يقول ان الساحر أقوى وانا احاول أقنعه ان كلام ربي اقوى😭

العلاج بالحجامة اخذ منها اقل من سنة والحين هي الحمد لله بفضل من الله صارت طيبة

اول شي لا تاخذين بكلام زوجك وتتأثرين فيه او حتى تصدقينه طالما مافي أي دليل

انتي كذا كأنك تحاولين تصيدين عليه الزله عشان تكرهينه اكثر

وبعدين وش هالسحر اللي يفك عن الزوج ويترك الزوجه ؟!!

مو على اساس السحر لكم انتو الاثنين ؟

اقول لا تستعجلين وتحكمين على الوضع لمجرد كلام

وبس احب اقول شي والله ثم والله ان اللي يقولون عن انفسهم نفك السحر ومدري ايش وينشرون ارقامهم لو تتصلين وتقولين لهم اي شي بيقولون فيك سحر وادفعي فلوس ونفكه

انتبهي مو كل مشكله او عدم تفاهم بين الازواج يعني خلاص في سحر لا تعيشين بوسواس واوهام

السحر له اعراضه واثاره ولو اجيب لك ايات السحر ماراح تقدرين تسمعينها بتجيك ضيقه وتعب مو بالسهوله توهمين نفسك انك مسحوره وان زوجك تعالج


المهم جربي كلمي هذا الراقي اسمه محمد الخزيم 0503660055


كل فتره يسافر منطقه وينشر بتويتر انه بالمنطقه الفلانيه اللي محتاج رقيه يكلمه حتى زوجته ترقي النساء


الله يشرح صدرك وييسر امرك ويشفيك ويشفي كل مبتلي

وننزل من القران ماهو شفاء ورحمة للمؤمنين ولايزيد الظالمين الا خسارا)
تمعني في الآية بتلقي الجواب
شفاء للمؤمنين هل انتي مؤمنة بأن كلام الله شفاء؟
اذا مؤمنة وماعندك شك فوالله انه راح يبطل سحرك لو كان فيك الف سحر مو واحد
انا مااتفلسف ترى انا مريت بمرض روحي وكان القران والصلاة والصبر اصدقائي بذي الفترة وربي فرجها علي
ورجعت عانيت والحين مستمرة والحمدالله اشوف بدايات الفرج
انتي لما تقرأي على نفسك الايات اقرئيها وانتي تتعبدي لله بكل حرف وانتي خاشعة لربك والله ليتفكك السحر كله اذا آمنتي بأن كلام الله شفاء وان الشافي
وكل ماقربتي من ربك بتلاقي ان اعراض السحر راح تخف وتتلاشى
ألحححي بالدعاء واعرفي ان كيد الشيطان كان ضعيفا بسجودك كرري ربي ان مسني الضر وانت ارحم الرحمين
أما زوجك محتاجة يراجع إيمانه وانتي كذلك كيف تشككون في كلام الله وتفكرون تفكو السحر بسحر
طيب السحر قدر من الله وقادر يفكه باي لحظة حتى لو بسجدة
والسااحر مو مخلوق من خلق الله ؟! وهل لو أردتو فك السحر بسحر والله من سابع سماه كاتب تبقو مسحورين لمدة معينة كاتبها عليكم هل تتوقعين الساحر قادر يغير أمر كتبه ربي عليكم وربي لو يفك بيديه ورجليه ويستعين بملوك الجن كلهم وربي كاتبلكم تبقو مسحورين ماراح ينفك
وزوجك لما شاف التحسن لو كان فعلا راح لساحر تظنينه خير له لما تحسن وآمن ان السحر اقوى طيب ماجت ببالك انه استدراج وامهال من الله
المفروض تحمدي ربك انه عافاك مماابتلا زوجك وضعف ايمانه احمدي ربك انك عارفة طريق الحق من الباطل
شفته معاناة السنين اللي عشتيها وعاشها كل مسحور تدرين انها قد تذهب بلحظة ممكن تقرأي ع نفسك ويبطل هالشي بغمضة عين مع انك كل يوم كنتي تقرأي نفس الايات بس اش معنى اليوم بطل السحر!؟ لأن الله أمر بإبطاله (السحر إن الله سيبطله) مدام وعد ربي بإبطاله راح يبطل طال الزمن او قصر
قوي علاقتك بربك ادخلي اليوتيوب وشوفي الدروس اللي تزيد قرب من الله وتفاؤل غيري حياتك وخليها لله بينفك سحرك وبتشوفي الخيربإذن الله

الله يشفيك ويرفع الضر عنك ويعوض صبرك .خيرا ارقي نفسك ...بالقران الكريم وسوره البقره والحجامه. حسبنا الله ونعم الوكيل في كل مؤذي

صح نفس ملاحظتي
عمري ماشفت اعجب من عضوات ذا المنتدى قاعده مسحوره وماتروح تتعالج وتقول صبر ..... وش مفهومكن للصبر انتن !!!! واهلها مايدرون ؟؟؟؟ طيب على اي اساس حكمتي انتس مسحوره ؟ بالبدايه تقولين ابي اروح عالاقل اعرف انا سليمه والا مسحوره ؟؟؟ انتي محتاجه تروحين لاهلتس وتبلغينهم وتروحين لراقي ثقه ومعروف بعلاجه وله صيت يعني مو مادي ولا غشيم والمهم تعرفين وش مرضتي وتبداين تتعالجين .... ورجال مثل دا يكفر بالله ويفك السحر بالسحر فراقه غنيمه لانه مايخاف الله ....