أمي تربط البر بكل التعاملات!!

اختي انا حاسة فيك وفاهمتك بس مهما يكون هذي امك وماتقدري تخليها تبكي بسببك حاولي تتفاهمي مع اخوك. وهي حاولي تعاملينها مثل ما كانت تعاملك وانت صغيرة واضحكي معها وخلييها تبتسم بدل ماتبكي.
انا كنت جي مع امي نفس الشي فموضوع المناسبات ما ابغى اروح وهي تقولي عصيتيني ومدري شو وانا اعصب واتخانق معها ماكنت بستحمل لاسباب.
بس بعدين صرت اكلمها بهدوء واقولها تعبانة او ما احب الناس وايد فالمناسبات او اي شي اخليها ترضى واذا ما وافقت اروح معها وخلص. يعني فالاخير كم ساعة وتفوت وهي مسكينة تكون فرحانة.
الله يحنن قلبها عليك ويحنن قلبك عليها يارب .
الله يحفظ كل أمهاتنا يارب ويرحم كل الي امهاتهم توفاهم الله.

صح انه ماله علاقة البر بطاعة امك في خدمة اخوك بس اذا اخوك دايم يخدمك وطيب عادي سوي له اللي يبي حتى لو انه يقدر يسويه ، وامك فهميها هالشي بهدوء وبالنسبة للمناسبات اكيد تبي مصلحتك وتبي تحضرين معها وترفعين راسها ، اجبري بخاطرها حتى لو في شي ماتبغيه او منتي مقتنعة فيه المهم رضاها وصدقيني ربي راح يوفقك بحياتك

استغرب من بعض الردود اللي تقول امك فاهمه ان طاعتهامن البر اجل معصيتها من البر المفروض انك تخدمين امك قدر ماتستطيعين وتدورين رضاها بر الوالدين من الاعمال الفاضله واجرها عظيم من البر انك تخدمينها من قبل ماتطلب وبعدين انت اذا ماخدمتي اخوك امك راح تخدمه واخوك وش راح يطلب رتبي غرفته واغسلي ملابسه وهو يوديها يكويها امور بسيطه وتكسبين رضا امك ودعواتها الطيبه واخوك راح يقدر لك هذا الشي وتكسبين محبته وراح يوقف جنبك اذا احتجتيه خلي بينكم تعاون الله يصلح مابينكم

الله يعطيكم العافية
وجزاكم الله خير
شكرا لكم جميعا
الله يحفظكم