زوجة اولى و محتارة فى شوية امور، ارجوا المساعدة

السلام عليكن
دى اول مشاركة ليا و حبيت استشير حد لانى محتارة
انا زوجة اولى ، زوجى تزوج من سنة تقريبا و مراته التانيه تعمل فى منطقة بعيدة شوية و بترجع فى نهاية الاسبوع فبيجلس معى خلال ايام الاسبوع و مع خلال الاسبوع
هوة عادل فى الوقت و لكن ...
حتى لما يكون جاى من عندها و حيروح على شغله بس يعدي هنا لان سيارته بيتركها هنا لظروف معينة المهم ييجى يقولى عندك اكل اخده معايا يعنى مش بتجهزله اكله و هوة بايت هناك و بترسى على انى اللى غالبا بطبخ كل يوم
هى مش شاطرة اوى فى المطبخ الحقيقة بس كان من فترة قبل ما يحصل بينهم مشاكل كدة تطبخله عادى
انا بتحرج و بقدمله اكل و ساعات اقوم الصبح لما يطلب اطبخ على السريع و ابعتله اكله كمان
بستحي اقوله هى ليه مبتعملش
حتى مكواه الهدوم اقوله خد قميص لبكرة اكويه يقولى لا خليه هنا و جهزيلي لبسي و حاجى البس من هنا
يعنى الست لا بتطبخ و لا بتكوى
والغسيل عنده مشكله فى الغسالة فبيجبلي الهدوم اغسلها رفضت و قلتله بادب فيها فوط و نفسيتى مش جايبة اغسلها طبعا ملابسه فقط
فبقى يغسل هوة
السؤال هنا....هوة فيه ايه يعنى الغسيل غصبا عنها مفيش غسالة
طيب و الاكل ليه ما تعمله لو جه معاه اكل مرة كان عباره عن اكل نصف جاهز كدة
ليه ما ياخد مكوته
ملحوظة بس هى ليها شغل خاص كدة بتعمله فى نهاية الاسبوع برضو و بتبقى مش متواجدة فى البيت و بيكون جالس هنا طالما هى مش البيت
و استحى جدا اقوله ليه المدام مش بتطبخ
ايه الحل و حد يفهمنى بس
هى مش شاطرة عموما فى شغل البيت من طبخ و مكواه فهل دة سبب مثلا معرفش
عملت تعديل عشان اقولكم الادارة محددة بس ليا 8 مشاركات فعايزة ارد على استفسارتكم و اكتبوها من فضلكم فى الصفحات الاخيرة
هوة فعلا زوجى بشهادته انى اللهم بارك باة ليا مكانة خاصة بعد زواجه و عرف قيمتى و انا عموما بعمل اى حاجة لله و لان اخلاقي متسمحليش غير بكدة
احنا الاتنين مصريين و الست التانية فلبينة اسلمت

84 تعليق 12,092 مشاهدة

شاركي في النقاش

سجلي الدخول لإضافة تعليق.

التعليقات

81
  1. @coffeenor2002

    صاحبة الموضوع
    مش عارفة اعدل المشاركة عشان اضيف ان زوجي اللهم بارك لا يشكو من عيب فيا ابدا و الحمد لله و لكنها رغبة فى التعدد و فقط
  2. @nysan_5

    وليش تستحين يا حبيبتي
    قولي يعني هي تتهنا وتفضي نفسها لك وانا اللي اطبخ واغسل واكوي
    قولي في ايامي اخدمك ومن عيوني بس لما تكون عندها هذا واجبها ، هي شايفتني شغاله عندها عشان ما تنفذ لك طلباتك ؟
    انا احبك و لكا تكون عندي من عيوني اسوي لك كل شي
    بس ماعندي استعداد في ايامها هي اللي مكلفه بهذي الامور وانا ما عندي استعداد اريحها واشتغل انا
    قولي انا مو متثاقله اني اسوي لك اكل لا انا متثاقله اني انا اشتغل وهي جالسه مرتاحه وش وراها هي؟ يومين بس ما تقدر تخدمك؟
    وبعدين يا حبيبتي لا تستحين هو تجرأ وتزوج عليكي وما فكر في احساسك وانتي مستحيه من حاجه بسيطه كذا؟


    اهم شي يكون اسلوبك لطيف بس قوي وواثق عشان ما يتضايق منك
    والا قولي دام انا اللي اخدمك خلك عندي ليش تروح لها😜
    واذا قابلتيها قولي فديت فلان يحب اكلي ويحب اني اجهز له كل شي بدوامه يثق في نظافتي
    وهي راح تغار وتتحرك شوي
  3. @nysan_5

    واذا قال لك ما تعرف
    قولي كل الحريم في البدايه ما يعرفون بس اللي تحب تكون ست بيت تحاول وتحاول لين تصير شاطره
    ولو هي تبغى تخدمك كان تعلمت تطبخ عشانك

تابعي تجارب أخرى من هذا القسم.