روايتي قصتي حياتي .. لكل زوجة مهمومة وعانت من الظلم << معدل

ربي يسهل امرك ويخترلك الي فيه الخيرر
استمري بعلاقتك مع الله وربنا يعوضك....

الله يجزاكم خير كل من دخلت واعطت من وقتها وكتبت لي رد ودعت لي

الله يعلي شانكم ويرفع قدركم جعل يدينكم ماتمسها النار

حروفكم وكلماتكم تلامس القلب . . شكرا لكم




اما الاخت اللي سجلت عضويه جديده عشان تهاجمني روقي لا يطق لك عرق

وخلي عندك شجاعه ادخلي بعضويتك وواجهيني باللي في قلبك ليش متعنيه ومسجله اسم جديد

واللي يعايرونه او يعايروني بالمدمن واللي فيه ومايخطيه لعل هذا المدمن التائب اللي بسجنه ينتظر ايامه الاخيره بالقصاص او السجن لسنوات طويله منزلته وقدره عن ربه اعلى مني ومنكم .

الله لا يحطكم في موقف عزيز عليكم ينتظر حكم قصاصه في أي لحظه ومايدري هو رايح بحياته لوين .

والاخوات الفاضلات اللي يقولون انا متناقضه وانا اهاجم المطلقات والرجال ، عشان بس ماتحطين شي في ذمتك كلفي على نفسك وشوفي مشاركاتي كلها مافي رد يشبه الثاني ودايما اكتب ان الطلاق اخر الحلول وان الحل اللي يناسب فلانه مايناسب فلانه الثانيه .

وفي فرق بين اني اناصر واوقف بصف زوجه مظلومه مكسوره ضعيفه واشجعها تاخذ حقها وتوقف بوجه الظالم وتقوي قلبها ، وبين اني امشي بكل موضوع اقول للناس تطلقوا تهاوشوا اهدموا بيوتكم ترى مافي احد غبي الا اللي تستغبي .

لا تصيرون مثل اللي اذا خاصم شخص يفجر بخصومته ويظلمه بس لان الفرصه صارت متاحه للاقتصاص والنيل منه .




واللي قالوا مجاهره بالمعصيه الله يجزاكم خير وش مطلوب مني الحين اسويه يوم قلتوا لي مجاهره بالمعصيه ؟

مو انا بنظر بعض الناس ليبراليه وعلمانيه وشيعيه وعانس ومنافقه حسب كلامكم ؟

ليش تشرهون على وحده كل هذي الصفات فيها ؟

والاخوات اللي قدموا لي نصيحه وتمنوا لي الخير الله يجزاكم الجنه ويجعل كلامكم الصادق صدقه لكم وفي ميزان حسناتكم

يالله يكثر تأثرت من قصتك ...شلتي هموم مثل الجبل على ظهرك....كنت أحسب عمرك صغير توقعت عمرك 19او20..طلعتي أكبر بكثير مماتوقعت...هموم شلتيها محد يقدر يتحملها..بس الله عطاك قوه وصبر وربي يعوضك بسعاده لاتنسى...وانا احب ردودك ومتابعه لها وردودك دايم عين الصواب...وعاقلة وفاهمه وناضجه ...وحنا منك نستفيد

بلشت قصص الف ليله وليله
التي تدعو لتمرد النساء والثوره على الأهل
بلكي ايران لها يد في دخول عضوات غريبات
ومواضيع غريبه
ي سعوديات ترى في وسايل التواصل حرب على دينا وتقاليدنا وعاداتنا
يجيشون ناس تسوي قصص غريبه عن دينا ومجتمعنا
حتى نتأثر فيها ونعيشها
انتبهو تراكم ع نياتكم
الله يشغل كل من عنده نية شينه على بلدنا ومجتمعنا
ويشغله في نفسه

تبين اعطيك الاسم والعنوان ولا تبين ادلك مكان السجن وتدخلين تستفسرين بنفسك عن فلان بن فلان

تراكم ماكلين مقلب في انفسكم تحسبون الدنيا كلها تسوي مؤامره عليكم
مدري وش لاقيين فيكم
لا اختراعات ولاتقدم ولا تطور .. ماقدمتو شي للبشريه عشان يلتفتون لكم ويكيدون لكم

وتبين تنكرين الواقع انكريه بيدينك ورجولك وبكامل قوتك
لكن الحقيقه دايماً توجع والهروب منها ونكرانها اسهل الحلول عندكم
انتي مثل اللي يتخبى خلف اصبعه ويقول احنا بخير واحنا افضل ناس وماعندنا اللي تقولونه
والحقيقه كل الناس شايفه اللي ورا اصبعك مثل وضوح الشمس

واذا مو عاجبك التمرد خليك منبطحه واتركي غيرك يشوفون حياتهم