قسم العلآج "الاعرآض و النتآئج و الاسئلة"(متابعة الحاله)

لا العفو انا ماستهين بتجربتك وبالفعل انا مامريت وان شاء الله مامر بتجربتك لانها مخيفه بالنسبه لي ولا اقدر اتحملها
لكن انت احيانا كانك تاكد ان الشخص مسحور مع ان الرقاه المتمرسين واللي كانوا قبل مسحورين قبل يتجهون لرقيه الناس احيانا مايفرقون بين السحر والحسد والمس رغم اللي يشوفونه من صراخ واهتزازات وبعض الرقاه هو يضيع المريض بان يقول فيك حسد وهو اساسا فيه سحر او العكس فالحكم صعب جدا كان ممكن تطلب من اللي ترد عليهم يسمعون الرقيه ويعلمونك بالنتائج اللي تصير معهم بدون ما تشخص الحاله بانها سحر لان فعلا فيه اشخاص يدخلون في دوامه لان عارفين ومتاكدين ان مافيه احد بيسحرهم
انا اعرف ناس مايبغون لي الخير وهم يتعاملون بالسحر وسبق وسحروا امي لكن استبعد تماما انهم سحروني او ناوين يسحروني لان السحر ماهو بالشي الهين اللي يخلي الناس تمشي وتسحر بعضها مهما وصل بهم الحقد
والله يكفينا شر السحر والسحره ويشفي كل مسحور

الله يشفيك ويشفيني ويشفي كل مريض اهم شي الجانب الديني حافظي عليه الله يوفقك.

محد قالي والله أعتقاد من عقلي
ربطت السحر بالجن، عمومًا اعتقاد فقط ، انا والله ما أقتنعت أنه نفسي بس أعلمك، لأن والله اذا كلمت الدكتوره كلامها ونصايحها ماستفيد منها 1٪‏ رغم ان كلامها واقعي لكن مايلمس شيء فيني ، تقول اني مضغوطه وجسمي يسوي النوبه عشان يطلع الي فيه بس انا طبيعتي ما اكتم مشاعري كل شي اطلعه من لحظته ، ، بس بقرا وارقي نفسي وأشوف .

السلام عليكم و رحمة الله و بركاته.... أخي الكريم قرأت الموضوع على عجل و سبحان الله حسيت اني لازم اكتب معاناتي فربما يكتب لي الشفاء من بعد قدرة الله و ارادته.... بأختصر مشكلتي بقدر المستطاع في آخر حمل لي و بآخر شهرين حمل أصبت بحاله اكتئاب شديده عانيت منها و اضطريت للولاده قصيريا بسبب الحاله اللي كانت فيني بعد الولاده خفت شوي و لكن احس آثارها مازالت موجوده رغم مرور سنتين و نص الليي اعانيه حاليا ارق و قلق في النوم فقدت اي طعم للحياه و الفرحه يعني ما صار اي شي يفرحني و يبهجني قبل كانت ضحكة اولادي تسعد حياتي اما الحين ما صارت تأثر فيني و لا اسوي اي شي عشان يسعدهم اصبحت عصيبه جدا جدا جدا رغم اني معروفه قبل ببروده الاعصاب و التحكم بغضبي صار لساني سليط على اولادي و فيني قسوه قلب و حقد ... علاقتي بزوجي جيده بس بسبب الوضع اللي انا فيه صارت المشاكل تزيد اكثر و اكثر ... احس لسه فيني اكتئاب مسيطر على حياتي ..... و بالنسبه للرقيه قبل الزواج و بعد الزواج رحت لأكثر من شيخ كلهم قالوا نفس الكلام حسد و عين خفيفه و ماكان يصير لي اي شي الا بعد ما قرأ على احد المشايخ فعلا حسيت بأغلب الاعراض اللي قرأتها من تنمل و نبض و احلام مزعجهه و اختفاء بعض الاعراض مثل الامساك و الغازات. و انتظام للدوره الشهريه اكرمكم الله حسيت فيها بتحسن كبير و لكن بعد حملي الاخير و الحاله اللي اصابتني احس الوضع رجع مثل اول و اسوأ صار ما فيه بركه بالمال و بالوظايف اللي اتوظفها و اتركها ...... اتمنى اجد حل و علاج لحالتي اللي كتبت جزء منها فقط

عليكم السلام ورحمة الله وبركاته ...
وش الاحاسيس كانت تجيك لمن يقرا عليك الشيخ ..؟


ومن ناحية الكوابيس ايش الاحلام الي كانت تجيك يعني عناكب ثعابين وزغ ..الخ ؟


ومن ناحية العبادة من صلاة وقرائة القران تؤدينها بشكل عادي ولاتحسين بثقلل عجيب وتعب بدون سبب ؟


وعلميني الاعراض عند النوم الي تصير لك دايم حتئ لو شي غريب قوليه !


ومن ناحية الارق متئ يصير لك الارق !؟ لمن يكون اليوم الي بعده في مناسبة او عمل ؟ يجيك ارق قبلها بيوم
؟


يعني كل مايجيك عمل او مناسبة ماتقدرين تنامين تجيك احاسيس غريبه بحيث ماتقدرين تنامين ؟
او اي شي اخر غريب زي اسئلتي قوليه !


لان كلامك مايكفي احكم عليك فيك شي او لا !