دعواتكن بنات الوضع ازداد سوء

بعدين هو ماحظر ولاشيء انتي اذا حذفتي رقمه بيختفي من عندك كل شيء
واذا رجعتي رقمه بيرجع كل شيء
ليش تحسبينه يتابعك ؟ ترا الرجال لو يبي يتابعك جاءك وكلمك ماحد يرده
ارحمي نفسك خلاص

انتي ليش تراقبينه انسيه وعيشي لنفسك ولعيالك اشغلي نفسك توظفي او دور لك اي شغله
فك الحظر بيرجع يحظرك ف احسن لك احظريه انتي ومصروف ولدك يرسله لك كل شهر

زي ماقالت ام عيالي لانك حظرتيه كلشيء يخصه يختفي من عندك عالواتس...مو سالفة يتابعك او يراقبك....

خلاص ياخي انا فقدت الامل
تكتب العضوه موضوع ونكتبلها معاريض حلول ونصايح وترجع تفتح موضوعها كم مره وماخذت ولا شي ولا اقتنعت بنصايح اغلبية العضوات
انا لما اكتب رد لعضوه عندها مشكله وهي متعرضه لظلم كبير عقب ماكتب ارتاح نفسيا احسها صارت بأمان واحس كل شي بيتصلح بحياتها وتبدا بدايه جديده .وبالنهايه يروح كلامنا مهب الريح وودها ترجع لحياتها الظالمه وودها ترجع بدون حقوق بدون حب بدون موده بدون مصروف
طيب ليه ودك ترجعين ؟ يختي لاتناظرين اللي يقولون اصبري تلقين كل وحده متهنيه بحضن رجلها صحيح عندهم مشاكل لكن مشكله او مشكلتين مقابل حياتهم السعيدة الباقية لكن انتي حياتك معها كلها مبنيه ع غلط ومشاكل مافي ولا حسنه وحيده فيه ماحقق ولا هدف من أهداف الزواج
ليه تتعلقين فيه وبترجعينله ؟
الشخصيات الي زي كذا عجزت القا لها تفسير انتم تعشقون الظلم ودور المظلومه تحبون تعيشون بالعالم ذا السوداوي كل ماتتعذبون تعشقونه اكثر وتعشقون حياتكم معه
اذا كذا علمونا وخلاص لجل مانكتب ردود ونشيل همكم وترجعون ترمون كل كلامنا وتنفذون الي بخاطركم !!
مدري شقول بس

مشكله صاحبة الموضوع انها تحبه بأختصار
وتتمنى يرجع لو بدون حقوق أهم شيء هو
أنا صراحة أحس تعبت نفسياً من موضوعها زي ماتفضلت الأخت الي قبلي يعطونها حلول وترجع تتشكى مدري وش تبينا نقول
نقول ميت عليك وبيرجع لك
ترا كل هذا في علم الغيب مو عندنا الله وحده أعلم
وبعدين أنا الي وضح لي انه طلق من سبب تافه فمعناته الرجال من أساس بايع وحبه للاولى واضح
صحيح اني زوجة ثانية وعندي ضره بس يبين العادل من المايل
وانا اشوف ان طليقك كله مع الأولى
وأنا من تجربتي مع المعدد أعرف من حركاته وأسلوبه وكلامه اذا يبي الثنتين او وحده
وانتي زوجك مايبي الا الاولى وانتي للاسف مازلتي متعلقه في اوهام وتراقبينه وتتعذرين باغراض ولدك
ترا القساوه في الكلام هي الواقع وبتصحيك عشان كذا ياليت تصحين لنفسك وعيالك ترا في حاجتك يبونك بصحتك وعقلك
عيشي لعيالك وبيعي الدنيا الله يجزاك خير
وانسي هالرجال لانه عايش وناسيك