أنتم مثلنا؟!

لا غلط طريقتكم ليه كذا
جيبي كل شي بالكرتون وكثري تطول معاك ماراح تخرب لأنك تطبخين منها
وشبسات الأطفال جيبو بالأكياس ترتاحون
وطبعا الحفايظ جيبو من كرتون فيه كيسين كبيره احتمال يكفيكم شهرين والحليب خذي العلبه الكبيره تكفي اسبوع
اما عاد كل مايطلع طلب مايصير بتتعبون ويكون صرفيه اكثر

كنت مثلك وسويت قائمه بكل شي وطبعتها وصوت كل شهر أسجل منها عشان مانسى شي وطلعت الفاتوره الف ريال وثلاث أسابيع الا كل شي مخلص صرت اكثر العدد يعني بدل لا اكتب له عدد اثنين أخليه ثلاته صار قبل شهر بأياااام برضوا يخلص حسيت انا عائله مستهلكه جدا وصرت اقضي من البقاله تقزيره لين يخلص باقي الشهر وارجع أعطي زوجي نفس القائمه وارتحت لان صرت اكثر العدد عشان زوجي مايحب يروح مرتين في شهر يقول اطلبي مره وحده وخلاص مو قصده الفلوس قصده مانشغله كثير

وعلى فكره الفواكه والخضار اطلبها كل اسبوعين من البقاله مالها دخل بالقائمة الشهرية لاني اذا طلبت كميه تخيس بالثلاجه لازم على دفعات

اهم شي يقضي مو مشكله يومي اسبوعي شهري المهم يجبلك اغراضك

مع كلام الاخت وترا البقالات اغلا من السوبر ماركت واسواق الجمله ،اذا انتي ف الرياض روحي لعتيقه هناك سوق كبير مثل العثيم وكلش بالجمله واسعاره معقوله،ونفس الشارع محلات البلاستك تبيع جمله خذي الفيري والصابون واكياس النفايه بالجمله اذكر اخذت منهم مره كفتني اربع شهور ،حتى صحون البلاستك والسفره والكلوركس كلشي بس يبي ميزانيه الف ونص او الفين وبعض الاغراض تكفيك شهور ماترجعين للسوق. اما البقاله قطعة قلب ارتحت يوم قطعتها تخيلي يوميا50او100 منها ولاتجلس الايومين