حلف على المصحف

سلام عليكم
انا عضوه جديده ومو متزوجه بس عندي صديقه زوجها يحبها بس عصبي الله يهديه لها يارب
بس المشكله هي كمان عصبيه
لهم عشر سنين متزوجين هوا لمن يعصب عليها يمد يديه بصراحه مو على طول بس هي تغلط في الكلام عليه بس هي تضربه ضرب والله.. بس خلص يسكت لانه عارف انه غلط ولمن تجي تبغي تروح عند اهلها يجلس يترجاه ويبكي زي الاطفال وتسامحه وله سنينبعد الوعد ماصار يمد يده عليها بس البارح تقول زعلت منه وهي حامل وجلست تسبب فيه وغلطت على امه وقام وضربها ضربه بسيطه على راسها بيده وقامت وضربته وهي كانت حامل انابيب واول حمل لها.
اعتذر الرجال من لحظتها وطلب السماح منها وقالها اطلبي اللي يرضيك وحلف على المصحف انه مايمد يده عليها
جلس يبكي ويقولها لو تفارقيني اموت
اهلها اليوم بيجون عندها البيت وهم مايدرون بالسالفه بس هي راح تروح معاهم
وهي حالفه وطالبه الطلاق منه وهو متمسك فيها
مدري وش تنصحوها