بنتي عروس ومااعرف ايش اخد لها

السلام عليكم ورحمة الله
يابنات الله يجزاها خير من تساعدني والله لادعيلها من قلبي
والله اني بحوسه مايعلم بها الا ربي
بنتي عروس وماني داريه ايش اخد لها من عطور وبخور
يعني عطر يوم العرس ايش اسوي لها بالضبط وبعدين ايش اخد لها من عطور في جهازها
ثانيا اسمع عن زهور الريف ونكتار وبودي شوب واجمل والرصاصي ايش اخد لها ايش تنصحوني بالله يابنات لا تسيبوني وشوي شوي عشان افهم ومااتلخبط ابي اطلع بكرة واخلص من دا الهم وعرسها بعد العيد مابقى شي واني شي واحد مااخدت
وجزاكم الله خير
كتبت الموضوع في ركن العطور محد عبرني اسفة

75 تعليق 16,918 مشاهدة

شاركي في النقاش

سجلي الدخول لإضافة تعليق.

التعليقات

71
  1. @kn_ant

    ليلة الزواج خوذي لها عطر شانيل كوكو ولا تشانس عطر كلاسيكي ومايقدم
    والبخور روحي للماجد وخوذي من الي الاوقية ب 300 على قد حاجتها وهذا بخور البيت مره ممتاز
    ولها هي خوذي من ابو 500 اوقيه وحده وخليها تكسرها صغار هذي تبخر فيها شعرها وملابسها ثابت وممتاز
    وخوذي لها علبة معمول للبيت
    وخوذي لها تولة مسك ابيض ((مسك العروس)) وتولة دهن عود من عبد الصمد القرشي

    اما باقي العطور فيه نارسيسو مره ممتاز وريحته راقيه
    فيه عطر فالنتينو اسمه فالنتينا مره جميل
    فيه عطر بربري الطويل نسيت اسمه ثاااابت وتحسينه فعلا ريحة عروسة

    نكتار وزهور الريف وبودي شوب انا افضل زهور الريف خوذي منهم مجموعة اللافندر كاملة
    احسها خفيفة وظريفة

    اذا تبين عطور مميزة اشتري من لادور في برج رافال عندهم عطور حصرية بالسعودية بالمره تعجبني بس غاااااليه

    الله يوفقها يارب

    دعواتك
  2. @fsol_alard

    وين البنت ليش ما تختار هي بنفسها نصيحه لكل امى روحي انت وبنتك السوق خليها كذا شوي بعيده تختار كم قطعه وكم عطر من نفسها عشان تتعود تفك عنك وتختار بنفسها وعشان كمان اذا نفسها في لباس معين ومستحيه تاخذه
  3. @latlomonh1436

    زهورالريف افضل خليها تاخذ طقم1 كامل من لوشن وعطر جسم وملابس وخمريه وتوابعها
    2/ومن القرشي تولته مسك الختام وتولة الورد الطايفي.
    .........................
    لاتكثر عطورات من الغاليه لانهااا بتخرب مع الحر.
    وتروح لمكياجي وتشتري من عطوراتهم الصغيره كذا واحد لتغيير.فقط.
    خلي مهرهاا اغلبه بذهب افضل لهاااا.
  4. @ashrak_aml_146

    كم عمرها بنتك ؟؟ غريبه والله الحين البنت هي تجهز نفسها
    اهم شي خليها تشيل جسمها ليزر :)
    وتعتني فيه بالمرطبات وكريم التفتيح
    العطورات على حسب ذوقها اللى قالوا عنها البنت يمكن ماتعجبها كل بنت لها ذوق مختلف
    وفي عطورات تصلح للعرايس سكسي اطلبي من المحلات يعطوك شي خاص في العروسه مثل محلات سيفورا ولا باريس غاليري او وجوه
    الاطقم نكتار أو زهور الريف /


    ربي يتمم لها على خير ويوفقها

تابعي تجارب أخرى من هذا القسم.