لقيمات اللبن والنتيجه بالصور تعالو اقولكم :)

انا اليوم جربت لقيمات اللبن ... لاني شفت طرق كثيره فيها العجن باللبن بدل الماء

وكانت هذى النتيجه مثل ما شفتوها بالصور




وسويت مقادير قليله حتى اشوف النتيجه

2 كاس دقيق هوم بريد الكيس الازرق

ا م وسط خميره مذوبه في ربع كاس ماء دافي مع م وسط سكر

ولبن دافي استعملت لبن البيت :42: ... يعني تاخذين مقدار كاسين وتخلينهم بره يدفون في جو المطبخ

و 3 ملاعق نشا





الطريقه :

نخلط المقادير مع بعض لما تتكون عندنا عجينه متجانسه وسائله نوعا ما ... مو شرط تستعملين الكاسين اللبن كله .... صبي على العجينه اشوي اشوي حتى تتجانس معاج

وخليتها تخمر لمدة ساعه الا ربع .... بعد تغطيتها طبعا وحطيتها في مكان دافي

صبيتها في الزيت الغزير والحار ... وعلى نار هاديه صرت احرك فيها وكانت هذى النتيجه




وطعمها لذيذ مابين الحموضه والحلو ( مابين اللبن والشيره )

ومثل ما شايفين تطلع مقرمشه من الخارج وعجينه من الداخل

وبالاخر ممكن ترشين عليها هيل ناعم او سمسم

وبالعافيه

ملاحظات :

انا صورت لكم اللقيمات من الداخل حتى تعرفون ان هالطريقه تكون عجين من الداخل وفي ناس تحبها بالشكل هذا يعني الناس اذواق

بس والله طعم العجين حلوووووو لان فيه حموضة اللبن

الملاحظه الثانيه النشا يخليها مقرمشه اشوي ولذلك هو مهم بالوصفه ... لاني جربت اول صب من العجينه بدون نشا واطلعت لينه جداااااااا ... وبعدها اضفت عليها النشا

لما تصبينها خليها بالمصفى خمس دقايق وبعدين حطيها بالشيره وخليها اشوي وبعدها صفيها .... وترى الشيره مهم يا بنات تكون مضبوطه لان اذا ماكانت مضبوطه راح تخرب اللقيمات ... وهذى ملاحظه مهمه انتبهو لها .... ولا تغطيييين اللقيمات حتى تبرد تماما تماماااااااا

والطحين هذى صورته وتراني اول مره اجربه ... راح اجرب نفس الطريقه على الطحين العادي واشوف الفرق بينهم



وهذى طريقتي الاولى في اللقيمات

http://archive.hawaaworld.com/showthread.php?t=236477

:42:

53 تعليق 40,834 مشاهدة

شاركي في النقاش

سجلي الدخول لإضافة تعليق.

التعليقات

51
  1. @ghrom_1




    الله يعطيج العافية وهذا مو غريب عليج يالغالية دوم فنانة تبارك الرحمن :27: ..

    بي عندي سؤال يسدح نفسه بنفسه :42: : مو جنها وايد عجين من داخل :confused: ولا أنا يتهيألي من التصوير :confused- ..

    وطعمها أحلى ولا لقيماتج الأولية أحلى ، لاني معتمدتها عندي وأنت اذا قالتي شي يتنفذ لانج ثـــــــقة :22:..

    وكل عام وانت بخير يالغلا..


  2. @am_aazyzan

    صاحبة الموضوع
    غرووووووومه

    هلا وغلاااااا

    شوفي الناس اذواق ماهم واحد

    في ناس تحبها عجين

    وفي ناس تحبها مقرمشه على الاخر

    وهي فعلا عجين بس عجينتها طعهمها حلو

    وعشان جذيه انا صورتها من الداخل لان في ناس تحبها بهذا الشكل

    وانتي جربيها واحكمي بنفسج جربي كاس واحد طحين :)

    لان الاولى اكيد احلىىى بس هذى هم حلوه

    :26:

تابعي تجارب أخرى من هذا القسم.