بغيتكم لا تردوني

حطي ورقه كبيره شوي على بطنك واكتبي فيها اشتقتلك يابابا:hahaha: بالصراحه فكره حلوه ومريحه وافكار البنات كلها حلوه وانتي طبي واختاري


على فكره نسيت مبروك الحمل والله يسهل عليك يارب ويتربى بغزك وعز ابوه

أنا قريت موضوع بهالخصوص واستفدت منه والصراحة نسخته عندي والله حتى مو ذاكره اللي كتبته
بحط لك منه الزبدة:)...............:-
الســلام عليـــــــكم ورحمـــــة اللـــــــه وبــركـــاته

أخواتي الغاليات هذه بعض الأفكار جمعتها لك لتختاري منها الأفضل والأجمل .....وهي أفكار عن كيف تزفين خبر حملك لزوجك الغالي؟؟؟

•#لما تسوين اختبار الحمل ويطلع ايجابي غلفيها بالبلاستيك الشفاف وحطيها بعلبة هدايا واهديها لزوجك..

•#علبة هدايا وتحطين فيها رضاعة وتكتبين في ورقة بابا انا ارسلت لك الرضاعة مع ماما بس لا تنسى اذا جيت ان شاء الله رجعها لي....

•#أعملي نفسك متضايقه و حزينه وبعد كذا قولي له إنه في سر أبغى أقوله لك وقولي له انه انا أحبك كثير بس للآسف في واحد ثاني دخل حياتي بدون استئذان و بدون ما اشعر خلاني احبه و انا اسفه لانه اخد شوي من مكانتك عندي سامحني الله يخليك وبعد كذا قولي له اذا تبغى عنوانه هو موجود معي انت شوف يدي وين هو ساكن جوه)وحطي يدك على بطنك)وبعدين هو راح يفهم المفاجاة.....
بس اللي تجرب هالطريقه تنتبه من زوجها احسن ما يكون سريع الغضب ولازم تقولين له بسرعه قبل ما يزعل..واذا كنتي خايفه من ردة فعله لا تجربي هذه الفكرة..

•#أول ما تعرفين إنك حااامل ، إطلبي من زوجك يوديك السووق ، وادخلي محل لبيع ملابس الاطفال ، راح يستغرب ليش انتي داخلة هناك ؟؟ لا تتكلمي بس واصلي وروحي عند الملابس واختاري أي شي ، وهنا راح يسألك لمين تشترين ، قولي له حق البيبي اللي جاي في الطريق ههههههههه طبعا راح يطير من الفرح ويمكن راح يشتري لك المحل كله هههههههه..

•#ممكن تأخذين الرضاعه بالكرتونه ومع اغراض للبيبي وتكتبين معها بطاقه وتضعين معها نتيجة التحليل...


•#جيبي ورده حمراء وحطي معها كرت واكتبي في البدايه كلام حلو لزوجك بعدين اخر شئ اكتبي اني احب اهدي لك هديه مرررررره حلوه بس لأسف مااقدر اعطيك الهديه الا بعد تسعه شهور (أنا حامل)....

•#ممكن نجيب علبه فارغه ومغلفه ونكتب عباره داخل العلبه(لا يمكن استلام الهدية الا بعد تسعة اشهر ( لاني احملها في جوفي....

•#ممكن تحضرين ملابس للبيبي وتغلفيها وتهديها لزوجك ....

•#ممكن كمان تعملي حفله بسيطه ويكون فيها ثلاث شمعات وتكتبي تحت كل شمعه اسمك واسم زوجك واسم البيبي اذا كنتم مختارين اسمه أو تكتبي ابننا القادم ان شاء الله...أو تعملي تورته وتكتبي فيها مبروك الحمل ...

حبيبتي انا لما كنت حامل ببنتي ماقلت له شنو فيني مع العلم عندي ولد وكان خاطره ببنت
رحت محل الورد والتغليف ولقيت عندهم كرستاله مكتوب عليها its A girl
بعا الكرستاله كبيره كبر قبضه اليد ولونها وردي شفاف والكتابه مو واضحه وايد يعني لازم تركزين فيها
المهم عزمته على عشى في مكان راقي وكان ذيج الحزه في مناسبه لنا طبها اهو عطاني هديتي وينطر هديته المهم اول ماوصلنا المطعم حطيت الكرستاله في جيب الثوب وقلت له هذي هديتك بس لاتطلعها الحين تقدر تتحسسها بس غير جذيه لا
وطول قعدتنا بالمطعم واهو حاط يده بالجيب ويقول شنو هذي جنه حصى لانه ثقيل
طلعت روحه لي عقب العشى قلت له الحين تقدر تشوفه
طلعه وقالي شنو هذا >>الكتابه ماكانت واضحه لانها بالوري بعد ويبيلها تدقيق
قلت له اقرا المكتوب ويووووووووم شافها والله تقووووووولين ماعطينا مليون دينار الوناسه حدها وقالي هذي احلى هديه وللحين خاش الكرستاله عنده

ها شرايج في طريقتي

مشكورات يا الغاليات على الافكار الي وااااااايد حلوة الصراحة

وكلهم اعجبوني مدري شسوي وشنو اخلي

زوجي عن يا حسب بيوصل اليوم لكنه فاجئني باتصاله ان رحلته تأجلت لبكرة

من العصر وانا افتر بالبيت ابخر واغير شوية من ديكور غرفة النوم

واروح احجز كيكة يعني تعبت حالي وايد..

كنت متشوقة عشان اعرف ردة فعله لما اقوله اني حامل
بس انحبطت لما قالي انه بيجي بكرة
ادري تعبي ما راح هدر بس بعد .. !!

يمكن هذا لصالحي عشان اعرف جم فكرة حلوة منكن فديتكن حبيباتي

ومشكورات وما قصرتن والله يخليكم ..

تعبتكم وياي