاصلاح


اذا قربتي منه ورضيتي يقوم هو يقلب ويطنقر وش معناها وتفسيرها هالحركه ؟

وانا بصراحه اعتب على امك انها كانت متواصله معاه بإستمرار على غير سنع ترى حتى هي مايحل لها ولا يجوز تتواصل معه واذا العذر والحجه ولده يروح يتواصل مع الرجال ليش ناشب للنسوان لاقي منهم ريق حلو وتعاطف وانكسار وجالس يلعب عليكم .

نصيحه يا اختي كلمي امك تقطع التواصل ووضحي لها الحلال والحرام يمكن ماتدري وتعتبره مثل ولدها .

واللي حسيته ان فيه طبع النسوان ماغير منسدح ع الجوال ويكتب ويسولف مثل الحريم !!

يعني اللي حاصل مجرد هرج فاضي مافي جديه ولا مصداقيه والدليل بيعطيك مهر ثم يبيك ترجعينه يلعب على مين ؟؟!!

اذا قررتي ترجعين لا ترجعين ضعيفه ومنكسره ولا ترجعين مثل ماكنتي ارجعي معززه مكرمه والمهر قولي له من حقي ولا راح ارجع منه شي وحطي شروطك اللي تضمن لك حياتك ومستقبلك وكوني حازمه فيها

والله اذا كان جاد في الرجعه بيبذل مجهوده ويحط اللي وراه وقدامه عشان حياته تستمر وتستقر

لكن واضح المكتوب من عنوانه بيعطيك مهر وبياخذه اجل من البدايه يقول ما اقدر ليش التلاعب والكذب ( ما الومك يوم قلتيها بوجهه كذاب )

ويوم وافقتي على الرجعه طنقر وانحاش مثل النسوان يبكي على الاطلال ويكتب توبيكات ويحط صور شوفوني انا مسكين اكسر الخاطر انا مظلوم !!!!

لانه عارف امك تشوفه وانتي تشوفينه بالواتساب وعارف انكم يالحريم قلوبكم رهيفه وتتعاطفون بسرعه وجالس يطقطق ويلعب بمشاعركم

اجلسي فكري اذا حابه تعطين نفسك وطفلك فرصه عشان ماتندمين بالمستقبل استخيري واستشيري وادعي الله يكتب لك الخير والتوفيق

ومثل ماقلت رجوعك لا يكون بضعف وخنوع وخضوع ارجعي بشجاعه وقوه في الحق والصدق وعلى ربي التوفيق

واذا طلق ولا فرط فيك وهو عارف ان باقي طلقه وحده فصدقيني ماعليه حسافه وضميرك بيكون مرتاح






















.

لا مو حرام امها تتواصل معه. لأنه محرم لها من تزوج بنتها ولايزال محرم...

ردودك صحيحة وبمحلها
بس اللي غاب عنك ان امها تحل ليه ليوم الدين
زوج البنت وزوجة الولد يصيرو محرمين عالام والاب طول العمر
حتى لو تم طلاقهم

وش ذا الهجوم الله يهديكم .... افهموا اول ..
في العجلة الندامة

توي ادري واول مره اسمع ان الطليق يكون محرم لام الطليقه الى الابد
بحثت وسمعت فتوى لمحمد بن عثيمين نفس ردك .

بس انا اشوف البنت متضرره كثير من هذا التواصل حتى هي ماودها ان امها تتواصل معه
الله يكون عنها ويكتب لها اللي فيه الخير